JEREMIYA 49:16 - Sumi Naga CL (Re-edited) Bible (BSI)

¹⁶ No atuxu lo küxüu, atoghi kütsüqa pükhape achekeu, nono kichi kümsa eno qheza chekeu huno o pishiqhivae. Nono alhuqu toi qhemghai keu lo o püsü mla püaghi namu, I no tilano o sünheqhive nani, ipi Ampeu no sheshu.

BAIBEL (BSI)

¹⁶ Nongu qhekuzano nongu pishiqhivae. Nongu musa ani kepi kumsu ake qhemi lono khunomu nongu musamoe. Nonguye naghuto kutsuqa qhemghaikeu atuxulo ngo acheni; ikemu aluqu toi qhemghai keulo xuaghi namu AMPEU no aqhou kudau nongu saiqighive nani, AMPEU no piveake.”

JEREMIYA 49:16 Iomraidhean Croise

KUKAMI AKINIU 14:7

Amaziah no Amti Khila lono Edommi 10,000 heqhive tsü, eno aghüshi lono Selah hakholuve no Joktheel ipi kuvetsü, ti ye ishi kutolo kuchephi.

JOB 39:27

Alhuqu ye o zakütsü lono akuchuqu-a lo yeikuve no pa püsü mla cheni keshea?

AHOLE 16:18

Kütsakungo nike zülo aqheküza acheni, eno ikiqi mphi züu tsütsüngoju keu acheni.

AHOLE 18:21

Akithi eno aküxü ye amili küka shou ani, ti peitha chekemi no kivi-küsa kiqi lono axathi xochu nani.

AHOLE 29:23

Milakhi qheküza no pa sünheqhi pe kuchunive cheni, ikemu amlo lo mtshaivü kemi ye agigihupu ithulu nani.

ALE KIMCHI 2:14

O Iw miqhedu, atu nhepho lo eno atuxu cheku lo itshü akeu, I pelo o gi ithulu eno o sütsa chilu pelo, kughengu o sütsa ye jumghai eno o gi ye juvike.

ISAIAH 10:14

Aghau püsü toi I no ashiayeqo küakini phuluvae; jusü move keu yikhu lilu keshi I no ayeghi kümtsü liluvae; eno khunomu achishibo xakhomo momu akichi xükhope ighamoe.”

ISAIAH 2:21

ti ye Ampeu no ayeghi süküthü niye ighi kelo timiqo no Pa loghu eno Pa kükanguagha zülono atuki eno anhepho kighipeqo lo itshü luni kehue.

ISAIAH 49:25

Kughengu Ampeu no ishi piani: “Akumtomi no akughu shipüa keqo ghi xapheve nani; mkamihi kemi no küghape püakeqo ghi xapheve nani; kughengu I no nongu mjo chekemi mjochile nani, eno nongu tianuliqo xalu nani.

JEREMIYA 48:14

“Nongu ye kishino ‘Ningu ye aghütomi eno aghükivimi’ ipi cheni kea?

JEREMIYA 49:15

Julo, shiyeqo dolo I no o pesü aghulo shive tsüni, timi kümtsü no thogha peni.

JEREMIYA 50:29

“Babylon lenike asüzü kipemi, shexilika piqepe akemi kümtsü kulo. Li sümxape aghazü shilo. Li kümla kiqi lono lochilelo; li no shike toi li lau shilo. Kughengu li no aqheküza shi Ampeu Israel Lhou Akimtheu hebide ke.

JEREMIYA 51:53

Babylon no atsütsü kutolo iku eno aliwo qoghe shi püaghimu, I no kütsani kemi li lau puwu nani, ipi Ampeu no sheshu.

AMUS 9:2

“Panongu no ala chhusü Kithigha lo iqive namu, tilauno I u no küghaluve nani; panongu no atsütsü lo ikuvemu, tilauno I no saiqighive nani.

HABAKUK 2:9

“Khuu no kunguu apüsü pesüni ye, eno alhoksa lono itshü luniye pa kibolomi sala akumou laghi lono ala shicheni keno ahaküsapue!

MALAKI 1:3

eno Esau ye I no mithi ke. I no pa toghi ghüna kütsave tsü eno pa mheghi pesü asayeli lo atineqo sala qhivetsüe.”