JEREMIYA 6:20 - Sumi Naga CL (Re-edited) Bible (BSI)

²⁰ Sheba lono müsüghüta, momu ayeghi putou no axo kivi ighi keu ye I ghenguno kiu avehupu ani kea? O kipti kümllagho ye ikhikümlapu, momu o ghakishi ye I lopu shimlae.

BAIBEL (BSI)

²⁰ Panonguye kushiniye Sheba kudauno musughuta ilau sughi cheni momu aghache yeghi lono vekuju mukhu sughi cheni kya? Niye panoqono akumllagho tsukeu lutsumoe momu panoqono lhoxu heqhi itsukeulo aloqimoke.

JEREMIYA 6:20 Iomraidhean Croise

SAMUEL AKINIU 15:12

Absalom no aghakishi kümlla tsü akelo pa no Giloh lo Davidw mijekütsüu Gilohmi Ahithophel kupuwu. Tile akumtoshi küsüqe keu ipeghive, eno Absalom gholo timi alau kighisheve.

KUKAMI ATUGHIU 10:10

Tishino li no ameshoyi ahu 4,000 shou, tsüngqüikeu mukhu kütsasa eno akughupu tuqo pesü akükau tsü. Sheba kükaliu no Akükau Solomon tsükeu jehi khilemu ithulu püamoe.

LESHELE 40:6

No ye aghakishi eno akümllagho shou alokiqi shimoe, No ye akipti kümllagho eno axine kümllagho avehupu shimoe, ikemu Nono O kini kugho puwo I tsüe.

LESHELE 66:3

Alhou vilo pilo, “O kümlaqo ye kishi akümzapu kela! O küka ye ighono kije kehu O ghümi no itsaqi O lau ighie.

IPEKULU 30:23

“Tsüngqüikeu ta akivi hipaqo lulo: müsüghüta ahu tsügho, aküsa ahu küthü, akhoyi tsüngqüi keu ahu küthü,

AHOLE 15:8

Kixikilami ghakishi ye Ampeu zülo aphikümqhüpue, ikemu timi kivimi kighini no ikhikulupu shi cheni.

AHOLE 21:27

Kixikilami ghakishi ye aphikümqhüpue, imaye pa no alhoksa kimji lono mllani kelo kishita akimthipu kelae.

ISAIAH 1:11

Ampeu no pi ani: “Nongu ghakishi hijeje kiu ala ani kea? Ni ye akipti kümllagho ghenguno ambetsü eno akivishi lojive keu lhoxü tha lukümkha ani; Ni ye amshitsü, momu ambeti ngo ane hipaqo ji pesü I züküvü shichemoe.”

ISAIAH 60:6

Sayeshi loji kitikhi no nongu küzüluve nani, Midian ngo Ephah lo sayeshi tiqo, eno Sheba lono ighikha nani. Tipaqo lono ameshoyi ngo tsüngqüikeu ta xapu ighi nani, eno Ampeu shekiqhe, alokivi sütsa süghi nani.

ISAIAH 66:3

“Khuu no amshitsü heqhipe mllani keno, pa ye timi heqhiveke paphie; khuu no ambe heqhipe mllani keno, pa ye atsü kuo hechheve tsüke paphie; khuu no athi kümlla tsüni keno, pa ye awo ji pesü mlla ake paphie; khuu no tsüngqüikeu ta pesü kümsükulu kümllagho shi mllani keno, pa ye ajulho kümghatsü ake paphi ke. Timi hipaqo ye pano laghi kisheluve ake, eno panongu ngulho ye aphikümqhüpu hitoi keu lono alovi cheni.

JEREMIYA 14:10

Timi hipaqo ghenguno Ampeu no ishi piani: “Panongu ye itsü wuveni keu no pano pulou; pano pukhu süchile jumphie; tighenguno Ampeu no panongu ikhilu chemoe; itehi ye Pa no pano xine kümsüchile luno tipau ghenguno ghime nani.”

JEREMIYA 14:12

Panongu no kümvü anamu Ni ye pano sütsa inimo nani, panongu no akipti kümllagho eno athi kümllagho tsünamu I no tipaqo ikhilumo nani. Ikemu I no püqümiye ngo azütakikihi eno püsa pesü panongu kütsale nani.”

EZEKEL 20:39

“O Israel kibolomi, nongu ghenguno Ampeu Alhou no ishi piani: Tsala nongu no itehi eno ishi nguno alau I tsa inimo aye, wulo eno nongu lakhikhi no pütüta sü-atu julho qelo; ikemu now agho ngo nongu sü-atu julho vecheo I je kimthe shipünha monani.

EZEKEL 27:22

Sheba ngo Raamah timiqo no o sasü lhidi shiche; panongu no vekujumkhu kivi eno akughupu tu kümtsü eno ameshoyi pesü ow kilhikishi nhemghaqo kilhisho che.

HOSIYA 8:13

Aghashipe I mlla kelo panoqo no ashi pesü tsüno ti chucheni, ikemu Ampeu ye tipaqo ikhilutsü chemoe. Itehi ye Pa no panoqo xine kümsüchilelu no tipau ghenguno ghime nani; panoqo ye Egypt lo idewove nani.

HOSIYA 9:4

Panongu no Ampeu lau atsaiji kümllagho tsümo nani, eno pano ghakishi ye Pa lopiqi tsümla nani. Ti ye mloqa akemi sho toi, tipau chukemi kümtsü kitiqeve nani; kughengu pano sho ye panongu müzü ghengu likhino ke; tipau ye Ampeu kilo peighimo nani.

MALAKI 1:10

O nongu gholo timi lakhi ahukikhaqo khave peni kemi aghi ke aye I kümlla khache-a lo akulu adou lono küiqü pemoni cheke! Ni ye nongu lau alokiqipu kühae, aqokitikhi Mpeu no pi, eno nongu u lo akümllagho ye I no ikhilu tsümo nani.