JEREMIYA 50:36 - Sumi Naga CL (Re-edited) Bible (BSI)

³⁶ Tumumi shou azütakikihi puku nani, eno panongu ye küghüzümi shive nani! ghüshimi shou azütakikihi puku nani, eno panongu kütsave nani!

BAIBEL (BSI)

³⁶ Kimkimi tungkupmiqo lau akithipuke, panonguye kiu toi aghuzu anikha kela! Ghushimiqo lau akithipuke panonguye kiu toi kichimama shivea kela!

JEREMIYA 50:36 Iomraidhean Croise

SAMUEL AKINIU 15:31

David vilo ishi pi, “Ahithophel ye Absalom sasü küsüqe akemi gholo anie.” David no pi, “O Ampeu, kimiyeno Ahithophel mijekütsü ye mbomzü shive pelo.”

SAMUEL AKINIU 17:14

Ikelo Absalom eno Israelmi kümtsü no pi, “Arkhimi Hushai kükümsü no Ahithophel kükümsü nguno akiviu shi ani.” Kughengu Ampeu no Ahithophel kükümsü kivi theqhive peniye kughuve ke, tishianguno Ampeu no Absalom shou aghimepu süghi niye ke.

YEKIKITHI AKINIU 25:16

Ikemu pa no pi aphi lono Amaziah no ghechile, “Ningu ye o pelo akükau mijekütsüu shivepe akea? Tavelo! Kushiye o pithive apeni kea?” Ikehu tungkupu no tave, ikemu ishi pi, “I no ithi anike Alhou ye o kütsave niye shivae, kughengu nono hi shive no Iw mijekütsü ini movae.”

ISAIAH 43:14

Ampeu Israel Lhou akimtheu, nongu xachilekuluu no ishi piani: “Nongu xalu niye I no Babylon lo ghüshimi puwuni, eno tile küami kümtsü kügha süghi peni, Chaldeami, pano zükilu lo alokivishi chekeqo ghi saghi peni.

ISAIAH 44:25

I no kimkimi sakiqhi vehu shipüsave tsü cheni eno tumumi pesü mbomzümi shivetsü cheni, I no alokütsümi tuchile cheni eno pano kighithi pesü mbomzü shivetsü cheni.

JEREMIYA 48:30

I no paw mkamihi keu ithi ani, Ampeu no sheshu; pa qheküza tsapi ye kichile, pa kümla ye kuchou kumoe.

JEREMIYA 49:22

Alhuqu no achishibo sükhope yeiqighi keshi aghümi no Bozrah leighi nani. Tipa tsala lo Edom ghütomi mlo ye apunu küsü lo akeu totimi mlo toive nani.”

JEREMIYA 50:30

Ikehu liw apumiqo ye alaghila lono pithive nani eno tipa tsala lo liw ghüshimi kümtsü kütsaleve nani, ipi Ampeu no sheshu.

JEREMIYA 51:23

o pesü I no ambekheu ngo ambe loji, alu kichiu ngo pa lojimi, angh ngo zatsümiqo ghitha pinyi cheni.

JEREMIYA 51:30

Babylon ghüshimi ye aghü shimono ngovae; panongu ye pano liwo lo ani; pano küka ye hauvae; panongu ye totimi ilhouvae; pano phughi ye ami no piti ani; pano khaduqo ye kubolevae.

JEREMIYA 51:32

aghoki kakütha-a leluvae, aliwo qogheqo ami no piti ani, eno ghüshimi ye izüvuivae.

NAHUM 2:8

Nineveh ye ayizükucho lakhi azü qowuve keu toivae. “Ngovelo! Ngovelo!” ipi ighamku, ikemu khunomu ide ighimoe.

NAHUM 3:13

Julo, ow ghüshimiqo ye topumiqo toike. O yeghi lo khaghoqo ye o ghümi lau khaqhi püani; ami no o khaduqo pitive tsüae.

NAHUM 3:7

Eno o ju akeqo kümtsü no o launo tsüghüve no pi nani, “Nineveh ye ixapinyivae; khuu no li ghenguno mloni kea?” Ni ye o lokughuno tsüni kemi khile phuwuni kea?

1 Tim. 4:2

Hi ye kimkimi khuno kükümsü piti kushughipe tsaqüimo keno, pano vecheo ighi nani.

1 Tim. 6:4

pa ye aqheküza no chhitoive no kiumu vethamlavae. Pa ye atsa ghenguno aküküpna eno kighekile nikeu no pa pulou, tishikeu lono anhekushu, küsüxa keu, thaigha keu, pülüküpsa,

Piyeküsü 19:20

Tüghashi eno tipau gholo kichile tungkupu hughi küghaluve, pa no tüghashi zülono akümzapu kümla shikeu vecheo tüghashi michipu auve kemi eno tipau julho kümllami pishiqhi cheke. Hi küma ye aküxü no küghape amichu pesü küiqü chekeu miyizü lo vesüve.

Piyeküsü 21:8

Ikemu amlo kulotimi, aküpülü pheve kemi, kitiqeve kemi, ghikiqhimi, küsalhami, küdüumi, ajulho kümllami, eno kimkimi, hipaqo saje ye ami eno amichu piti chekeu yizü lo anani, tino akithi akiniu.”

Piyeküsü 22:15

Kughengu khalau ye atsüqo, küdüu kishimi, ashupu asalhami, ghikiqhimi, ajulho kümllami, eno pishikiqhi kimiye no tipau lono xüche kemi no acheni.