JEREMIYA 6:26 - Sumi Naga CL (Re-edited) Bible (BSI)

²⁶ O Iw timi ngaqo, yeqhiyephi pepu no ayevu lo ihilo; anu lakhi likhi keu ghenguno mlo ketoi, kukhukimji shi mloqa lo, kughengu züleno hekiqhimi no ningu shou ikughuni cheni.

BAIBEL (BSI)

²⁶ AMPEU no pawu timi vilo pi, “Yeqhiye phi ulo eno ayevulo ihilo. Nonguno anu lakhi likhi akeu shou qa keshi anhezu piji qalo, kughengu nongu kutsaniye che keuye zuleno nongu leighi nani.

JEREMIYA 6:26 Iomraidhean Croise

BOTHUBO 21:16

Tishino li no shexilika kapuwulu kepu qhemi lo wuno aghüngü lo iqave, kughengu li no pi, “Ni ye anu kithi ju amlae.” Li no anu ghüngü lo iqa no asütsa süqhe ghi qae.

JOB 15:21

Pa kini lo thüghüi keu sütsa acheni, alokughuno shi akelono shiküpsami no pa shou leighive cheni.

JOB 2:8

Job ye pa piyi chuxa kepu alitsa tachu pesü ayevu lo ihiuve.

ISAIAH 22:12

Ampeu aqokitikhi Lhou no tipa tsala pesü mloqa keu, asa miyepe yeqhiyephi pepu kepu shive tsüae.

ISAIAH 22:4

Ikehu I no pi: “I likhi qhivelo; I pelo kukhukimji shi mlo pelo; Iw timi kütsave keu lo I lokughuno tsüniye pükapütsa tsü kevilo.”

ISAIAH 3:24

Tsüngqüi keu züqhulo kütsü-küma anani; apokha züqhulo akighi khapu nani; asa pili punike züqhulo boghesho shi nani; aphimini kivi züqhulo yeqhiyephi pepu nani; eno jukivi züqhulo aghüzaku xapu nani.

ISAIAH 30:13

qhemghai keu tupi ipo ipeghi no züleno ilaqighive keshi nongu lau hipau xine no titoi ighi nani;

ISAIAH 32:11

Khokhoshi lo, nongu akuchhoma shi ililai akeu totimiqo; no phimini xape aphikümsa shino achita lono yeqhiyephi minivelo.

JEREMIYA 12:12

Asayeqha lo asa itsümo keu toghi shou kütsaveni kemi ighivae, kughengu Ampeu zütakikihi no ayeghi halau no halau kutolo leno khumu iqüghai mla nani.

JEREMIYA 13:17

Ikemu nono inimo aye, o qheküza ghenguno I ngulho no tuqhou no qa nani; I nhethi lono kukhukimji shi anhezü ipeghi qa nani, kughengu AMPEUw timi loji ye akughu lo sawuveni ake.

JEREMIYA 14:17

“Atsa hipau pesü panongu vilo pilo: ‘Putho pucho I nhethi lono tamo mithe anhezü qopelo, kughengu Iw timi ngaqo ye aghüza kitikhi shi imevae.

JEREMIYA 15:8

I no azüghi lo asaye nguno alau chimemi kutomo shive tsüae; I no puchomghü lono apumi paza noqo kütsave nike saghivae; I no züleno amlo ghuju ngo akümsapu pesü panongu shou pukue.

JEREMIYA 18:22

Kughou Nono züleno küpkami pano lau saghini keno pano ki lono aküqa chilu pelo. Kughengu panongu ye I kitime nike aqo chhuvae, eno I pukhu meluve nike alichhe shivae.

JEREMIYA 30:5

“Ampeu no ishi piani: Ningu no shithüghüi keu ghügha chilue, akümsapu kethono aloino keu kumoe.

JEREMIYA 4:11

Tipa ghuloki lo timi hipaqo eno Jerusalem vilo pi nani, “Asayeqha lo agha itsümo keu toghi lono amülhü kushu Iw timi ilimiqo küdau fupuku, ti ye fule nike momu shikimthe nike kumo,

JEREMIYA 4:20

Hephole keu shelo hephole; ayeghi kümtsü kütsalevae. I phikiqo ghi züleno kütsavae, paikhavi no I künhaphi kühavae.

JEREMIYA 4:8

Hi ghenguno yeqhiyephi pepulo, mlolo eno amlo kighishi shilo, kughengu Ampeu mlokighide ye ningu launo tsüghüsü womoae.”

JEREMIYA 6:14

Panongu no Iw timiqo zaku küthathai ikhilue, khilehimu külakishi kühamu ‘Külakishi, külakishi,’ ipi cheni.

JEREMIYA 8:19

Julo, akuaqha lono Iw timi ngaqo no qa ani: “Ampeu ye Zion lo küha keshea? Li kükau ye tile küha keshea?” “Kushiye panongu gholo ajulho eno inaghami lhou julho pesü I xukutho ani kea?”

JEREMIYA 8:21

Iw timi ngaqo ghüzave keu ye I mlo ghüzavae; Ni ye mlo ani, aghüthi küsü no I sümxa luvae.

JEREMIYA 9:1

O, I kütsü no azükikhe, eno I nhethi no azüpuki shi aghike aye, Iw timi ghiqhive keqo ghenguno putho pucho qa ani cheke!

JEREMIYA 9:10

“I no naghutoqo ghenguno mloqani cheni, eno yenguyi ke-a lo atsüni ghenguno mloni cheni, kughengu tipaqo ye kümsa shive no khunomu katha movae, amishi loji no mzachu keu sütsa chimlavae; atsütsü lo aghau eno tüghashiqo ghi tileno wuvae.

AKUMLO 1:16

“Hipaqo ghenguno I no qa ani; I nhethi lono anhezü qole ani; kughengu aloinokütsüu, I ghungu püxü tsünikeu ye putou wuvae; I nuliqo ye küghüküghaleivae kughengu aghümi no toluvae.”

AKUMLO 1:2

Anhezü no li gimuchu lono qo ghi puthotsü li ye mloqa ani; li lomiqo dolo khunomu li lokughuno tsüni keu kühae; li küsami kümtsü no li pishiqhipe thechuvae; panongu ye li ghümi shivae.

AKUMLO 2:11

Ni ye qakeno anhebo khoivae; I po no tsüghü minhe anie; Iw timi nga kütsave keu; aphughi laghila lo angakughunu eno itimiqo no thiqhi akeu ghenguno I tithizü ye ayeghi lo ijiqi ani.

AKUMLO 3:16

Pa no atu pesü I hu helavetsü, eno I pelo ayevu lo ihi ngope;

AKUMLO 3:48

Iw timi nga kütsave keu ghenguno I nhethi lo anhezü no aghoki toi qo anie.

AKUMLO 4:10

Küpüqhiyi kemi totimiqo no pano tianuli heqhipe lhoke; Iw timiqo nga kütsale akelo tino pano chuqupu shive.

AKUMLO 4:3

Tüngtügha ghi ati pini cheni; panongu no ati tucho cheni, ikemu Iw timiqo nga ye yenguyike-a lo ostrichqo toi ayiküsa ilhouvae.

AKUMLO 4:6

Kughengu Iw timi nga ghime keu ye Sodom ghime nguno akijeu, ti ye khunomu li kuphu mono ghuthu khavino kütsave.

AMUS 8:10

I no now tiqhetini pesü akumlo shivetsü nani eno nongu le kungo pesü amloksa le shivetsü nani; I no yeqhiyephi pesü nongu chita lo khatsü nani eno nongu kütsü lono asa miye khave tsü nani; anu lakhi akeu thive kelo mloqa ketoi shipe nani eno tipau shekuho ye kukhukimji tsala toi nani.

JONAH 3:6

Atsa huno Nineveh kükau tove, eno pa no aküka lakhü lono ithuve, pa kükaphi lhaqhive, yeqhiyephi pesü pa küzüluve, eno ayevu lo iqave.

ZEKHARIA 12:10

“I no David laghami eno Jerusalem lo küami shou kimiyekini ghungu eno küpükini kighini lepuku tsü nani, tishianguno kughou panongu no I shou jupukuni, pano no qhuqhive keu shou jupukuni keno, panongu no anu lakhi likhi akeu ghenguno mloqa akeshi pa ghenguno mloqa nani, eno anu anoghiu ghenguno kukhukimji shi qa keshi nani.

Luke 7:12

Pa no khagho kupunu ighi kelo timi aqo lakhi no akumo pecheghi, akithiu huye aza achimeu nu lakhi likhi akeu, eno mishiphu lo akemi khami no aza sasü cheghi.

James 4:9

Amlo küghütashi mloqa ighamku lo. Nongu kunu pesü akumlo shivelo eno alokivi pesü alomtshüve lo.

James 5:1

Nongu kinimiqo, itehi inilo, Nongu shou amlo kighishipu chekeu ghenguno ighamku qalo!