JEREMIYA 49:17 - Sumi Naga CL (Re-edited) Bible (BSI)

¹⁷ “Edom ye akümsapu shive nani. Khukhumu ti kathawu keu ye shithüghüive nani eno aghüzaku jukünatha nani.

BAIBEL (BSI)

¹⁷ AMPEU no pi, “Edom shou kutsakungo keu ighiniye akeuye shishe akumsa kuighupu kehu vechewu chekemi kumtsuno akumsano khokhoive nani.

JEREMIYA 49:17 Iomraidhean Croise

KUKAMI ATUGHIU 9:8

Aki hipau ye ixapinyive nani, eno hi veche iqhoiqi kemi kümtsü no akümza qhiyi pi nani, ‘Kushiye Ampeu ye hipa yeghi eno aki hipau shou hi shivetsü kea?’

JEREMIYA 18:16

pano yeghi pesü akümsapu shitsüe, alholo ghenguno atichepu shivae. Tipau veche kemi kümtsü no thüghüi pano kütsü küngüe.

JEREMIYA 49:13

Kughengu Ampeu no sheshu, Ni ampi no tushoqhi anike Bozrah ye akümsapu, atichepu, küghüküghai, eno ghukushopu shive nani, eno tile mishighüna kümtsü alholo ixapinyive nani.”

JEREMIYA 50:13

Ampeu loghu ghenguno tile küghüna move nani ikemu ixapinyi qhive nani; ti kathawu kemi no thüghüi eno aghüzaku jukünatha nani.

JEREMIYA 51:37

Babylon ye atachu shi kütsaleve nani, tüngtügha kungo-a shinani, akümsapu eno thoküghapu-a shino timi küghüna move nani.

EZEKEL 25:13

Ampeu Alhou no ishi piani, I no Edom shou I u chho nani eno timi na tüghashi namu kütsave nani. I no tipau pesü küghüküghaleive tsü nani; Teman lono Dedan kutolo azütakikihi lono ikiqive nani.

EZEKEL 27:36

Ashiayeqow kilhikishimi no o cheqhi ani; no ye akümsapu shi kishekhavae eno alholo ghenguno kühave niae.’”

EZEKEL 35:15

Nono Israel kibolomi mheghi shou alovi ke, kughengu ti ye küghüküghaleive ke, ikehu I no o peitha nani; Seir Toghi eno Edom kümtsü küghüküghaleive nani. Tileno panongu no Ni ye Ampeu kepi ithi nani.

EZEKEL 35:3

eno tipau vilo pilo, Ampeu Alhou no ishi piani: Julo, Seir Toghi, Ni ye o lachile ani, eno o shou I u chho ani, I no o pesü küghüküghalei pighive tsü nani.

EZEKEL 35:7

I no Seir Toghi pesü kütsa keu eno küghüküghalei keu shivetsü nani, eno hu-wo chekemi kümtsü I no ghiqhive nani.

MICAH 6:16

Kughengu nongu no Omri yezah eno Ahab lagha kümla kümtsü papeke; eno nongu no panoqow mijekütsü laghi pülake, ikehu I no nongu kütsale eno xüküami jukünatha penani; eno nongu no Iw timiw tichetighe xapu nani.”

ZEFANIA 2:15

Hi no alokivi eno sükusho akeu mishighüna, li mlo lono piche, “Ni thono kütami ye khumu kühae.” Li ye kiutoi küghüküghaleive akelae, tüghashi kungo-a shivae! Khunoqo no li hechesü wu keno atuthu kuloghi sheqhi eno au sükumqo luve ke.

ZAKINIU 29:22

Tiqheli akiniu lo nongu tianuli ngo aghakhu kushuo lono ighi kemi inami no Ampeu no kishi aghakhu hipau ghime eno küsükini pesü pishipuju keno ithulu püzü ishi pi nani—