JEREMIYA 49:19 - Sumi Naga CL (Re-edited) Bible (BSI)

¹⁹ Julo, abongshuu lakhi no Jordan ghasa lono atsüni kümtsha-a lo ipeghi ketoi I no Edommi pelo züleno pano yeghi lono povepe nani. Tithiu no I no kishelu keu pelo tipau shou ayepe penani. Kughengu I toike khuu ani kea? Khuu no I khülu nani kea? Ambekheu khuu no I mjolu nani kea?

BAIBEL (BSI)

¹⁹ Abongushu lakhino Jordan vekudalo aghasa lono achu kumzapu atsuni akeu yeghilo ipeghikeu toi ino ighi nani eno Edommi pelo zuleno pano yeghi lono kohapovepe nani. Tipathiuno ino kishelukeu sakipheu pelo tipa shiayeh shou ayehpe pe nani. Isasu kimighilu kepu khuu ani kya? Khuno ighumono ikhu lunani kya? Ayehkipemi kiutoi keuno imujolu nani kya?

JEREMIYA 49:19 Iomraidhean Croise

YEKIKITHI ATUGHIU 12:15

Ampe lo aqhi atüghüu ghuloki lo kughou Jordan zü no amkü kutolo qochili akeno, timi hipaqo no katha iku tilau kipelau no kulolau kuto akhila lo küghüna akemi kümtsü hapupo khave.

YEKIKITHI AKINIU 20:6

eno pi, “O Ampeu, ni puasü Lhou, No ye kungugha lo Alhou ke kumo keshea? Nono ayeghi lo kükaqha kümtsü shou ayepe ani. O u lo aküka eno akumto akeu ghenguno timi khumu o mjochile mlae.

JOB 41:10

Khumu ayiküsa shi pa xukutho puthu luni keu kühae. Imaye khuu no pa ye khuue pi I zülo puthugho luni kea?

JOB 9:19

Tsala hi no aküka kukuxu shiaghi aye Pa no Akumtoue! Eno achipiu tsakükügha shiaghi aye khuu no Pa kuluni kea?

JOB 9:21

Ni ye akipimi küha keghi I kihi movae; I küxü jumithi auvae.

LESHELE 143:2

O qeu sasü küghakütha lo ilo kevilo, kughengu O zülo xü akemi khumu amikucho kumoe.

LESHELE 76:7

Ikemu No ye sümsa kepue! Kughou O loghu ghuthu lakhi ipeghini keno khuu no O zülo puthugho luni kea?

LESHELE 76:8

Kungugha lono Nono küghakütha shuphe; ayeghi no msa khokhoshi eno iqünheive,

LESHELE 89:6

Kughengu atsütsü qholo khuu no O sasü kimhe luni kea? Kungughami khuu no O toike ani kea?

LESHELE 89:8

O Ampeu aqokitikhi Lhou, O Ampeu, O pükhükulu no O vehope aketoi khuu no O toi akughushu kea?

IPEKULU 15:11

“O Ampeu, alhouqo dolo khuu no O toi kea? Aküka kughushu, ajuküvüpu kümla lo sheqheküzü, akümzapu mla chekeu, Khuu no O toi kea?

ISAIAH 40:25

Imaye, I sasü kimhe kepu I toike khuu ania? Akimtheu no pi.

ISAIAH 46:9

khaghi ghili kümsülu lo; kughengu Ni ye Alhou, eno kütami khumu kühae; Ni ye Alhou, I toike kütami khumu kühae.

JEREMIYA 12:5

“Nono apukhu lono timi sasü pokimhe no akulho shive aye, kishino khurshi sasü pokuxu luni kea? Nono aqa yeghi lo thotsü lhove aye, Jordan ghasa loye kishini kea?

JEREMIYA 25:9

julo, I no ahuu shiayeqo eno Babylon kükau I qeu Nebuchadnezzar kunani, ipi Ampeu no sheshu, I no panoqo sawo ayeghi hipau lo küxümi eno tipau hokümxa lo shiye akeqo mjochile nani. I no qhoi panoqo kütsaleve no panongu pesü aküighüpu, atichepu, eno pülhapuju ghenguno pighive tsü nani.

JEREMIYA 30:21

Pano sakipheu ye pano dolo timi no shinani; pano yepeu ye pano gholono ipeghi nani; I no pa sasü aphivilo ighi eno pa no I kupunu ighi nani, kughengu khuu no I kupunu ighi luni kea? ipi Ampeu no asheshu.

JEREMIYA 4:7

Abongshuu, shiye kükütsau ye pa kungoa ghasa lono ipevae; pa ye no yeghi pighive tsüni ke pa a lono ipevae; now mishighüna ye ixapinyi küghüna move nani.

DANIEL 7:4

Atüghüu no abongshuu toi eno alhuqu chishibo puae. Tithiu I no ju keloye tipau chishibo tujo phevetsü, tipau ye ayeghi lono sünheqheve eno timi toi apukhu kini no puthughope, eno timi kükümsü pesü tipau lolo süvetsü.

NAHUM 1:6

Khuu no Pa xukighide zülo puthugho luni kea? Khuu no Pa mlokighide kushu puqhe luni kea? Pa loghu no ami toi ghuqhi, Pa no atuquqo mukhumuno shi kubove tsü.

ZEKHARIA 11:3

Ambekhemi no mloqa igha ani, kughengu pano jekipi ye kütsavae! Abongshuuqo no ighamku ani, kughengu Jordan lo aghasü ye kütsavae!

AKIKIHI 16:5

Tishino pa no Korah ngo pa gholo chekemi vilo pi; “Ampeu no thanau no khuu no Paw keno piye nani; khuu no akimthe keno, Pa no Pa phivilo saghi nani. Pa no khuu kisheluni keno, Pa phivilo saghi nani.

JOSHUA 3:15

eno achinemi Puloshoqhi Bohu peche keqo no Jordan tove no panongu pukhu azü lo nesü kemtsa (ti ye ghile tusho shia eno aghoki ye amkü kutolo qoa),

Piyeküsü 6:17

kughengu panongu loghu tsala huye ighivae eno khuu no tipau lo puthugho luni kea?”