JEREMIYA 5:5 - Sumi Naga CL (Re-edited) Bible (BSI)

⁵ I no kijemiqo lau wuni eno panongu vilo pini, kughengu panongu ye pano Lhou Ampeu laghi ithi ani.” Ikemu kümtsü no aphiphishi kuokhasü hephove; eno akütsüghaqo kuqhove ke.

BAIBEL (BSI)

⁵ Ino kijemiqo lau wuni eno panoqo putsani; mutsuqheyino panonguye Alhou no panoqo launo kiu khu ani keno ithi aghi nani, AMPEU no panoqo pelo shipeni shikeu ithi aghi nanike.” Ikemu panoqo kumtsuno AMPEU kuka peveke eno pa gholuni keu mopike.

JEREMIYA 5:5 Iomraidhean Croise

YEKIKITHI AKINIU 36:14

Tipa shouno achinemi gholo hiyampemi eno timiqo kümtsü shiye kütami no aphikümqhüpu shiche keqo pape wuve eno akumou pükhükümla shive. Ampeu no Jerusalem lo Pa ki shikimthe tsükeu panongu no shipixive.

IPEKULU 32:25

Kughou timiqo kighileve aghi keu Moses no ithulu keno (kughengu aghümi zükukujopu shi Aaron no panoqo kighileve ke),

ISAIAH 1:23

Now sakiphemi ye hekibidemi eno küpkami gholo kichemie. Kümtsü no külügho kimiye eno müamzü tughotili phu acheni. Panongu ye mighimi lau kuchou xakütha tsüchemo, eno chimemi ghenguno puthugho tsüchemoe.

JEREMIYA 2:20

“Khaghi no I no ow kuokhasü hephove tsü eno o kütsüghaqo süthave tsü kemu nono pike, ‘Ni ye O qemoe.’ Iyei, atoghi kümtsü lo eno asübo kümtsü qholo nono kütüqhalimi toi ihozü ke.

JEREMIYA 2:31

O nongu tiqhelimi, Ampeu tsa jukuto lo. Ni ye Israelmi ghenguno asayeqha momu aküzü shishoi keu yeghi shive akea? Imaye Iw timiqo ye kushiye, ‘Ningu ye ililai ani, ningu ye khilemu O lau ighimoae,’ ipi cheni kea?

JEREMIYA 30:14

O ngulami kümtsü no o kümsümavae; panongu ye kiumu o tucho movae; I no aghümi toi o ghüzavae, kimiyemo keu ghümi no ghimeqhi keu toivae, kughengu o kipimi ye kije, eno o xine ye kutomo ke.

JEREMIYA 6:13

“Aghulou lono akijeu kutolo achipi kumo lono ala shicheni, tungkupu lono achineu kutolo, kümtsü no pishiqhi cheni.

JEREMIYA 8:7

Azüghau ghi aghuloki ithi ani, aqhewo, akhalu, eno azüghau ghi ideighini keu do ithi cheni, ikemu Iw timiqo ye Ampeu yezah mthae.

JEREMIYA 9:3

Panongu no pano mili pesü asüzü toi sükuho; kuchou no kumono akimkiu no ayeghi lo mtotoi thuwu ani; panongu no axine lakhi lono lakhiu shino Ni ithimo ke, ipi Ampeu no asheshu.

EZEKEL 11:2

Pa no I vilo pi, “Timi nu, hipaqo ye axine kuchughu akeqo eno mishighüna hipau lo küsakügha kichetsü keqo ke;

AMUS 4:1

“Nongu Bashan mishiqo, khunono Samaria naghuto lo ani keno, kumlhomi qhasü, aveküsami chunudaqhi, nongu kimiqo vilo, ‘Nino aji shonike süghilo,’ ipiche keqo, atsa hipau inilo!

AMUS 6:1

“Zion lo akuchhoma shi akemi, eno khunono Samaria naghuto lo ililai ani keno, shiye dolo ajekipimi atüghümi, khunoqo lau Israelmi no wu acheni keno ahasapue!

MICAH 3:11

Tile sakiphemi no külügho vecheo xakütha tsü; achinemi no ame lono shika; tungkupmi no pisa ghenguno pichho tsü; ikeghi panoqo no Ampeu mungu bepe no pi, “Ampeu ye ni gholo anike kumo? Amhekiqi kiumu ningu shou ikughimo nani.”

MALAKI 2:7

Kughengu achinemi lakhi kichi loye akighithi tsa pükha phetsü masa, eno timiqo ye pa tsapi lono akükütsütsa phu masae, kughengu pa ye aqokitikhi Mpeu tsapeu ke.

Luke 18:24

Pa mlo ghime ithulupe Jisü no pi, “Kinimi no Alhou yekipe lo iloluni keu ye kishita kushokütsüpu kelae!

Luke 19:14

Ikemu pa ghakhumi no pa mithi chekehu aghinimi khami pa thiu no puwu no atsape ishi tsü, ‘Ningu ye timi hipau pelo ni shou ayepe penishi amoe.’