JEREMIYA 51:1 - Sumi Naga CL (Re-edited) Bible (BSI)

¹ Ampeu no ishi piani: “Julo, I no ghikiqhiu ghungu xukuthope Babylon ngo Leb-kamaimi shou puku nani,

BAIBEL (BSI)

¹ AMPEU no pi, “Babilon ngo tipaulo timiqo shou ino kutsale kepu mulhu mulhu sasu ighi nani.

JEREMIYA 51:1 Iomraidhean Croise

KUKAMI AKINIU 19:7

Jualo, I no pa lolo aghungu sütsü no pa pelo uyeu tsa chilupe pa yeghi lo idewovepe nani, eno I no pa yeghi lono azütakikihi no pithive nani.’”

LESHELE 137:8

O Babylon limi, kütsaveni küau, nono ningu lau mlakeu lo khuu no o lochile luni keno pa lokivipue!

ISAIAH 13:13

Aqokitikhi MPEU xukighide tsalani Pa loghu lono atsütsü süküghütha, eno ayeghi kilhe pheve nani.

ISAIAH 14:14

ni ye khüngküsü kiqhe-a shou ikuno I küghape Shishe Akiqheu toiveni.’

ISAIAH 21:1

Azüghi phivilo asayeqha akeu ghenguno pimhelu keu tsape. Miyitsü no Negeb qha jole ighi keshi, asayeqha lo kümsa kimshipu yeghi lono aghümi cheni.

ISAIAH 47:1

O Babylonmi athathelimi, iqi ayeghimkhu lo iqalo; O Chaldeami ilimiqo, ayeghi lo kükalakhü kühakeu lo iqalo! Nongu ye hinguno hilau ye mtshaminhei ke pimoae.

JEREMIYA 23:19

Julo, AMPEUw pasapagha! Aloghu ye miyitsü pasapagha toi cheni; tino kixikilami kütsü shou no mpale nani.

JEREMIYA 49:36

I no atsütsü lo ako bidi lono amülhü Elam shou fupuku nani, eno panoqo fupe aqha kümtsü lo puwuve nani. Panongu ye khuno kükaqha lomu ilomo keu kühave nani.

JEREMIYA 50:21

“Merathaim ngo Pekod lo akemi le wulo. Panoqo pithi khave eno kütsaleve lo, ipi Ampeu no sheshu, I no azah tsükeu kümtsü shilo.

JEREMIYA 50:24

O Babylon, I no o ghenguno alichhe shipe o kitime kemu no ye ithimoe; o phuluve eno küghaluvae, kughengu nono Ampeu mjoke.

JEREMIYA 50:29

“Babylon lenike asüzü kipemi, shexilika piqepe akemi kümtsü kulo. Li sümxape aghazü shilo. Li kümla kiqi lono lochilelo; li no shike toi li lau shilo. Kughengu li no aqheküza shi Ampeu Israel Lhou Akimtheu hebide ke.

JEREMIYA 50:33

“Aqokitikhi MPEU no ishi piani: Israel ngo Judah timi ye qodaqhi ani. Pano küghape wu kemi no pano khekuto pe phepuwo chemoe.

JEREMIYA 50:9

Kughengu julo, I no ahuu no akumto shiyeqo hekütsü no Babylon leighi peni. Panongu no Babylon sasü aghü shinike ajoshi kutope ngo nani eno tileno Babylon ye leluve nani. Pano pijiqo ye aghütomi toi eno kapuwu kelo khilemu kümsa ideighi moe.

JEREMIYA 51:53

Babylon no atsütsü kutolo iku eno aliwo qoghe shi püaghimu, I no kütsani kemi li lau puwu nani, ipi Ampeu no sheshu.

JEREMIYA 51:60

Jeremiah no Babylon shou kütsakungo ighi niye akeu kümtsü kaku lo yesüve, atsa hi kümtsü Babylon ghenguno ke.

EZEKEL 19:12

Ikemu axukighide lono atsaibo pigheve, eno ayeghi lo veqhive; kipela mülhü no tipa xathi fukighichive tsü; tipaqo ye ighive no thizümüive. Abo kumtoqo ye ami no pitive.

HOSIYA 13:15

Pa no pa thiküzümi gholo miniboi aghi namu, kipela mülhü, Ampeu mülhü, no yenguyike-a lono ighi nani, eno pa züpuki ngo azükikhe ye qhaive tsü nani; tino pa kinibo lono akughupu thime kümtsü pewuve nani.

AMUS 3:6

Mishighüna lo afuko igha aye timiqo ye msa moni keshea? Ampeu no puwumo kelo mishighüna lo kütsakungo keu ighini keshea?

ZEKHARIA 2:8

Kughengu aqokitikhi Mpeu no pi, Pa juküvü no nongu xüle pewuve keu shiyeqo lau I puwu kethiu, khuu no nongu buni keno pa nhethi no juküsü shi püakeu buvae:

Apostolmi 9:4

Pa ye ayeghi lo ikiqive eno asütsa lakhino pa vilo pikeu chilue, “Saul, Saul, no ye kushiye I kijipüsa ani kea?”