JEREMIYA 50:19 - Sumi Naga CL (Re-edited) Bible (BSI)

¹⁹ I no atsüni kümtsha-a pesü Israel tsüchile nani, panongu no Carmel ngo Bashan lo pekighi chuqupu chu nani eno panongu no chunishi ke thaqhü Ephraim ngo Gilead lono chulu nani.

BAIBEL (BSI)

¹⁹ Ino Israil lo akemiqo pano yeghilo sachile sawo qhi nani. panonguno Karmel toghilo ipeghikeu chuqupu chu nani eno panonguye chu nishike thaqhu Efraim ngo Gilead lono axa ipeghi keu chu nani.

JEREMIYA 50:19 Iomraidhean Croise

EZRA 2:1

Aphughi lo timi khunoqo Babylon kükau Nebuchadnezzar no haphe sawuve keu lono iqhoghi keno, tipaqo ye hike. Panoqo ye Jerusalem eno Judah lo idechile ighive, kümtsü no pütüta mishiphu lo wuve.

ALE KIMCHI 6:5

I launo o nhethi kughovelo, kughengu tino I mhoqhive ani— Ane loji no Gilead qhelo kuhakive iqiche keshi o sa ye sasashi jukivie.

ISAIAH 33:9

Ayeghi no itamjui mloqa ani; Lebanon ghasü no kujoqhiyi hailovae; Sharon no asayeqha toivae eno Bashan ngo Carmel no ighiqivae.

ISAIAH 35:2

asayeqha no amlokiqi shi ale phe eno axamunu kupu toi juvi nani. Tino Lebanon eno Carmel ngo Sharon nguno alau juvive nani. Timiqo no Ampeu juküvü eno ni Lhou kükanguagha ithulu nani.

JEREMIYA 23:3

Tileno I no ghükulumi aghakhu khile panoqo hapuwuve keno ti kümtsü lono hekütsü sawo pano lojilo qhinani, panongu ye pithi kighishe eno alau ikowo nani.

JEREMIYA 3:18

Tipau tsala lo Judah kibo ye Israel kibo gholo küqha luve nani, eno küqhano ahuu yeghi lono I no nongu puasüqo tsükeu yeghi pesü amheghi shiluve nani.

JEREMIYA 30:10

“Ikehu msa kevilo, I qeu Jacob, Ampeu no sheshu, aghüthisü kevilo, O Israel; kughengu julo, I no aghacheu no o xalu nani, eno o tikughuko akughushi akeu yeghi lono xalu nani. Jacob ye iqüghai alokughuno shi ideighi nani, khumu pa shikümsa mo nani

JEREMIYA 30:18

“Ampeu no ishi piani: Jualo, I no Jacob phiki kinigha athoputho tsü nani eno pa kungo-a lo kimiyeqhiyi keu anani; mishighüna ye xaleqhive keu shou shiqhe puku nani, eno kükaki ye thosü-a lo puthugho nani.

JEREMIYA 30:7

Oishe! Tipa tsala ye ighono kije, titoi keu tsala küha nani; ti ye Jacob ghenguno aveküsa do; ikemu tipau lono pa xaluve nani.

JEREMIYA 31:14

I no pofushi achinemi ghapiqitsü nani, eno Iw timiqo no I kivi ghenguno aghakiqi shinani, ipi Ampeu no sheshu.”

JEREMIYA 31:25

Kughengu I no qeinaive kemi eno kulhokughomi ghapiqi tsüno aghüthi püxütsü nani.”

JEREMIYA 31:6

Ephraim ghakhu lo akhemi no ku keu tsala ighi nani: ‘Ithulo, ningu Zion lo Ampeu ni Lhou lau iqhoni nolo.’”

JEREMIYA 32:37

Julo, I no I mlokighide, I loghu eno axukighide lono hapupove keqo aghakhu kümtsü lono xukumqo nani, eno I no panongu pelo sükusho lono xülupe nani.

JEREMIYA 46:27

“Ikemu O I qeu Jacob, msa kevilo, O Israel, aghüthisü kevilo, kughengu nongu no aghacheu akughu shi ake lono, I no nongu eno nongu polo kiqimi xaphelu nani. Jacob ye ideighi no iqünhei eno ililai xünani, eno khumu pa shikümsa monani.

JEREMIYA 50:6

“Iw timiqo ye pühave keu mbeqo toivae. Pano khemi no pano saküghüzüvae eno naghutoqo lo pühave peke. Naghuto lono atoghi lo itsüsü wuve, eno panongu ye pano loji kümsümavae.

EZEKEL 11:17

Tighenguno pilo, ‘Ampeu Alhou no ishi piani: I no timiqo gholono nongu hekütsü nani eno aghakhu khipaqo lo nongu kutholeve puwuve keno tipaqo lono nongu kumqo nani, eno I no Israel yeghi pesü nongu tsü nani.’

EZEKEL 36:24

I no shiyeqo launo nongu salu nani eno aghakhu kümtsü lono nongu hekütsü no nongu yeghi lo saighi nani.

EZEKEL 36:33

“Ampeu Alhou no ishi piani: Nongu kipimi kümtsü I no shikimthe tsüke tsalani, I no mishighünaqo lo küghüna lupe nani, eno kütsave keu shiqhekithe lupe nani.

EZEKEL 38:8

Atsala kutomo thiuno no hekütsü nani. Ampe kutomo thiu aghüshi lono athoputho luve keu yeghi nongu no lewu nani, tipa yeghi lo timiqo ye ashiaye kutomo xuküqhape alhokuthu kütsape achekeu Israel naghutoqo lo acheni. Pano timiqo ye ashiaye kutomo gholono saighi no itehi ye kümtsü sükusho qholono küghüna ani.

EZEKEL 47:18

“Kipelau no Hauran lono Damascus kuto; Jordan züsü Gilead ngo Israel yeghi do; kipelau Tamar qha kutolo. Hi no kipelau lughi.

MICAH 7:14

O küsü pesü Ow timi hejulo, O mheghi loji khunoqo thilishi aghasa lo xüani eno aghutu yeghi mta lo ani keno; panoqo pelo khaghi lo toi Bashan eno Gilead lo mzachu pelo.

MICAH 7:18

Amheghi shi ghüluve kemi kipimi qhitsüno axine juzüve chekeu Lhou O toike khuu ania? Pa ye pülhapuju amloide auve chemoe, kughengu Pa züküvü ye iqemokeu kikimiye lo acheni ke.

ZEKHARIA 10:10

I no Egypt yeghi lono panoqo sasü aki lo ighi nani, Assyria lono panoqo hekütsü no Gilead ngo Lebanon yeghi lo a-a kühave moke kutolo panongu sawo qhinani.

AKIKIHI 32:1

Reuben ngo Gad shiaye ye pichepighi kütsasa ache kehu panongu no Jazer ngo Gilead yeghi ithulu kelo pichepighi ghenguno alo nani kepi ithive.

AKIKIHI 32:4

aghakhu khikhi Ampeu no Israelmi zülono kütsakungove keno, hipaqo ye pichepighi yeghi shi ani, eno ningu ye kutomo ani.”

JOSHUA 17:15

Joshua no khochile, “Tsala nongu no kutomo shive aghi aye eno Ephraim yeghi no nongu ghenguno tülalove aghi aye, Perizimi ngo Rephaimmi yeghi ghasü lo iqholo eno nongu ghenguno a-a ghephelo.”