JEREMIYA 51:55 - Sumi Naga CL (Re-edited) Bible (BSI)

⁵⁵ Kughengu Ampeu no Babylon kütsave ani eno li sütsa kuloghi ghüsüve ani. Pano kumqhu no azüghi toi, eno pano sütsa süqhe ani,

BAIBEL (BSI)

⁵⁵ Ino Babilon kutsale ani eno tipau inaqhoive anipeke. Aghushimino azu fukukucho ghugha hutoi kohakive ilo, eno ighamuku asheshuno le ani.

JEREMIYA 51:55 Iomraidhean Croise

LESHELE 124:2

Kughou timiqo no ningu mjochile ithughi keno, Ampeu no ningu küdau aghimo keaye,

LESHELE 124:4

tishike aye züqozü no ningu yipe wuve aghini cheke, tsüqhu-tsüghu keu no ningu shou ikughiveni cheke;

LESHELE 18:4

Akithi kighi no I botha luve; shiküpsa zükuqo no I vesüvae;

LESHELE 65:7

Pa no azüghi ghügha, azüghi zü fukucho keu ghügha eno timiqow mbumghu sütsa küghüqü tsü cheni,

LESHELE 69:2

Ni ye aniba thonheike-a lo apukhu kinepu kühano ilo cheae; ni ye azükutho lo iloghivae, eno züqozü no I vesüvae.

ISAIAH 15:1

Moab ghenguno pimhelu keu tsape. Moab ye pighivae, kughengu Ar ye kijili lakhi lono kütsavae, Moab ye pighivae, kughengu Kir ye kijili lakhi lono kütsavae.

ISAIAH 17:13

Shiyeqo no azüghi kumto ghügha toi igha ani, ikemu Pa no sakiyi kelo panoqo no kushuo lo kuhave nani, amülhü no amuu fupe chekeshi eno pasapagha zülo ayeghimkhu toi Pa no hapupo nani.

ISAIAH 47:5

Aküzü lo inaqhoi iqavelo, O Chaldeami ayiliu; kughengu no ye khilemu kükaqhaqo kükaliu ipi moae.

JEREMIYA 25:10

Tinguno alau I no panongu launo alokivi eno amlokiqi ghügha, külapuu külaliu lokivi ghügha, athikütsüghü tu ghügha eno akulu küvü kümtsü kishekhave tsü nani.

JEREMIYA 51:42

Azüghi fukukucho no Babylon küzüpho luvae.

EZEKEL 26:3

Ampeu Alhou no ishi piani: Julo, O Tyre, I no o mjochile ani, azüghi no azü fukucho süghi ketoi, I no shiye kutomo o shou süghi nani.

Luke 21:25

“Tishino amchipu kutomo khetsünhe, aqhi, eno ayepuqo lo ipeghi nani, eno ayeghi lo azümülhü tukide igha ipeghi no ayeghi lo shiye kümtsü veküsapu shi kütakihi nani.

Piyeküsü 17:15

Kungumi huno I vilo pi, “Aghoki khipaqo shou kütüqhaliu no iqa akeu nono ithulu püa keno tipaqo ye timi aqokitikhi, shiye eno atsa jeliqo ke.