JEREMIYA 5:6 - Sumi Naga CL (Re-edited) Bible (BSI)

⁶ Ikehu abongshuu no aghasü lono panoqo tsüve nani; tüngtügha no asayeqha lono panongu tsüve nani. Akhighiu ngushuu no panow mishighüna jukuto ani; tileno ipeghi kemi kümtsü sülatha pinyiveni cheni, kughengu pano xine ye kütsasae, panow hekibide ye kije ke.

BAIBEL (BSI)

⁶ Tighenguno aghasa lono abongushu qono panoqo tsuve nani. Asayeqhalo tungtughano panoqo sutha piniyive nani, eno angushuno pano phughilo miqe auve nani. Timi hupaqono khalau ipeghiaye panonguye kishitha pinyive nani, kughengu panoqo xineye kumzapuke eno panonguno tamono Alhou launo tsughu chilewuveke.

JEREMIYA 5:6 Iomraidhean Croise

YEKIKITHI AKINIU 36:14

Tipa shouno achinemi gholo hiyampemi eno timiqo kümtsü shiye kütami no aphikümqhüpu shiche keqo pape wuve eno akumou pükhükümla shive. Ampeu no Jerusalem lo Pa ki shikimthe tsükeu panongu no shipixive.

EZRA 10:10

Eno achineu Ezra no puthughove no panoqo vilo pi, “Nongu ye aküpülü hexave no inaghalimi sasü kiye shivae, eno tino Israel kipimi kighishevae.

EZRA 9:6

ishi pi: “O I Lhou, O lau I gi peqheni ke ni ye kujo ighü ani kughengu ni xine no ningu kütsü nguno qhemghai ikughivae I Lhou, eno ni kipimi no atsütsü tohi ikuvae.

JOB 10:16

I kütsü peqhe ithuche aye Nono abongshuu toi I haqhi eno I ghüza niye akümzapu kümlaqo I shou mlae.

LESHELE 104:20

Nono aküzü mlae, tino putho, ti ye aghasa lo tüghashi kümtsü no ipu-itsa igha keu doke.

LESHELE 80:13

Aghasü lo amini no ti külhüvae, eno aluza lo tüghashiqo no chu ani.

ISAIAH 1:23

Now sakiphemi ye hekibidemi eno küpkami gholo kichemie. Kümtsü no külügho kimiye eno müamzü tughotili phu acheni. Panongu ye mighimi lau kuchou xakütha tsüchemo, eno chimemi ghenguno puthugho tsüchemoe.

ISAIAH 59:12

Hi ye niw hekibide no O zülo kümzapu shive akehue, eno ni xine no ni shou thopi shi ani; kughengu niw hekibide no ni gholo ani, eno ningu no ni xineqo ithi ani:

JEREMIYA 14:7

“Ni xine no ni shou thopi shi ani, O Ampeu, O je lono kiuala shitsü lo; kughengu niw hekibide no ihuloe; nino O shou axine shivae.

JEREMIYA 2:15

Abongshuu no igha pa kichi; panongu no ighono ighae. Panongu no pa yeghi pighive tsüe; pa phughiqo ye ixapinyi, küghünani kemi kühae.

JEREMIYA 2:17

Pa no alaghi lo o sawu kelo nono Ampeu o Lhou pheve keu lono hipaqo o shou süghi anike kumo keshea?

JEREMIYA 2:19

O lhoksa no o ghimeqhi nani, o hekibede no o sakiyi nani. O Mpeu Alhou pheve keu ye alhoksa eno khumtsai kepi ithilo, I sümsa keu o lolo kühae, aqokitikhi Mpeu Alhou no sheshu ani.

JEREMIYA 2:31

O nongu tiqhelimi, Ampeu tsa jukuto lo. Ni ye Israelmi ghenguno asayeqha momu aküzü shishoi keu yeghi shive akea? Imaye Iw timiqo ye kushiye, ‘Ningu ye ililai ani, ningu ye khilemu O lau ighimoae,’ ipi cheni kea?

JEREMIYA 25:38

Abongshuu toi Pa ye Pa ki qhivae, kughengu Pa mlokighide yiküsa eno qhaküsümi zütakikihi ghenguno pano yeghi ye kümsa shivae.”

JEREMIYA 30:14

O ngulami kümtsü no o kümsümavae; panongu ye kiumu o tucho movae; I no aghümi toi o ghüzavae, kimiyemo keu ghümi no ghimeqhi keu toivae, kughengu o kipimi ye kije, eno o xine ye kutomo ke.

JEREMIYA 30:15

O ghüza ghenguno no ye kushiye igha ani kea? O küsü ye shipivimlae. O kipimi no kije kehu, o xine no kutomo kehu, I no thime hipaqo o lau shivae.

JEREMIYA 30:24

Ampeu mlokighide ye Pa no kughu akeu shikhave moke kutolo süchilemo nani. Athiu tsala lono nono mtsümishei vethalu nani.

JEREMIYA 4:7

Abongshuu, shiye kükütsau ye pa kungoa ghasa lono ipevae; pa ye no yeghi pighive tsüni ke pa a lono ipevae; now mishighüna ye ixapinyi küghüna move nani.

JEREMIYA 49:19

Julo, abongshuu lakhi no Jordan ghasa lono atsüni kümtsha-a lo ipeghi ketoi I no Edommi pelo züleno pano yeghi lono povepe nani. Tithiu no I no kishelu keu pelo tipau shou ayepe penani. Kughengu I toike khuu ani kea? Khuu no I khülu nani kea? Ambekheu khuu no I mjolu nani kea?

JEREMIYA 8:5

Imaye kushiye timi hipaqo ye ideighi mono athiu wove kea? Panongu no pishikiqhi tsüqüpe; eno ide ighini keu lachile.

JEREMIYA 8:7

Azüghau ghi aghuloki ithi ani, aqhewo, akhalu, eno azüghau ghi ideighini keu do ithi cheni, ikemu Iw timiqo ye Ampeu yezah mthae.

AKUMLO 1:5

Li ghümiqo no ampemi shivae; li ghümiqo no kinikülü shivae, kughengu li xine kitikhi ghenguno Ampeu no li ghimeve ke; li nuliqo ye akughumi shisü aghümi no sawuvae.

EZEKEL 16:25

Alaghila kümtsü lo nono ow qhemghaike-a mla eno o jukivi pesü aphikümqhüpu shino khukhumu kathawu chekemi lau no ampi pesü ikhiphe tsüno o salha küghüsü ke.

EZEKEL 22:27

Liw yepemi no atine no lhoxü tsüchu aketoi aji pele, aküxü kütsa no achipikumo lono ala shiniye shie.

EZEKEL 23:19

Ikeghi li no li lhothe tsala lo Egypt yeghi lo kütüqha chekeu kümsülu ghi alau kütüqhauve,

DANIEL 7:4

Atüghüu no abongshuu toi eno alhuqu chishibo puae. Tithiu I no ju keloye tipau chishibo tujo phevetsü, tipau ye ayeghi lono sünheqheve eno timi toi apukhu kini no puthughope, eno timi kükümsü pesü tipau lolo süvetsü.

DANIEL 7:6

Hipa thiu I no ju keloye angshuu amikhiu toi aghau chishibo bidi pa thiu xapu aghi. Tüghashi huye akütsü bidi ae, eno ayekipe küka tipau tsüve.

HOSIYA 5:14

Kughengu I no Ephraim lau abongshuu toi nani, eno Judah lagha lau abongshuu lhothe toi nani. Niu no aleqhi shi o sütha pinyive no wuve nani; I no xapu wuve nani eno khunomu xaphe mlave nani.

HABAKUK 1:8

Panow khurshiqo ye angshuu amikhiu nguno akümthüu, avela tineqo nguno ayiküsau; panow khurshimi no kushuo lono kokoshi ighi; panongu no tsüqhini ke alhuqu toi yesü ighi.

ZEFANIA 3:3

Li qholo hiyampemi akeqo ye abongshuu toi keqoe; xaküthami no avela tüngtüghaqo, tsütho mono külhüve chekeqo.

AKIKIHI 32:14

Julo, Israelmi shou Ampeu xukighide kighishe penike nongu axinemi tianuliqo no nongu papuqo theli lo ipeghivae!

Piyeküsü 13:2

Tüghashi tipau ye akhighiu ngushuu mihi; apukhu no ava pukhu toi, eno akichi no abongshuu kichi toi. Dragon no pa kumto, pa kükalakhü eno kükagha kuloghi pesü tüghashi tsüve.