JEREMIYA 49:37 - Sumi Naga CL (Re-edited) Bible (BSI)

³⁷ Elammi mjoche kemi eno pano küxü phuche kemi zülono I no panoqo kütsaqhi nani. I xukighide lono I no Elammi kütsale nani eno panoqo pühave moke kutolo panoqo shou azütakikihi puwu nani.

BAIBEL (BSI)

³⁷ Ino Elam lo akemiqo pelo aghumi panoqo pithive nishi achekemi musakutuvepe nani. Iloghu kije lono ino Elam lo akemiqo kutsaleve nani eno ino panoqo jole puhavemoke kutolo panoqo shou aghushi puwu nani.

JEREMIYA 49:37 Iomraidhean Croise

JEREMIYA 30:24

Ampeu mlokighide ye Pa no kughu akeu shikhave moke kutolo süchilemo nani. Athiu tsala lono nono mtsümishei vethalu nani.

JEREMIYA 48:2

Moab jekipi ye kühavae. Aghümi no Heshbon lono Moab kütsave nike kuchughue: ‘Ighilo, ningu shiye hupau kishekhave tsüni!’ O Madmenmi, nongu ghi inaqhoivepe nani; azütakikihi no nongu leighi nani.

JEREMIYA 48:39

Kishita kuboleve akelae! Panongu no kishita mloqa ani kelae! Moab ye thoghavae! Ti ye pa sümxape akeqo zülo aküighüpu eno akümsapu shivae.”

JEREMIYA 49:22

Alhuqu no achishibo sükhope yeiqighi keshi aghümi no Bozrah leighi nani. Tipa tsala lo Edom ghütomi mlo ye apunu küsü lo akeu totimi mlo toive nani.”

JEREMIYA 49:24

Damascus ye miqemleive no tsüghüsü povae, shithüghüi keu no tshü luvae; totimi no apunu küsü lo aketoi, aküsü aghime no tsüghavae.

JEREMIYA 49:29

Pano phiki ngo atsüaqu loji tshü sawuve tsü nani, panow nhaqhiphi ngo tinhemgha kivi qhoi luve nani; sayeshiqo sawuve tsü nani, timiqo no ighamku pi nani: ‘Akümsapu no süho luvae!’

JEREMIYA 49:38

I no Elam lo I kükalakhü qhinani eno pano kükau ngo hiyampemi kütsaleve nani, ipi Ampeu no sheshu.

JEREMIYA 49:5

Ampeu no sheshu ani, I no o homxape akemi launo o shou kümsapu süghi nani, timi kümtsü haleve no khunomu poche kemi hekütsü mlave nani.

JEREMIYA 50:36

Tumumi shou azütakikihi puku nani, eno panongu ye küghüzümi shive nani! ghüshimi shou azütakikihi puku nani, eno panongu kütsave nani!

JEREMIYA 6:19

O ayeghi, inilo, I no timi hipaqo shou pano mqü lhoksa xathi ghenguno amhekiqi süghini cheni, kughengu panongu no I tsa lo amlo tsümove eno I yezah milive ke.

JEREMIYA 9:15

Tighenguno Israel Lhou, aqokitikhi MPEU no ishi piani: Julo, I no khumtsai keu chuqupu pesü timi hipaqo lojini, eno tüghü zü pesü panongu piyeni.

JEREMIYA 9:16

Panongu momu pano puasüqo no ithimo keu shiyeqo gholo I no panongu kuthole puwuveni, eno panongu qhoi pühave moke kutolo I no azütakikihi pano thiu puwuni.”

EZEKEL 12:14

Khunoqo no pa homxape ani keno, pa kukuphumi ngo paw ghüshimi ghi kümtsü I no amülhü süvela lo kuthole puwuve nani, eno I no azütakikihi süjope panoqo pape nani.

EZEKEL 32:23

Panoqo sükumo ye kithimi yeghi shekhau ani eno li loji no li sükumo vehope ani. Küxümi yeghi lo kichi kümsa chekemi ye kümtsü ghiqhivae, azütakikihi lono ikiqivae.

EZEKEL 5:12

Kikije küthü lo lakhi ye püsa lono thive nani eno püqümiye nongu gholo ighive no püghave nani; kikije küthü lo lakhi ye azütakikihi lono ikiqive nani; eno kikije küthü lo lakhi ye I no amülhü la kümtsü lo hale puwuve nani eno azütakikihi süjophe no panoqo pape ghiqhi nani.

EZEKEL 5:2

Leighi ke tsala kupuve kethiu mishighüna mta lono asa kikije küthü lo lakhi pesü ami no pitive lo. Kikije küthü lo lakhi pesü mishighüna vehomxa ghi azütakikihi no ghitha lo. Eno kikije küthü lo lakhi pesü amülhü lono küzale lo, eno I no panoqo papesü I zütakikihi ikhijo luveni.

ACHINE 26:33

I no nongu shou azütakikihi süghi no shiyeqo gholo nongu kuthole puwuve nani. No ghakhu eno aphughiqo ye ixapinyi küghüve nani.