JEREMIYA 51:11 - Sumi Naga CL (Re-edited) Bible (BSI)

¹¹ “Apijiqo chighilo! Azütoqo ikhilulo! Ampeu no Medes kükamiqo kükümsü xukuthove tsüae, kughengu Pa kimji ye Babylon kütsaveni keue, ti ye Pa chineki ghenguno amkhükulu ke.

BAIBEL (BSI)

¹¹ AMPEU no Babilon kutsanike kumsupu pesu anike ghenguno pano Media lo kukamiqo xukuthovetsuke. Titoi shikeu lono pa chineki kutsalevekeu mukhu pano lu nani. Leighi akemi kijemiqono ishi ahza tsuke, “Nongu piji xukumtsuvelo! Nongu zuto kutope peluvelo!

JEREMIYA 51:11 Iomraidhean Croise

KUKAMI ATUGHIU 11:14

Ampeu no Edom küka lagha lono ighikeu Hadad pesü Solomon ghümi shivepe.

KUKAMI ATUGHIU 11:23

Alhou no Eliada nu Rezon ghi xukutho no Solomon ghümi shivepe. Rezon ye pa mpeu Zobab kükau Hadadezer launo pove ke.

YEKIKITHI ATUGHIU 5:26

Tighenguno Alhou no Assyriami kükau Pul, Assyriami kükau Tiglath-pileser ghungu xukuthothu, eno Reuben, Gad, ngo Kipelau Manasseh laghami pa no sasü pano yeghi lo wuve no tilau Halah, Habor, Hara eno Gozan ghoki qhalo alhokuthu ghenguno acheuvepe.

YEKIKITHI AKINIU 36:22

Persia kükau Cyrus yepe mpe atüghüu lo Ampeu no tungkupu Jeremiah vecheo pi püakeu shipuku niye Pa no Cyrus mlo peitha püzü pa kükaqha lo sheshu eno akiye lo ghi ishi yeve:

EZRA 1:1

Persia kükau Cyrus mpe atüghüu lo, Ampeu tsa Jeremiah kichi lono pikeu shikupu niye, Ampeu no Persia kükau Cyrus ghungu xukutho, ikehu pa no pa kükaqha kümtsü lo ashekushu lakhi shino tipau akiye lo süve:

ISAIAH 10:26

Oreb tuqu qhalo aqokitikhi MPEU no Midianmi ghaqhi kelo toi, Pa no akighikipili pesü panoqo küzaqhi nani. Eno Egypt lo Pa no aqheküsü peqhe keshi, Pa qheküsü huno azüghi shou anani.

ISAIAH 21:2

Mkamghai keu kungunhetsü no I vilo pi; thekuchuu no thechuvae, eno kütsakungo chekeu no kütsavae. Wulo O Elam; khasülo O Media; Babylon no püqapunu chekeu I no kishekhave tsü anie.

ISAIAH 21:5

Babylon yepemi no aghulhu lüpa kuto, ayephu qha püzü tile iqa no chusho ani. Ithulo, O kijemiqo; azüto kutolo!

ISAIAH 41:25

I no ahuu no milakhi hakutho eno pa ye ighivae, pa ye khetsünhe kipelau no ighi, eno pa no I je ku nani; alikümlau no aghani qoda keshi, pa no yepemi qoda nani.

ISAIAH 45:1

Ampeu no Paw nukikishe Cyrus vilo ishi piani, I no pa pelo shiyeqo qhasü penike pa u ajeu tsüqü luvae, kükami pokha xaluve tsü, pa zülo ahukikhaqo khaqhi tsü, eno khaghoqo khapemo nike pi:

ISAIAH 45:5

Ni ye Ampeu; alhou kütau khumu kühae, I nguno kütau lhou kühae; nono Ni ithimo kemu, I no o shikumto cheni,

ISAIAH 46:11

I no kipelau no ashikuchu ghau kusaghi peke, I kimji shikupu tsüni keu timi lakhi aghacheu no kue. I no pivae, I no ti shikupu nani; I no kughuvae, I no ti shinani.

JEREMIYA 25:25

Zimri kükami, Elam kükami, eno Media kükami kümtsü;

JEREMIYA 46:3

“Süshoyi ngo azüto kutolo, eno aghü shinike ighilo!

JEREMIYA 46:4

Khurshiqo kutolo; O khurshimiqo, ikuvelo! Nongu yikütsükuqho puvelo, nongu ngupa süphelo, aghü nanuqo pepuve lo!

JEREMIYA 46:9

O khurshiqo, azüu wulo, O khurkuluqo, mqhumzalo! Cushmi eno Putmi azüto kipemi, Ludmi asüzü pekithimi, hi aghütomiqo azüu puwulo.

JEREMIYA 50:25

Ampeu no Pa ghünanu ki khaqhi no Pa loghu ghünanu ikhiphevae, kughengu Ampeu aqokitikhi Lhou ye Babylon yeghi lo akümla shikepu ipeghivae.

JEREMIYA 50:3

“Ahuu no shiye lakhi Babylon lenike ighi ani, tino li pesü küghüve tsü nani, eno khunomu tile küghüna move nani; timi ngo lhoxü kümtsü pove nani.

JEREMIYA 50:45

Tighenguno Ampeu no Babylon lo küamiqo shou kughu püakeu eno Chaldea lo akemi pesü kiu shiniye kümsüpu ani keno inilo. Pano tianuli kutolo sünhe sawuve nani. Mtsüqheino panongu kümtsü küsakusho lono thüghüive nani.

JEREMIYA 50:9

Kughengu julo, I no ahuu no akumto shiyeqo hekütsü no Babylon leighi peni. Panongu no Babylon sasü aghü shinike ajoshi kutope ngo nani eno tileno Babylon ye leluve nani. Pano pijiqo ye aghütomi toi eno kapuwu kelo khilemu kümsa ideighi moe.

JEREMIYA 51:12

“Babylon liwo shou michiphi süqhelo, aghukhe alau iqhikumto lo; aghukhemi süsülo; aghüthepe khe lo; kughengu Ampeu no Babylon ghenguno pi püakeu shi anie.

JEREMIYA 51:24

“Babylon ngo Chaldea lo küami no Zion lo alhoksa shike ghenguno I no nongu nhethe lono lochile nani, Ampeu no sheshu.

JEREMIYA 51:35

Zion lo küami no pilo, Ni eno I laghami heqhikeu makho ye Babylon no pu pelo.” Jerusalem no pilo, “Ni ghime ji ye Chaldeami shou iku pelo.”

JEREMIYA 51:36

Ikehu Ampeu no ishi piani: “Julo, I no nongu tsa küghatsü eno nongu mkhü lutsüni. I no Babylon züghi eno li züpukiqo qhaive tsüni,

DANIEL 5:30

Tipa ji putho lono Chaldeami kükau Belshazzar ye pithive.

JOYIL 3:10

Nongu kuphu hephape azütakikihi mlalo, eno akuhoyi pesü angupa mlalo; miqemlei kemi no ishi pi pelo, “Ni ye ghüshimie.”

JOYIL 3:9

Shiyeqo lau hi sheshu lo: Aghüshi ghenguno kuto lo; aghükivimiqo xukutho lo. Ghüshimi pelo kupunu ighi pelo; panoqo pelo ighi pelo.

ACHINE 26:25

Puloshoqhi kubove ke ghenguno I no nongu shou azütakikihi puku nani. Nongu no aphughi lo kumqo aye, I no püsa puwu nani, eno nongu pesü aghümi u lo süvetsü nani.

ZEKHARIA 14:12

Khuno shiaye no Jerusalem sasü aghü shini keno tipaqo lau püsa hipau ighi nani: panongu no puthugho apülaghi pano phiashi ye tsüle nani, pano nhethi no anhebo lono tsüle eno pano mili no akichi lono tsüle nani.

ZEKHARIA 14:2

Kughengu Jerusalem sasü aghüshi penike I no shiye kümtsü hekütsü nani, eno mishighüna ye leluve nani, akiqo xulepuwuve nani, eno totimiqo shipüthave nani. Mishighüna lo küami tüxa ye akughu lo sawuve nani, ikemu achili thaqhü ye mishighüna qhimo nani.