JEREMIYA 6:12 - Sumi Naga CL (Re-edited) Bible (BSI)

¹² Panongu ki-alu eno anipuqo ye qhoi kütamiw shive nani, I no ayeghi lo küxümi shou I u chhopuku nani,” ipi Ampeu no asheshu.

BAIBEL (BSI)

¹² Panoqo kiye kutami tsuve nani eno panoqo luza ngo panoqo nipu ghi titoi tsuve nani. Niye hipau ghakhulo akemiqo ghimeqhini cheni.

JEREMIYA 6:12 Iomraidhean Croise

YEKIKITHI ATUGHIU 21:16

David no Ampeuw kungumi atsütsü ngo ayeghi dolo puthugho no pa u lo azütakikihi süjope Jerusalem küdau chhopuwo aghi keu ithulu. Ikehu David ngo layemiqo no yeqhiyephi pepusü itsaqive.

ISAIAH 10:4

Akughumi gholo sünhe sawumo aye pithive kemi gholo ikiqi nani. Ikeghi Ampeu loghu ye tave mphi eno Pa u ye xachhope aphike.

ISAIAH 5:25

Tighenguno Ampeu loghu no Paw timiqo shou ikughi, panoqo shou Pa u chho no ghimeqhi kelo naghutoqo no ithathuve; akithi kumo no alaghila lo tübatüzü toive. Ikeghi Ampeu mlokighide ye iqü mono ghime ae.

ISAIAH 9:12

Kipelau no Syriami eno kulolau no Philistiami no abaxa mkupe Israel munovae. Ikeghi Ampeu loghu ye tave mphi eno Pa u ye xachhope aphike.

ISAIAH 9:17

Ikehu Ampeu ye apumi, mighimi, chimemi jupe amloqi eno kimiye luamoe; kughengu kümtsü Alhou ithimo no akümla lhoksa shi, eno mbomzü tsa likhi picheni. Ikeghi Ampeu loghu ye tave mphi eno Pa u ye xachhope aphike.

ISAIAH 9:21

Manasseh no Ephraim, eno Ephraim no Manasseh süqhi; pama küqhano Judah mjochile. Ikeghi Ampeu loghu ye tave mphi eno Pa u ye xachhope aphike.

JEREMIYA 15:6

Nono I milive, ipi Ampeu no asheshu; no ye athiu likhi idewove, ikehu I no I u chhopuwo no o kütsave Ni ye süchile keu no lhovae.

JEREMIYA 21:5

Ni ampi no au xachhope au kumto pesü axukighide, mqhumza eno aloghu kije lono nongu sasü aghüshi nani.

JEREMIYA 38:22

Julo, Judah kükau kilo akemi totimi kümtsü sasü Babylon kükauw hiyampemi lau ipeghi nani, panongu no ishi pi nani, “‘Nono pükhükulu küsami no o pishiqhive no o shou toluvae; itehi o pukhu ye aniba lo ilovae, panongu ye o launo wuvae.’

JEREMIYA 38:23

Nongu nipu eno atianuli kümtsü Chaldeami lau sawuve nani, no ampi ghi panongu u lono pomla no Babylon kükau no küghaluve nani, eno mishighüna hipau ye ami no pitive nani.”

JEREMIYA 7:20

Tighenguno Ampeu Alhou no ishi piani: I loghu ye a-a hipau lono panongu shou, timi eno tüghashiqo shou, aluza lo asübo eno axathiqo shou lepuku no pitive nani eno khilemu ghapinhe mla nani.”

JEREMIYA 8:10

Tighenguno I no pano nipuqo pesü kütami tsüve nani, eno pano lu pesü leighi kemi tsüve nani, kughengu kitila lono kije kutolo akumou lono ala shiniye alamine ke; tungkupu lono achineu kutolo pishikiqhi kümla shike.

AKUMLO 2:8

Ampeu no Zion liwo kütsaveni ke mtsüqhei shivae; Pa no akimghipu süta xachho; Pa ye kütsani keu lono Pa u süchileve moe; aqoghe ngo aliwo pelo mloqape; tipaqo no kümtsa ikiqi khave.

AKUMLO 3:3

mtsüqheino atsala kupuju I shou anguno anguno Pa u chhopukue.

AKUMLO 5:11

Judahw mishiphuqo lo ililhothe eno Zion lo totimiqo pesü shipütha ani.

AKUMLO 5:2

Ni mheghi ye khalaumi tsüvae, ni kiqo no inaghami tsüvae.

AKUMLO 5:3

Ningu ye mighimi, apu küha; ningu pazaqo ye chimemi toivae.

EZEKEL 35:3

eno tipau vilo pilo, Ampeu Alhou no ishi piani: Julo, Seir Toghi, Ni ye o lachile ani, eno o shou I u chho ani, I no o pesü küghüküghalei pighive tsü nani.

EZEKEL 7:24

I no shiyeqo dolo alhoksau saghi no panoqo ki luvepe nani. I no akumtomi qheküza kishekhave tsü nani, eno panow akimthe-aqo ye shipixive nani.

MICAH 2:4

Tipani panongu no nongu müsü kutho keu le phe eno kukhukimji shi qa nani, eno, “Ningu ye shishe kütsavae; Pa no Iw timi saje kilive tsüae; kishi Pa no I launo ti ikhipe wuvetsü akelae! Pa no ni luzaqo pesü pülümo kemi tsüvae,” ipi nani.

ZEFANIA 1:13

Panongu küakini xüvetsü nani, eno panongu ki kütsave tsü nani. Panongu no aki shipüaghi namu, panongu ye tilehi ngomo nani; pano no atsailu chi aghi namu, tipau tsaizü yelumo nani.”

ZEFANIA 1:4

“I no Judah ngo Jerusalem lo küami shou I u chhopuku nani; hipa-a lono I no Baal kümlla eno asü-atu chinemi kütsave nani,