JEREMIYA 5:22 - Sumi Naga CL (Re-edited) Bible (BSI)

²² Nongu ye Ni msamo keshea? Ampeu no asheshu. Nongu ye I zülo khokhoshi chemo keshea? I no asaye pesü azüghi lughi shi, ti vechemla kepushi alhokuthu ghuthu shi; azü fukucho ighimu ti veche mla; mqhumza igha namu veche mlae.

BAIBEL (BSI)

²² Niye AMPEU ke, nonguye kushiye isumsamo kya? Kushiye izulo msakhokho shimo kya? Ino azughi ghenguno alughi shipenike asaye qhitsuke ike tipau kathamlake. Azughino kucho ikuluvi ke tipau nguno alaulo wumlake. Azu kukuchono ighaluvi ikemu tipaqo veche wumlake.

JEREMIYA 5:22 Iomraidhean Croise

BOTHUBO 1:9

Tishino Alhou no pi, “Atsütsü qholo azü akeqo a-a lakhi lo hekütsü kumqo luve pelo, eno qhaike yeghi ipeghilu pelo.” Eno titoi ilhouve.

KUKAMI ATUGHIU 13:28

Pa no wuno pa sükumo ala lo aghikeu, eno khurha ngo abongshuu küma no tipau phivilo aghi keu ithulu. Abongshuu ye akumo mu chumo momu khurha mu tsümo no ngo aghie.

JOB 26:10

Pa no aküvü ngo aküzü dolo alughi lono abocho mlape azüghi khepuchope qhie.

JOB 37:24

Ikehu timi no Pa sümsa cheni; Pa ye alikhi ampi pesü alokütsüe piche kemi kihi chemoe.

JOB 38:8

“Momu azüghi no ayeghi po lono phole ipeghi kelo khuu no azü hukikha khavetsü kea?

LESHELE 104:9

Nono tipaqo pelo veche pemo niye alughi shotsüe, tishikeu lono tipaqo pelo itaghi ayeghi küzü luve pemoe.

LESHELE 119:120

O msa kelauno I phi I shi no khokhoshi ke, ni ye Ow küghakütha msa cheni.

LESHELE 33:7

Amoqhe puku püake toi Pa no azüghi lo azü hekütsü; Pa no azüghi kutho pekütsüpe qhie.

LESHELE 46:3

azüghi no tukide igha ighi na, azüghi no qoighi keu no naghuto ithauve namu msamoe.

LESHELE 99:1

Ampeu no ayepe ani; timi kümtsü no khokhoshilo! Pa ye cherubim shou iqa ani; ayeghi pelo itha pelo!

AHOLE 8:29

Pa zakütsü veche azüghi no qole nosa kehu Pa no kothatsü akelo, Pa no ayeghi boqha ghüpe qhi akelo ni ye tilehi ake.

ISAIAH 50:2

Kushiye I no ighi kelo timi lakhimu aghi move kea? Kushiye I no ku kelo milakhi nomu khochilemo kea? Nongu xachile lunike I u ye ikholo küghashi anio? Momu Ni ye xaphe lunike aküka küha keshea? Julo, I zakütsü lono I no azüghi qhaive tsü cheni, I no aghokiqo pesü asayeqha kughulhove cheni; tipaqo lo akha no azü kühave kehu münauve eno tüghüthi kelauno thive cheni.

ISAIAH 64:2

tipaqo pelo ami no asü lokaqo piti akeshi, eno ami no azü kumqho akeshi— tileno O ghümi pelo O je ithi penike, eno shiyeqo pelo O zülo khokhoshi msa peniye ke.

ISAIAH 66:5

Ampeu tsa inilo, nongu Pa tsa sümsa chekemi, “Nongu thiküzümi nongu mithi eno I je ghenguno nongu hapheve kemi no ishi pike, ‘Ampeu juküvü shilo, tishianguno ningu no nongu lokivi jutsüni’; ikemu panoqou no kujove nani.”

JEREMIYA 10:7

O shiyeqo Kükau, khuu no O msa moni kea? agigihu ye O tsüküzüe; shiyeqo gholo alokütsümi dolo eno pano kükaqha kümtsü lo O toike khumu kühae.

JEREMIYA 2:19

O lhoksa no o ghimeqhi nani, o hekibede no o sakiyi nani. O Mpeu Alhou pheve keu ye alhoksa eno khumtsai kepi ithilo, I sümsa keu o lolo kühae, aqokitikhi Mpeu Alhou no sheshu ani.

JEREMIYA 31:35

Ampeu no ishi piani, khuu no puchou khetsünhe küvü tsü eno aqhi ngo ayepuqo ghope putho lo aküvü tsücheni, khuu no azüghi zü xukutho no ighape cheni keno, Pa je ye aqokitikhi MPEU ke.

DANIEL 6:26

I no xaküthaza lakhi mla ani, ti ye I yekipeqha lo timi kümtsü no Daniel Lhou zülo khokhoshi eno sükümsa shini, kughengu Pa ye aküxüpu Lhou, pülhapuju ache keue; Pa kükaqha ye khilemu kütsave mla nani, eno Pa yekipeqha ye ashekha kutolo anani.

AMUS 4:12

“Tighenguno I no hitoi nongu lau shini cheni, O Israel; eno I no nongu lau hi shini cheni kehu o Lhou sasü kushoni ke kutolo, O Israel!”

AMUS 9:6

Pa no atsütsü lo akuchuquu chebo shipüani eno ayeghi shou ajolha shipüani; Khuu no azüghi zü kuno ayeghi shou leqhitsü cheni keno, Pa je ye Ampeu ke.

JONAH 1:16

Tileno timiqo ye shishe Ampeu msave, eno panongu no aghakishi kümllagho pesü Ampeu mlla eno ashoqhi shie.

NAHUM 1:4

Pa no azüghi lomipi no qhaive tsü; Pa no aghoki kümtsü qhaive tsü; Bashan eno Carmel ye ighüyivae; Lebanon xamunu ye ighüyivae.

MATTHEW 10:28

Khunoqo no aphimpi pithivetsü cheni mu angulho ye pithilu chemo keno, nongu ye panoqo msa kevilo. Tishini kepu ye Alhou khuu no alhomi lono aphimpi ngo angulho kütsalu nani keno, Pa msalo.

Mark 4:39

Tileno Pa no ithu amülhü lomipi eno azüghi vilo pi, “Iqüghailo! qümüive lo!” Amülhü no tave eno tile shishe iqünheive.

Luke 12:5

Ikemu khuu msa kepu keno I no nongu ghutu ani: khuu no pithive no alhomi lo vesüve kulupu kükagha ani keno, pa msa lo. Iyei, I no nongu vilo piani, pa msa lo!

ZAKINIU 28:58

“Kaku hipau lo Ayezah yepüakeu kümtsü nongu no amikucho shi papemo, eno Ampeu nongu Lhouw akichiqhipu eno akümzapu je sümsamo aye,

Piyeküsü 15:4

Khuu no O msa moni eno O jepipi moni kea O Ampeu? Kughengu O likhi no akimthe ke. Shiye kümtsü ighi no O mlla nani, kughengu O chipiu mikucho kümla ye pephe piyevae.”