JEREMIYA 52:11 - Sumi Naga CL (Re-edited) Bible (BSI)

¹¹ Tishino pa no Zedekiah nhethi chixejove tsüno ayikichhe no pa tshüpe Babylon lo sawuve, eno pa kithi tsala tomoke kutolo akughuki lo qhive.

BAIBEL (BSI)

¹¹ Tipathiu, pano Zedekiya nhethi lejovetsupe eno ayikichheno tshupe Babilon lo sawuve. Zedekiya ye pano thimoke kutolo Babilon lo akughukilo acheuve.

JEREMIYA 52:11 Iomraidhean Croise

JEREMIYA 21:7

Tithiu, Ampeu no asheshu, I no Judah kükau Zedekiah, pa qemi, eno mishighüna hipau lo khunoqo püsa ngo azütakikihi eno akhüava lono püxülu keno tipaqo pesü pano ghümi, pano küxü phuighi kemi, Babylon kükau Nebuchadnezzar u lo süvetsü nani. Pa no azütakikihi pesü panongu ghiqhive nani. Pa ye panoqo ghümo momu küpüqhiyi monani.’

JEREMIYA 39:7

Pa no Zedekiah nhethi lejove tsü, pa nhethi khave tsüno sasü Babylon lo wuve.

AKUMLO 2:6

Pa no aghutu toi Pa pushonha, kuposhukulu-a kütsalevae; Ampeu no Zion pelo tiqhetini ngo Sabbath kümsümavepe, eno Pa mlo kighide lono akükau ngo achineu milivae.

EZEKEL 12:13

Eno I no pa shou I khame vepuku nani, I lichhe lo pa kitime luve nani. Chaldeami yeghi Babylon lo I no pa saighive nani, ikemu pa ye ti ithulumo nani eno pa ye tilau no thive nani.

EZEKEL 17:16

“I no xüake toi, Ampeu Alhou no asheshu, mtsüqhei a-a khile akükau no küghüna ani keno, khuu shoqhi pa no thaighave eno khuuw visho pa no kubove keno, pa ye Babylon lono thive nani.

EZEKEL 23:24

Eno panongu no ahuu no khurkulu ngo akhokupu tuhakulu, eno timi aqokitikhi ishi o mjochile ighi nani. Panongu no azüto kije kitila, eno akütsükuqho xapusü ako kümtsü lono o shou aghili kutope khe nani; eno I no küghakütha panoqo shou qhivetsü nani, panongu no panoqow küghakütha kiqi lono o shou küghatha nani.