JEREMIYA 7:18 - Sumi Naga CL (Re-edited) Bible (BSI)

¹⁸ Atianuliqo no asü kiche cheni, apu noqo no ami shi ani, eno topumiqo no asho kunu ani, atsütsü kükaliu ghenguno mülüike sho mla ani. Panongu no I mlo shikighide tsüniye kütau lhouqo lau atsaizü kümllagho lephe ani.

BAIBEL (BSI)

¹⁸ Itimino sukughupu su pesu ighi, timi qono ami shipe qhi eno totimiqono asho kununo panonguno kungugha kukaliu ipichekeu lhouliu ghenguno asho shiniyeke. Ighuzaniye panonguno kutau lhouqo ghenguno mllakeu tsayiji ghi leqhitsuke.

JEREMIYA 7:18 Iomraidhean Croise

KUKAMI ATUGHIU 14:9

Ikemu no ye o züumi kümtsü nguno alau axine kije shivae eno I milive no o sala kütau lhou ngo ayi julho mlakeu lono I mlo shikighide tsüke.

KUKAMI ATUGHIU 16:2

“I no ayeghimkhu lono o süqhepe Iw timi Israelmi shou sakipheu shipe kelaye no ye Jeroboam toi xüuve no Iw timi Israelmi pelo axine shipe, eno panongu xine no I mlo shikighide tsüke.

LESHELE 16:4

Khunono alhou kütau pape cheni keno amlo ghime küghüsü nani; ni ye panow ajih kümllagho leqhi tsümo momu pano je pesü I kichi lo pimo nani.

ISAIAH 3:8

Kughengu Jerusalem ye küpxavae, eno Judah ye ikiqivae, kughengu panongu no Ampeu gihumo no pi-shi keu kümtsü lo Pa mjochile chenie.

ISAIAH 57:6

Akhila lo atumloqo no nongu saje ke; tipaqo shou no nongu no asaqhi cheni; tipaqo lau nongu no shokepu kümllagho ngo athi kümllagho pesü tsüke. Ni ye hipaqo shou aloqini keshea?

ISAIAH 65:11

Ikemu nongu khunoqo Ampeu qhive keno, khunono I kimthe naghuto kümsümave keno, Angukümgha ithulu niye achuqupu pesü mlla chekeqo, eno Kükümgha ithulu niye atsaiji jeli kitekungo chekeqo,

ISAIAH 65:3

timi hipaqo ye tamomithe pekipheshi I xukutho cheni, aghutuqo lono aghashi cheni, eno pititu shou no akümllagho tsücheni;

JEREMIYA 1:16

I pheve keu kümla lhoksa kümtsü ghenguno I no panongu mjochile keu tsakükügha shupheni. Panongu no akümllagho pesü alhou kütau tsüno panongu u no mla keqo mllauve ke.

JEREMIYA 11:17

Aqokitikhi MPEU, khuu o shosü keno, Pa no o shou amhekiqi xaküthaza beva, kughengu Israel ngo Judah kibo no alhoksa kümla shike, Baal lau akümllagho tsü keu no I xukutho pe I mlo shikighide tsüe.”

JEREMIYA 17:2

pano tianuliqo no asübo eno qhemghai keu toghi lo pano kiptia eno Asherim akeqo kümsülu nani.

JEREMIYA 19:13

Jerusalem ngo Judah kükami kiboqo eno aki khijeno akütsüqa lono akümllagho pe aqhi ayepu mllauve, eno atsaiji kümllagho pesü kütau lhouqo lau lephetsü keno, kümtsü Topheth toi kitiqevae.’”

JEREMIYA 25:7

Ikeghi, Ampeu no sheshu, nongu no I tsa inimoe, eno nongu kümla no I mlo shikighide tsüe.

JEREMIYA 32:29

Chaldeami no mishighüna hipau sasü aghüshi akelo ighi no ami süvetsü nani, eno aki khipaqo kütsüqa lono Baal lau akümllagho leqhitsü eno kütau lhouqo lau atsaiji kümllagho tsükeu lono I mlo shikighide cheni keno ti kümtsü pitive nani.

JEREMIYA 44:25

Aqokitikhi MPEU, Israel Lhou no ishi piani: Nongu eno nongu nipuqo no shuphe no tishi mlave keu lono ishi pikeu shikupuvae, ‘Ningu ye mtsüqheino, atsütsü kükaliu lau akümllagho tsü nani eno li lau atsaiji kümllagho tsü nani.’ Ikehu nongu shoqhi shikupuve lo!

JEREMIYA 44:4

Ikeghi I no nongu lau ishokibe I qemi tungkupmi puwu no pi, ‘O, I no mithi chekeu aphikümqhüpu hipaqo shi kevilo!’

JEREMIYA 7:17

No ye panongu no Judah mishighünaqo lo eno Jerusalem laghila lo kiu shi ani keno ithulu anima?

AKUMLO 5:13

Lhothemi no anguka lono athi tsüghüpe, eno itimi no asü xapu kulokuloi alache.

EZEKEL 16:26

Nono ghaghumi o kisüghümi Egyptmi sasü kütüqhae, eno I loghu shikighide tsüniye nono kütüqha keu küghüsü ke.

EZEKEL 20:28

Kughengu kughou I no panoqo tsüni kepi tushoqhi keu yeghi lo panoqo saighi keno, panongu no khile khilemu atoghi qhemghai keu momu anipa miniboi keu sübo ithulu aye, panongu no tilau no aghakishiqo mlla eno tilau no aloghu shikighide keu kümllagho pephe tsüke; panongu no tilau no alokiqi xokütsüngü piti mlla, eno atsaizü kümllagho leqhike.

EZEKEL 8:16

Pa no Ampeu kilo achebo alou I sailo. Eno julo, Ampeu chineki kulaghi lo akisheqho ngo akümlla-khache küma dolo timi pano muku pungu-a toike aghi, ti ye Ampeu chineki ye panongu zübou shive eno panoqo gi no kipela küdau shive no kipelau khetsünhe mlla aghi.

EZEKEL 8:17

Pa no I vilo pi, “O timi nu, no ye hipau ithuluve akema? Israel laghami no aphikümqhüpu hilehi shi akeu ye thime aghulo lakhi kesheno panongu ye ngukangugha jeli ghi pesü no ayeghi hipau shepichhi eno itaghi I xukutho no alau I mlo shikighide ani kea? Julo, panongu ye ihulo keu shi I thaigha auvae.

1 Kor. 10:22

Ningu ye Ampeu nhekushupu xukuthoni keshea? Ningu ye Pa nguno akumtou keshea?

ZAKINIU 32:16

Panongu no inami lhou pesü Ampeu pelo anheshupe; aphikümqhüpu pesü Pa loghu shikighide.

ZAKINIU 32:21

Panongu no alhou kumo keu pesü I pelo anheshupe; panongu no ajulho pesü I mlo shikighide tsüe. Ikehu I no pano pelo kiumu kumo kemi jupe anheshu peni; mbomzü shiye sawo pano mlo shikighide tsüni.

ZAKINIU 4:19

Itaghi nongu no atsütsü lo jupuku kelo, khetsünhe, aqhi, ayepu eno titoike jeli no nongu züluve no tipaqo mllauve nosake kutokughoi lo, kughengu tipaqo ye Ampeu nongu Lhou no atsütsü qholo ashiaye kümtsü sala pulhosü tsüke.