JEREMIYA 51:45 - Sumi Naga CL (Re-edited) Bible (BSI)

⁴⁵ “Iw timiqo, tileno ipeve lo! Ampeu loghu lono kümtsü no pütüta küxü xalulo!

BAIBEL (BSI)

⁴⁵ Israilmiqo, tilauno poluvelo! Iloghu kighide kutsasa lono nongu kuxu pukhalu kepushi polulo.

JEREMIYA 51:45 Iomraidhean Croise

ISAIAH 48:20

Babylon lono ipevelo, Chaldea lono povelo, alokivi lono hipau sheshulo; ayeghi shekha kutolo ishi pilo, “Ampeu no Pa qeu Jacob xaluvae!”

JEREMIYA 50:28

“Asütsa lakhi! Ampeu ni Lhou no Pa chineki ghenguno amkhü luniye akeu Zion lono sheshu nike panongu no Babylon lono pokasü wuvae.

JEREMIYA 50:8

“Babylon lono povelo, Chaldeami ghakhu lono ipevelo, eno anetsü no aloji zülo ngoke toi shilo.

JEREMIYA 51:50

“Nongu azütakikihi lono pokalu keqo, povelo, inaqhoi puthughove kevilo! Putou no Ampeu kümsülu lo, eno Jerusalem kümsülu lo:

JEREMIYA 51:6

“Babylon lono povelo; pütüta küxü ghenguno polulo! Babylon xine ghenguno nongu pithive ape kevilo, kughengu hi ye Ampeu mkhükulu süchedo, eno Pa no li lochile anike.

JEREMIYA 51:9

Ningu no li shipivi niye shie, ikemu li shipivi mlave. Li qhivelo, eno ningu pütüta ghakhu lo wuveni nolo, kughengu li shou küghakütha bekeu ye kungugha tovae.

ZEKHARIA 2:7

Ithulo! Nongu khunoqo Babylon limi sasü xü ani keno Zion lo poka wulo.

AKIKIHI 16:26

Eno Moses no timiqo vilo pi, “Kimiyeno timi kixikilami hipaqo launo putou ngove lo eno hipaqo nhemgha kiumu bu kevilo, tikumo aye nongu ghi panoqo xine gholono joleve nosake.”

Apostolmi 2:40

Pa no atsa kütau kutomo pesü thopi shino panoqo hakutho ghi pi, “Hi chighichilai keu tiqheli lono nongu ampi xalulo.”

2 Kor. 6:17

Ikehu panoqo launo ipevelo eno pano launo kütüta shivelo, ipi Ampeu no pi, eno mithekumo kiumu bu kevilo, tileno I no nongu ikhilu nani,

Piyeküsü 18:4

Tishino kungugha lono asütsa kütau lakhi I no ishi chilu, “Iw timiqo, li launo ipeghive lo, tikumo aye nongu ye li xine lo kitimelu nosa, eno li tsükeu püsa küsajelu nosae;