JEREMIYA 50:15 - Sumi Naga CL (Re-edited) Bible (BSI)

¹⁵ Li sümxape aghüle kulo; Babylon ye qhoi liqhivae; li qoghekiqo ye ikiqivae; liw aliwoqo ye hepholevae. Kughengu hi ye AMPEUw amkhükulue: li shou amkhü lulo, li no shike toi li peitha lo.

BAIBEL (BSI)

¹⁵ Aphughi sukumxa qha kumtsulo aghule kulo! Itehiye Babilon ye qhoi phesuvae. Tipau putukha puakeuye vesu ilovae eno ipole iqivae. Niye Babilonmi shou imukhu luanike. Tighenguno panoqo shou nongu mukhu lulo eno panonguno kutami peitha puakeu toi panoqo peithalo.

JEREMIYA 50:15 Iomraidhean Croise

YEKIKITHI ATUGHIU 29:24

Sakiphemi, ghüshitomi, eno akükau David nuli kümtsü no akükau Solomon gholo kutuponi keu shi puloluve.

YEKIKITHI AKINIU 30:8

Itehi no puasüqo toi kuthovi kevilo, ikemu nongu pesü Ampeu tsüve lo eno Pa kimthe khache, khikhi Pa no alholo ghenguno shikimtheve akeno, tile ighi lo eno Ampeu nongu Lhou huthu lo, tishianguno nongu launo Pa loghu tsüghüve nani.

LESHELE 149:7

ti ye shiyeqo lau amkhülu peniye eno timiqo lau aghime tsü peniye ke,

LESHELE 94:1

O Ampeu, amkhükulu Lhou; O amkhükulu Lhou, yepüvü tsü lo!

ISAIAH 59:17

Pa ye achipiu-mikucho no pa mlaküxa shike, eno tino paw xakulupu yikütsükuqho shike; eno pa no amkhükulu no pa phimini shike, eno minemighei keu no aphi toi pa küzüpu ke.

ISAIAH 59:18

Pa no panoqo kümla kiqi lono, lochile nani, axukighide pesü pa mjochile akemi ngo pa ghümi lochile nani; azüghi küdau akemi lau Pa no lochile nani.

ISAIAH 61:2

Ampeu pulou mpe eno Ni Lhou no amkhü lutsü keu tsala sheshu peniye, qamlo akemi lopiqitsü peniye ke.

ISAIAH 63:4

Kughengu amkhükulu tsala ye I mlo lo ani, eno I no xaluni keu mpe ye ighivae.

JEREMIYA 46:10

Tipa tsalani ye aqokitikhi MPEU tsala, Pa ghümi shou amkhü luni keu, amkhükulu tsala ke. Azütakikihi no aghaqilu moke kutolo aji pele eno tsüye nani. Kughengu ahuu Euphrates ghoki lono aqokitikhi MPEU no aghakishi shiani.

JEREMIYA 50:14

“Asüzü piqepe akeqo, Babylon lenike homxape ngoluve lo; li kaqhilo eno apiji qhive kevilo, kughengu li ye Ampeu shou axine shivae.

JEREMIYA 50:25

Ampeu no Pa ghünanu ki khaqhi no Pa loghu ghünanu ikhiphevae, kughengu Ampeu aqokitikhi Lhou ye Babylon yeghi lo akümla shikepu ipeghivae.

JEREMIYA 50:44

“Julo, abongshuu lakhi no Jordan ghasa lono atsüni kümtsha-a lo ipeghi ketoi I no Babylonmi pelo züleno pano yeghi lono povepe nani. Tithiu no I no kishelu keu pelo tipau shou ayepe penani. Kughengu I toike khuu ani kea? Khuu no I khülu nani kea? Ambekheu khuu no I mjolu nani kea?

JEREMIYA 51:11

“Apijiqo chighilo! Azütoqo ikhilulo! Ampeu no Medes kükamiqo kükümsü xukuthove tsüae, kughengu Pa kimji ye Babylon kütsaveni keue, ti ye Pa chineki ghenguno amkhükulu ke.

JEREMIYA 51:14

Aqokitikhi MPEU ampi no ishi ashoqhi shivae: Mtsüqheino I no tülhaqu jehi timi kutomo o lau saghi nani, panongu no nongu shou tokulu ghügha sheshu nani.

JEREMIYA 51:24

“Babylon ngo Chaldea lo küami no Zion lo alhoksa shike ghenguno I no nongu nhethe lono lochile nani, Ampeu no sheshu.

JEREMIYA 51:25

“O kütsale chekeu naghuto, Ni ye o küla ani, ipi Ampeu no sheshu, nono ayeghi kütsale ke; I no o shou I u chhopuku nani, atuxu lono o kulu piqi nani; eno o pesü pitileve keu naghuto shive tsü nani.

JEREMIYA 51:30

Babylon ghüshimi ye aghü shimono ngovae; panongu ye pano liwo lo ani; pano küka ye hauvae; panongu ye totimi ilhouvae; pano phughi ye ami no piti ani; pano khaduqo ye kubolevae.

JEREMIYA 51:36

Ikehu Ampeu no ishi piani: “Julo, I no nongu tsa küghatsü eno nongu mkhü lutsüni. I no Babylon züghi eno li züpukiqo qhaive tsüni,

JEREMIYA 51:44

I no Babylon lhou Bel ghime nani, pa no munove keu ikhipheve tsü nani. Shiyeqo ye pa lau wumoae; Babylon liwo ye ikiqivae.

JEREMIYA 51:58

“Aqokitikhi MPEU no piani: Babylon liwo shishoi keu ye ayeghi lo xaleqhive tsü nani, li khagho qhemghai keqo ye ami no pitile qhive tsü nani. Ashiayeqo no mla chekeu ye adou shive nani, shiyeqo no ime chekeu ye ami no pitive nani.”

JEREMIYA 51:6

“Babylon lono povelo; pütüta küxü ghenguno polulo! Babylon xine ghenguno nongu pithive ape kevilo, kughengu hi ye Ampeu mkhükulu süchedo, eno Pa no li lochile anike.

JEREMIYA 51:64

eno ishi pilo, ‘Babylon ye hitoi pütsüqhive nani, I no li shou kütsakungo süghi niye akeu ghenguno eno ithughi move nani eno panongu kümtsü püghave nani.’” Jeremiah tsa hileno kishekhave ani.

AKUMLO 5:6

Asho ililai ithuluni ye nino Egypt eno Assyria u lo ilove.

EZEKEL 17:18

Pa no visho kubove keu lono ashoqhi thoghave kehu julo, pa no pa u pesü thime hi kümtsü shivae; pa ye poka lumo nani.

EZEKEL 21:22

Shoxü ilokepu sübolu ghope qhi, ghiqhini ke ghenguno akichi xükho, ighamkuni ke asütsa süqhe, khagho shoxü ilo kepu sübolu ghope qhi, ayeghi xapuwo amoqhe puku, leluveni ke aqogheqo shiqhe pukuni ke ghenguno pa u ajeu no Jerusalem ghenguno asaqhilue.

NAHUM 1:2

Ampeu ye anhekushu eno amkhükulu Lhou; amkhükulu eno axukighideu; Ampeu no Pa ghümi shou amkhü lu eno panoqo sala aloghu püa cheni.

MATTHEW 7:2

Kughengu nongu no küghathabe keu kiqi lono nongu shou küghathabe nani, eno nongu no akimghipu peitha keu qhemi lono nongu mighiju nani.

Luke 21:22

kughengu yepüa keu kümtsü shikupu keu shi hi ye amkhükulu ghuloki ake.

Rommi 12:19

Kimiye chekemiqo, khilemu nonguu no amkhü luve kevilo, ikemu ti ye Alhou loghu lau picheve tsülo, kughengu hitoi yepüani, “Amkhükulu ye Iw ke, I no tsüchile nani ipi Ampeu no pi.”

Rommi 3:5

Ikemu ni mikuchokumo no Alhou chipiu-mikucho mtsümishei piyelu cheghi aye, ningu ye kiu pinia? Alhou no ni shou aloghu pukuni keu ye achipi kumoe pi nanio? (Ni ye timi gholau no pi anike.)

ZAKINIU 32:35

Amkhükulu ye Iw ke I no tsüchile nani, panongu pukhu no nekipheni keu do ye kupunuvae, Panow küsakusho tsala ye kupunuvae, eno pühaveni keu tsala ye pai ighive nani.’

ZAKINIU 32:41

I no I zütakikihi mlapui chighive eno küghatha nike kutove aye, I ghümi shou amkhülu nani eno I mithi chekemi lochile nani.

ZAKINIU 32:43

“O kungugha, Paw timi gholo alovilo; alhou kümtsü no Pa zülo pishiqho lo, kughengu Pa nuliqo jih peleve keu Pa no amkhü lutsü eno Pa ghümi shou amkhülue. Pa no Pa mithi kemi lochile no Paw timi yeghi shikimthe tsü.”

2 Thes. 1:8

Pa no amiküqü pesü Alhou mtha kemi eno ni Mpeu Jisü tsakiviu gholumo kemi shou amkhülu nani.

James 2:13

Kughengu khunono akipimi qhitsü moni keno küghakütha lo pano kipimi qhitsümo nani. Akipimi qhikütsü no küghakütha shou tokulu cheni.

JOSHUA 6:20

Ikehu achinemi no afuko igha eno timiqo no ighamku kelo aliwo no ilaqive. Tishino timiqo no pütüta no ngo akeu lono müzüchoi aphughi lo chesü ilo leluve.

JOSHUA 6:5

Kughou panongu no ambetsü kibo lono kushuo ighani keno, eno nongu no ti afuko ghügha chilu keno, timi kümtsü no aghügha kije lono ighamku lo. Tishino mishighüna liwo ye ilaqive nani eno nongu no pütüta-a lono müzüchoi aphughi lo chesü iloni.”

Piyeküsü 16:6

Kughengu panoqo no küpülümi ngo tungkupmi ji peleve tsü kehu Nono panoqo pijeni ke aji pesü tsüvae. Ti ye panongu no ithulu küzüpu huke!”

Piyeküsü 18:6

Li no kütami lau tsü püakeu qhemi tsüchile lo, li kümla pesü kinino küghüsü no lochilelo; kiu qhemi pesü ajukhu lo kitetsü keno ti veküghüsü no li jukhu lo lesü tsülo.

Piyeküsü 19:2

kughengu Paw küghakütha ye kuchou eno achipie; Pa no kütüqhaliu khuu ngosükümla lhoaye pesü ayeghi shipixi chekeno, li shou küghathabe tsü, eno li shou Pa qemi ji pele keu mkhü lutsüe.”

SAMUEL ATUGHIU 15:33

Samuel no pi, “O zütakikihi no totimi pelo anuhami shivepe ketoi o za ghi totimi dolo anuhami shive nani.” Eno Samuel no Gilgal lo Ampeu zülono aleqhi shi Agag ghekuchove.