JEREMIYA 49:29 - Sumi Naga CL (Re-edited) Bible (BSI)

²⁹ Pano phiki ngo atsüaqu loji tshü sawuve tsü nani, panow nhaqhiphi ngo tinhemgha kivi qhoi luve nani; sayeshiqo sawuve tsü nani, timiqo no ighamku pi nani: ‘Akümsapu no süho luvae!’

BAIBEL (BSI)

²⁹ Panoqo phiki ngo atsuaqu loji tshuluvelo, panoqo phiki lashe nhaqhikeu ngo alou aghikeu kumtsu luvelo. Panoqo wu kemel qo luvelo eno timiqo vilo ishi pilo, ‘Akumsapuno nongu suhupe ani!’

JEREMIYA 49:29 Iomraidhean Croise

BOTHUBO 37:25

Tithiu panongu no chusho nike iqave. Panongu no jupuwo kelo Gilead lono Ishmaelmi aloji lakhi sayeshi lono ata, nukümtshau eno axokütsüngü pesü Egypt lo iqi cheghi.

JOB 1:3

Tipau gholo ambe 7,000, sayeshi 3,000, alu kümla mishi atüna 500, khurhaqu 500, eno aqemi no kütsasa ache kehu kipela küdaumi gholo aje kijeshi ache.

LESHELE 120:5

I no Meshech lo itsü kupokiche shiche keu eno Kedar phiki lo küghüna chekeu no I ghenguno ahasapue!

LESHELE 31:13

Kughengu kutomo no chhuchhushi küptsa keu I no chilue— kichi kümsa keu no akuaqha kümtsü lo ani!— panongu no I shou kuchughu ani, I küxü luve tsüniye küsüqe ani.

ISAIAH 13:20

Tiqheli kümtsü lo khunomu tile küghüna kithemo nani; Arabmi mu tile aphiki tshümae, ambekhemi mu tilau ambe qhimae.

ISAIAH 60:7

Kedar lo lhoxü loji kümtsü nongu lau süghive nani; Nebaioth lo ambetsüqo ye akümllagho shi nongu lau süghi nani; tipaqo no aghokulu shi I kümlla khache lo ikughi nani, eno I no I chineki jukighilepu shi qhi nani.

JEREMIYA 10:20

I phiki ye xaleqhive tsüae, akighi kümtsü süthavae; I tianuliqo ye I launo wuvae, panongu ye kühavae; I phiki tshü tsüni kemi eno nhaqhiphi sütsüni kemi khumu kühavae.

JEREMIYA 4:20

Hephole keu shelo hephole; ayeghi kümtsü kütsalevae. I phikiqo ghi züleno kütsavae, paikhavi no I künhaphi kühavae.

JEREMIYA 46:5

Ni ye kiu ithulu ani kea? Panongu ye aghüthi süvae eno athiu idewovae. Panow ghüshimi ye thiqhivae eno kuhakive pokhavae; panongu ye athiu jupuwo amoe kümsapu no homxape anie! ipi Ampeu no sheshu.

JEREMIYA 49:24

Damascus ye miqemleive no tsüghüsü povae, shithüghüi keu no tshü luvae; totimi no apunu küsü lo aketoi, aküsü aghime no tsüghavae.

JEREMIYA 49:5

Ampeu no sheshu ani, I no o homxape akemi launo o shou kümsapu süghi nani, timi kümtsü haleve no khunomu poche kemi hekütsü mlave nani.

JEREMIYA 6:25

Alulo hu kevi momu alaghila lo cheche kevilo, kughengu ghüshimi u lo azütakikihi ani; aqha kümtsü lo akümsapu ani.

HABAKUK 3:7

Cushmi phiki aghime lo akeu I no ithulu; Midian yeghi lo nhaqhiphi no khokhoshi ke.

2 Kor. 4:8

Alaghi thokha lono ningu tsadaqhi ikemu chunudave chemoe; phiküghüzü ikemu amlo hauve chemoe;

2 Kor. 7:5

Macedonia lo ighive kethiu ghi ningu ye akulho qhimla no ala thokha lono ningu kijipüsa ke—ni lolo msaichi anamu ashou ye kütami sasü kumgho ke.

XAKUTHAMI 6:5

Kughengu Midianmi no tülhaqu toi panow lhoxü jeli sasü iqhoghi no aphiki shi, ikemu panongu eno panow sayeshiqo ye kihikhamlae, tishikeu lono panongu no ngove keu yeghi kümtsü shipüsave tsü cheke.

XAKUTHAMI 7:12

Tile Midianmi, Amalekmi, eno kipelau shiayeqo no akhila lo tülhaqu toi nhakha, eno panow sayeshiqo no azüghi mkülo asaye toi kihikhamla ae.

XAKUTHAMI 8:21

Tileno Zebah ngo Zalmunna pama no pi, “No ampi no ithu no nikujo ghiqhive lo, kughengu kiptimi lakhi ye pa kumto lono ithi cheni.” Ikehu Gideon no ithu no pama ghiqhive eno pamaw sayeshiqo kuo lo akughupu nanu puche keu kuqho luvetsü.

XAKUTHAMI 8:26

Ameshoyi kinikighi qhalu keu huju kelo ahu 19 qhemi aghi, eno akughupu tünananu, achila ngo hughaike phi Midian kükami no pepu chekeu, panow sayeshiqo no akuo lo xini chekeqo ye kihisü moe.