JEREMIYA 52:27 - Sumi Naga CL (Re-edited) Bible (BSI)

²⁷ Eno Babylon kükau no Hamath yeghi lo Riblah lono panongu heqhi pithive. Hitoi Judah ye pano yeghi lono haphe sawuve.

BAIBEL (BSI)

²⁷ Tilauno akukauno panoqo pesu pishipiyipe eno panoqoye pithiveke. Ike Juda lo akemiqoye halepupove keulo wuvepe.

JEREMIYA 52:27 Iomraidhean Croise

SAMUEL AKINIU 8:9

Kughou Hamath kükau Toi no David no Hadadezerw ghüshimi kümtsü theqhivae pi chilu keno,

KUKAMI AKINIU 17:20

Ampeu no Israel lagha kümtsü milive, panongu ghimeqhi eno Pa zülono hapheve moke kutolo panongu küghape aghümi u lo süve tsüe.

KUKAMI AKINIU 17:23

Ampeu no Pa zülono panongu hapheve moke kutolo panongu no tishike, ti ye Ampeu no Pa qemi tungkupmi vecheo pikeu kiqi lono ke. Hitoi Israelmi ye pano yeghi lono Assyria yeghi lo kügha sawuve no ishi kutolo achephi.

KUKAMI AKINIU 23:27

Ampeu no pi, “I no Israel ikhive ketoi, Judah ghi I zülono ikhive nani, eno I no kishelu keu mishighüna Jerusalem ngo achineki khipau pesü I no, I je tile anani, ipi keno, I no peve nani.”

ISAIAH 24:3

Ayeghi ye qhoi pükhülepe xüle khave nani; kughengu Ampeu no hipa tsa pive ake.

ISAIAH 27:10

Aliwo phughi ye yenguyi ani, ti ye pighive no asayeqha toivae; amishi no tile alokaqo mzachu ani.

ISAIAH 43:28

Tighenguno I no akimthe-a lo sakiphemi shipütha nani, Jacob shou kütsakungo pinyikeu süghi nani, eno Israel shou küthakügha süghi nani.

JEREMIYA 13:19

Negeb mishighünaqo ye khathavae, khaqhini kemi khumu kühae; Judahmi kümtsü haphe sawuvae, qhoi haphe sawuvae.

JEREMIYA 20:4

Ampeu no ishi piani: Julo, no eno o küsami ghenguno I no akümsapu shitsüni. Nono ju aphi lono panongu ye aghümi zütakikihi lono ikiqive nani. Judah ye qhoi Babylon kükau u lo süvetsü nani. Pa no panoqo akughumi shi sasü Babylon lo wuve nani eno azütakikihi no panongu ghiqhive nani

JEREMIYA 21:7

Tithiu, Ampeu no asheshu, I no Judah kükau Zedekiah, pa qemi, eno mishighüna hipau lo khunoqo püsa ngo azütakikihi eno akhüava lono püxülu keno tipaqo pesü pano ghümi, pano küxü phuighi kemi, Babylon kükau Nebuchadnezzar u lo süvetsü nani. Pa no azütakikihi pesü panongu ghiqhive nani. Pa ye panoqo ghümo momu küpüqhiyi monani.’

JEREMIYA 39:10

Kepten Nebuzaradan no tipa ghuloki lo kumlhomi khami kiumu küha kemi Judah yeghi lo panoqo pelo atsailu eno alu chilu penike qhive.

JEREMIYA 39:9

Tishino kepten Nebuzaradan no mishighüna lo timi achili akeqo, pa lau po ighive keqo, kümtsü kughu sasü Babylon lo wuve.

JEREMIYA 52:9

Panongu no akükau küghape Hamath yeghi lo Riblah lo Babylon kükau lau saghi, tileno Zedekiah shou amakho beve.

EZEKEL 33:28

I no ayeghi pesü küghüküghalei amekühave tsü nani, li kumto qheküza kishekhave tsü nani, eno Israel lo naghutoqo agha itsüvepe nani tishikeu lono khumu katha move nani.

MICAH 4:10

O Zion limi, totimi no apunu küsü lo aketoi ihi eno ighalo, kughengu itehi nongu ye mishighüna lono ipeve nani eno aluza qhalo xüuve niae; nongu ye Babylon lo wuniae. Tilauno nongu xaphelu nani; Ampeu no nongu ghümi u lono nongu xachilelu nani.

ZAKINIU 28:36

“Ampeu no nongu eno no puasüqo no mthakeu ghakhu lo nongu eno no kükau hapuwuve nani. Tilauno nongu no asüatu lhouqo qeuve nani.

ZAKINIU 28:64

“Ampeu no ayeghi halau no halau kutolo ashiaye jeli gholo nongu apanagha haleve nani, eno tilau nongu ye asüatu lhou, khikhi nongu na no puasüqo namu mtha keno, tipaqo mllauve nani.

ZAKINIU 4:26

I no ishi tsala lono kungugha ngo ayeghi pelo nongu shou thopi shi penike kusü anike, nongu no Jordan katha iku pükhalu niye akeu yeghi lo nongu ye pai püghave nani. Nongu ye tile kushuo xümo nani, ikemu kütsakungo khave nani.