JEREMIYA 6:25 - Sumi Naga CL (Re-edited) Bible (BSI)

²⁵ Alulo hu kevi momu alaghila lo cheche kevilo, kughengu ghüshimi u lo azütakikihi ani; aqha kümtsü lo akümsapu ani.

BAIBEL (BSI)

²⁵ Ninguye aluzalo wu nikeu momu alaghilo cheche nikeu ighuvae kughengu nighumiye aghunanu puani eno akuighupuno nisuho luvae.”

JEREMIYA 6:25 Iomraidhean Croise

YEKIKITHI AKINIU 15:5

Tipa ghuloki lo aghakhu lo aküküpna kije no xüküami kümtsü qhasüpe akehu iqhoiqi ke milakhi mu aloino mlae.

JOB 18:11

Akümsapu no ala kümtsü lono pa shikichi eno pa haqhi cheni.

LESHELE 31:13

Kughengu kutomo no chhuchhushi küptsa keu I no chilue— kichi kümsa keu no akuaqha kümtsü lo ani!— panongu no I shou kuchughu ani, I küxü luve tsüniye küsüqe ani.

ISAIAH 1:20

ikemu nongu no milive no hebide aye, nongu ye ghüyi lono wove nani; kughengu Ampeu kichi lono piqhivae.”

JEREMIYA 14:18

I no aluza lo wu aye julo, ghiqhive kemi ithulue! I no aphughi lo ilo aye akhüava no ghave kemi ithulue! Kughengu tungkupmi ngo achinemi no pano no mthakeu yeghi lo kilhisho shike.’”

JEREMIYA 20:10

Kughengu I no chhuchhushi keu sütsa chilu ani. Akümsapu no ako kümtsü lo ani! “Pa pipüthave lo, ningu pa pipüthani!” ipi I poshumi kümtsü no pi ani, I pelo ikiqive penike khe ani. “Pa pishiqhive luve aye nino pa shou toluve nani eno pa shou ningu mkhülu nani.”

JEREMIYA 30:5

“Ampeu no ishi piani: Ningu no shithüghüi keu ghügha chilue, akümsapu kethono aloino keu kumoe.

JEREMIYA 4:10

Ikehu I no pi, “Ya, Ampeu Alhou, kuchou no Nono ishi pikeu lono timi hipaqo eno Jerusalem qhoi pishiqhivae, ‘Hi ye o ghenguno akivi shinani,’ ikemu azütakikihi no panongu shou ikughivae.”

JEREMIYA 4:5

Judah lo asheshu lo, eno Jerusalem lo pikülha lo, “Ayeghi kümtsü lo afuko ighalo, ighamku pilo, ‘Kumqolo, ningu aliwo kumto mishighüna lo iloni!’

JEREMIYA 46:5

Ni ye kiu ithulu ani kea? Panongu ye aghüthi süvae eno athiu idewovae. Panow ghüshimi ye thiqhivae eno kuhakive pokhavae; panongu ye athiu jupuwo amoe kümsapu no homxape anie! ipi Ampeu no sheshu.

JEREMIYA 49:29

Pano phiki ngo atsüaqu loji tshü sawuve tsü nani, panow nhaqhiphi ngo tinhemgha kivi qhoi luve nani; sayeshiqo sawuve tsü nani, timiqo no ighamku pi nani: ‘Akümsapu no süho luvae!’

JEREMIYA 49:5

Ampeu no sheshu ani, I no o homxape akemi launo o shou kümsapu süghi nani, timi kümtsü haleve no khunomu poche kemi hekütsü mlave nani.

JEREMIYA 8:14

Kushiye ningu ye iqa aphia? Kumqo lo, ningu aliwo kumto phughiqo ilo no tileno thiveni, kughengu Ampeu ni Alhou no ni pühaveni ke kughuvae, eno tüghü zü pesü ningu piyeni ke tsüvae, kughengu ningu no Ampeu lau axine shiveke.

JEREMIYA 8:15

Ningu no aloino laju, ikemu akivi ighimoe; shikipivi laju, ikemu julo, akümsapu ighie.

AKUMLO 2:22

Nono tiqhetini tsala lo toi aqha kümtsü lono I shikichi kepu kusü, eno Ampeu mlokighide tsalani khumu pomla momu xümlave; I no khunoqo khape eno saputhu keno I ghümi no kütsave.

EZEKEL 21:17

Ni ghi I u kukhu nani, eno I no I loghu ghapiqilu nani; Ni Ampeu no piqhivae.”

EZEKEL 7:18

Panongu ye yeqhiyephi pepu luvae, akümsa no panoqo küzü luvae. Panoqo gi lo akukujo likhivae, eno panoqo kümtsü aboghe ishovae.

Luke 19:43

Kughengu o ghümi no o bothape aliwo shive no o khasüpe no ako kümtsü lono le iloghini keu tsala ighi nani.