JEREMIYA 51:53 - Sumi Naga CL (Re-edited) Bible (BSI)

⁵³ Babylon no atsütsü kutolo iku eno aliwo qoghe shi püaghimu, I no kütsani kemi li lau puwu nani, ipi Ampeu no sheshu.

BAIBEL (BSI)

⁵³ Babilon no atsutsu kutolo ikaiku puzu tilau aliwo qoghe shipe puaghi pinamu ino timi puwu puzu tipau kutsaleveni aphike. Ni, AMPEU no piveake.”

JEREMIYA 51:53 Iomraidhean Croise

BOTHUBO 11:4

Tithiu panongu no pi, “Ighilo, ningu ampi no mishighüna eno qogheki lakhi, tipa kütsüqa no atsütsü ikuto mlani nolo, eno ni likhi ni juaje shini nolo, tikumo aye ningu ye ayeghi lono apanaghave nosae.”

JOB 20:6

Pa kivi no qheiku atsütsü tove aghina pa kütsü no iku khüngküsü cholu aghi namu,

ISAIAH 13:17

Julo, Babylon sasü küpüghü penike ghükayi ngo ameshoyi no qhümlani kemi Mediami I no xukutho ani.

ISAIAH 41:25

I no ahuu no milakhi hakutho eno pa ye ighivae, pa ye khetsünhe kipelau no ighi, eno pa no I je ku nani; alikümlau no aghani qoda keshi, pa no yepemi qoda nani.

ISAIAH 47:5

Aküzü lo inaqhoi iqavelo, O Chaldeami ayiliu; kughengu no ye khilemu kükaqhaqo kükaliu ipi moae.

ISAIAH 47:7

Nono pi, “Ni ye alhokupuju kükaliu shi anani,” ikehu no ye hipaqo amlo lo qhimoe momu ashekha lo kishive nani keno kümsü moe.

JEREMIYA 49:16

No atuxu lo küxüu, atoghi kütsüqa pükhape achekeu, nono kichi kümsa eno qheza chekeu huno o pishiqhivae. Nono alhuqu toi qhemghai keu lo o püsü mla püaghi namu, I no tilano o sünheqhive nani, ipi Ampeu no sheshu.

JEREMIYA 50:21

“Merathaim ngo Pekod lo akemi le wulo. Panoqo pithi khave eno kütsaleve lo, ipi Ampeu no sheshu, I no azah tsükeu kümtsü shilo.

JEREMIYA 50:25

Ampeu no Pa ghünanu ki khaqhi no Pa loghu ghünanu ikhiphevae, kughengu Ampeu aqokitikhi Lhou ye Babylon yeghi lo akümla shikepu ipeghivae.

JEREMIYA 50:45

Tighenguno Ampeu no Babylon lo küamiqo shou kughu püakeu eno Chaldea lo akemi pesü kiu shiniye kümsüpu ani keno inilo. Pano tianuli kutolo sünhe sawuve nani. Mtsüqheino panongu kümtsü küsakusho lono thüghüive nani.

JEREMIYA 51:11

“Apijiqo chighilo! Azütoqo ikhilulo! Ampeu no Medes kükamiqo kükümsü xukuthove tsüae, kughengu Pa kimji ye Babylon kütsaveni keue, ti ye Pa chineki ghenguno amkhükulu ke.

JEREMIYA 51:25

“O kütsale chekeu naghuto, Ni ye o küla ani, ipi Ampeu no sheshu, nono ayeghi kütsale ke; I no o shou I u chhopuku nani, atuxu lono o kulu piqi nani; eno o pesü pitileve keu naghuto shive tsü nani.

JEREMIYA 51:48

Tileno atsütsü ayeghi eno tile xüküami kümtsü no Babylon ghenguno alovi ale phe nani, kughengu pano kütsaleni kemi ye ahuu no ighi nani, ipi Ampeu no sheshu.

JEREMIYA 51:56

kughengu ghikiqhiu ye Babylon shou ikughivae; li ghüshimiqo ye leluvae, pano süzüqo hechhe pinyivae, kughengu Ampeu ye lochile chekeu Lhoue, Pa ye mtsüqheino lochile nani.

JEREMIYA 51:58

“Aqokitikhi MPEU no piani: Babylon liwo shishoi keu ye ayeghi lo xaleqhive tsü nani, li khagho qhemghai keqo ye ami no pitile qhive tsü nani. Ashiayeqo no mla chekeu ye adou shive nani, shiyeqo no ime chekeu ye ami no pitive nani.”

DANIEL 4:30

tile akükau no pi, “Babylon, khikhi I kughushu küka vecheo I no kükami kungo-a eno I kükanguagha juküvü ghenguno shiqhe keno, hi ye kije kekumo keshea?”

AMUS 9:2

“Panongu no ala chhusü Kithigha lo iqive namu, tilauno I u no küghaluve nani; panongu no atsütsü lo ikuvemu, tilauno I no saiqighive nani.

AMUS 9:4

Aghümi no panongu sasü akughu lo wuve namu, tilauno I no azütakikihi azah tsüno panoqo ghiqhive nani; Alo kelauno kumono alhoksa lono I no thüghüi panongu ju anani.”

HABAKUK 2:9

“Khuu no kunguu apüsü pesüni ye, eno alhoksa lono itshü luniye pa kibolomi sala akumou laghi lono ala shicheni keno ahaküsapue!