JEREMIYA 50:34 - Sumi Naga CL (Re-edited) Bible (BSI)

³⁴ Ikemu pano Xachilekuluu ye akumtoe; Pa je ye Aqokitikhi MPEU. Mtsüqheino Pa no pano ghenguno pitsü nani; tishikeu lono Pa no ayeghi lo akulhokiqhi süghi nani, ikemu Babylon lau ye aküpüna süghi nani.

BAIBEL (BSI)

³⁴ Ikemu panoqo xapheluniye akeuye mutotoike - pa jeye Aqokitikhi MPEU ke. Pa ampino panoqo ghenguno pitsu kepu shi nani eno ayeghilo iquighaikeu sughi nani, ikemu Babilon lo kuami lau akupuna sughi nani.”

JEREMIYA 50:34 Iomraidhean Croise

YEKIKITHI AKINIU 6:39

O kungo-a kungugha lono, ini tsüno pano vehupu shitsülo, eno Ow timi khunoqo O zülo axine shive akeno pano kipimi qhitsülo.

JOB 19:25

Ikemu I xachilekuluu ye xüani kepi I no ithi ani, eno ashekha lo Pa no ayeghi shou puthugho nanie.

LESHELE 35:1

O Ampeu, I sasü kütsala akeqo sasü kütsala lo; khunono I mjochile ani keno pano mjochile lo!

LESHELE 43:1

I chipiu she petsülo, O Alhou, Alhou kümthami lachile no I tsakükügha lo I süsho tsülo, pishikiqhimi eno achipikumo shiche kemi launo I xalulo!

IPEKULU 6:6

Tighenguno Israelmi vilo pilo, ‘Ni ye Ampeu, eno I no Egyptmi makho kimshi lono nongu saipeghive nani, eno I no panoqo qüaxe lono nongu xaphe luve nani, I no I u kumto ngo küghakütha kümla kije vecheo nongu qhüchile luve nani.

AHOLE 22:23

kughengu Ampeu no panongu she petsüni aphi eno pano pükaqhi püakemi küxü luve tsüni aphike.

AHOLE 23:11

kughengu pano Xachilekuluu ye akumto ke Pa no o kileve ghi pano she petsü nani.

ISAIAH 41:14

Ampeu no piani, “Msa kevilo, akulotiu Jacob, Israel timiqo o kuphu chekeu ye Ni ke, Ampeu no sheshu; o xakuluu ye Israel Lhou akimtheu ke.

ISAIAH 43:14

Ampeu Israel Lhou akimtheu, nongu xachilekuluu no ishi piani: “Nongu xalu niye I no Babylon lo ghüshimi puwuni, eno tile küami kümtsü kügha süghi peni, Chaldeami, pano zükilu lo alokivishi chekeqo ghi saghi peni.

ISAIAH 44:6

Ampeu, Israel kükau eno pa Xachilekuluu, aqokitikhi Mpeu no ishi piani: “Ni ye atüghüu eno ashekhau; I nguno alhou kütau kühae.

ISAIAH 47:4

Ni Xachilekuluu, aqokitikhi Mpeu no Israel Lhou Akimtheu ke.

ISAIAH 49:25

Kughengu Ampeu no ishi piani: “Akumtomi no akughu shipüa keqo ghi xapheve nani; mkamihi kemi no küghape püakeqo ghi xapheve nani; kughengu I no nongu mjo chekemi mjochile nani, eno nongu tianuliqo xalu nani.

ISAIAH 51:22

Ampeu o Lhou, Paw timi ghenguno qhüiniju chekeu no ishi piani, “Julo, I no o u lono Pa no izüvuive chekeu jukhu ikhiluvae; no ye I loghu chithakhu lo shokithe moae;

ISAIAH 54:5

Kughengu o lhokeu huno o kimi shivae, Pa je ye aqokitikhi Mpeu ke, Israel Lhou akimtheu no o xakuluu ke, Pa ye ayeghiqha Lhou kepi Pa kucheni.

JEREMIYA 10:16

Khuu no Jacob Lhou keno Pa ye hipaqo toi moe, kughengu Pa no thime kümtsü kughulho ke, Israel shiaye ye Pa mheghi ke; aqokitikhi MPEU no Pa jeke.

JEREMIYA 15:21

I no kixikilami u lono no xaphelu nani, eno ayiküsami u lono o xachilelu nani.”

JEREMIYA 30:20

Pano tianuli ye khaghi lo acheke toi nani, eno pano qoaho ye I zülo mtotoi kithe nani, pano qhasü keqo I no ghime nani.

JEREMIYA 31:11

Kughengu Ampeu no Jacob xachile luvae eno pano nguno akumtomi u lono pa qhüchile luvae.

JEREMIYA 31:35

Ampeu no ishi piani, khuu no puchou khetsünhe küvü tsü eno aqhi ngo ayepuqo ghope putho lo aküvü tsücheni, khuu no azüghi zü xukutho no ighape cheni keno, Pa je ye aqokitikhi MPEU ke.

JEREMIYA 32:18

Nono qhethonhe lau iqemokeu kikimiye piye cheni, ikemu apuaza no pimive kelo pano tianuliqo lau aghime süghi cheni, No ye kije eno akughushu Lhou, O je ye aqokitikhi MPEU ke,

JEREMIYA 48:15

Moab ngo paw mishighünaqo ghikiqhiu ye ighivae, eno tile lhothemi kishekiphe likhi ghiqhilevae, ipi Akükau, aqokitikhi MPEU no sheshu.

JEREMIYA 51:19

Jacob Lhou ye tipaqo toimoe, kughengu Pa no thokha lhoe, Israel ye Pa mheghi shiaye ke, Pa je ye aqokitikhi MPEU.

JEREMIYA 51:36

Ikehu Ampeu no ishi piani: “Julo, I no nongu tsa küghatsü eno nongu mkhü lutsüni. I no Babylon züghi eno li züpukiqo qhaive tsüni,

AKUMLO 3:58

“O Ampeu, Nono I she petsü eno I küxü qhüchilelue.

JOYIL 2:11

Ampeu no Paw ghüshimi zülono asheshu, kughengu Paw ghüshimi ghazü ye shishe kijeke; Khuu no Pa tsa pecheni keno Pa ye aküka kumtou ke. Kughengu Ampeu tsala ye kije eno shishe aküighüpu; khuu no ti puqhelu nani kea?

MICAH 4:10

O Zion limi, totimi no apunu küsü lo aketoi ihi eno ighalo, kughengu itehi nongu ye mishighüna lono ipeve nani eno aluza qhalo xüuve niae; nongu ye Babylon lo wuniae. Tilauno nongu xaphelu nani; Ampeu no nongu ghümi u lono nongu xachilelu nani.

MICAH 7:9

I no Ampeu zülo axine shive kehu Pa no I she petsü eno I ghenguno xathatsü moke dolo ni ye Pa xukighide xapu niae. Pa no aküvü lo I saipeghi nani; Pa no saphutsü keu shou I no jupuku anani.

Piyeküsü 18:8

Hi ghenguno li tsüni keu püsa akithi, akumlo eno püqümiye, kümtsü ghulo lakhi lono ighive nani, eno li ye ami pesü pitiqhive nani; kughengu Ampeu Alhou Khuu li shou küghathabeve akeno, Pa ye Akughushu ke.”