JEREMIYA 48:37 - Sumi Naga CL (Re-edited) Bible (BSI)

³⁷ “Kughengu panongu kümtsü akütsüsa miyevae eno pano kichimhi tsalevae. Panongu kümtsü u lo azaku puvae eno kümtsü no yeqhiyephi no achita khapu anie.

BAIBEL (BSI)

³⁷ Panoqo kumtsu panoqo kutsusa miyevae eno panoqo kichimhi tsalevae. Panongu kumtsu panoqo ulo kihethale pesu ani eno kumtsu ghano yeqhiye phi uani.

JEREMIYA 48:37 Iomraidhean Croise

BOTHUBO 37:29

Kughou Reuben no aqokutho lo ideighi no Joseph kühave aghi keu ithi keno, pa no pa kuuphi süxüve,

BOTHUBO 37:34

Tileno Jacob no pa kuuphi süxüve no yeqhiyephi pa chita lo khapuve eno pa nu ghenguno atsala kutomo mloqae.

KUKAMI ATUGHIU 18:28

Tileno panongu no ighamku eno pano khuaye kiqi lono azütakikihi ngo angu pesü pano phimpi lo aji qoipeghi moke kutolo ghapuku.

KUKAMI ATUGHIU 21:27

Kughou Ahab no atsa tipaqo chilu keno, pa no pa phiküzü süxüve no yeqhiyephi pepusü kümvü eno ighono amlo saqhiyi itsü wuve.

KUKAMI AKINIU 6:30

Kughou akükau no hi chilu keno, pa no aphi süxüve, pa ye aliwo lo che kehu timiqo no jukelo, pa ye yeqhiyephi alou pepu cheghi.

YEKIKITHI ATUGHIU 19:4

Ikehu Hanun no David ghinimiqo küghape amkhümhi miyeve tsü eno panoqo phiküzü achita lono tsathave tsüno puwuve,

ISAIAH 20:2

Ampeu no Amoz nu Isaiah vecheo pi, “O chita lono yeqhiyephi xaqhive eno o pukhukuqho xavelo,” ikehu pa no titoi aphimpi ngo apukhu kümsa shino chewuve.

ISAIAH 3:24

Tsüngqüi keu züqhulo kütsü-küma anani; apokha züqhulo akighi khapu nani; asa pili punike züqhulo boghesho shi nani; aphimini kivi züqhulo yeqhiyephi pepu nani; eno jukivi züqhulo aghüzaku xapu nani.

ISAIAH 37:1

Akükau Hezekiah no ti chilu kemtsa, pa phimini süxüve eno yeqhiyephi pepuve no Ampeu kilo ilove.

JEREMIYA 16:6

Kijemi ngo kitilami ghi ayeghi hipau lono thinani. Panongu ye shiqhomo nani, khunomu pano ghenguno mloqamo nani, momu asa miyemo nani.

JEREMIYA 41:5

Shechem, Shiloh, eno Samaria lono timi lhotache akichimhi miyeve, aphimini ixü, eno aphimpi kihelepe athi kümllagho ngo axokütsüngü pesü achineki lo Ampeu lau ighi.

JEREMIYA 47:5

Gaza no amloiju asa miyevae, Ashkelon ye püghavae. O pano khila lo ghükulumiqo, nongu ye khitohi nongu ampi ghüza anani kea?

JEREMIYA 49:3

“O Heshbon, mloqa lo, kughengu Ai ye pighivae! O Rabbah limiqo, ighamkulo! Yeqhiyephi pepuno aveghüzü shi poiqho poiqi mloqa lo! Kughengu Milcom ye pa chinemi ngo hiyampemi gholono haphe sawuve nani.

EZEKEL 27:31

o ghenguno panoqo no asa miyeve no yeqhiyephi pepuve, eno kukhukimji shi o kümsü qae.

EZEKEL 29:18

“Timi nu, Babylon kükau Nebuchadnezzar no paw ghüshimi pelo akaghashi Tyre mjochile peke. Timi kümtsü kütsüsa miyeve tsü, eno kümtsü bighi kiyisho tsü, ikeghi pa eno paw ghüshimi ye Tyre shou akaghashi mlakeu ghenguno ame tsükepu kiumu ithulumoe.

EZEKEL 7:18

Panongu ye yeqhiyephi pepu luvae, akümsa no panoqo küzü luvae. Panoqo gi lo akukujo likhivae, eno panoqo kümtsü aboghe ishovae.

ACHINE 19:28

Kithimi ghenguno nongu phi ghile kevi momu aphimpi ghipu moni: Ni ye Ampeu ke.

AMUS 8:10

I no now tiqhetini pesü akumlo shivetsü nani eno nongu le kungo pesü amloksa le shivetsü nani; I no yeqhiyephi pesü nongu chita lo khatsü nani eno nongu kütsü lono asa miye khave tsü nani; anu lakhi akeu thive kelo mloqa ketoi shipe nani eno tipau shekuho ye kukhukimji tsala toi nani.

MICAH 1:16

Nongu züküvüpu tianuliqo ghenguno nongu kütsüsa tsave no boghesho shivelo; alhuqu lakhi toi miyeboive lo, kughengu panongu ye nongu launo haphe sawuve nani.

Mark 5:5

Putho pucho pa ye alhokuthu akumo tuki eno naghutoqo lono ighamku eno atu pesü pa ampi ghüza cheke.

Piyeküsü 11:3

I no kükagha pesü I shepemi kini tsüni, eno pama no kumshophi pepusü atsala 1,260 kutolo tungkuptsa sheshu nani.”