JEREMIYA 48:2 - Sumi Naga CL (Re-edited) Bible (BSI)

² Moab jekipi ye kühavae. Aghümi no Heshbon lono Moab kütsave nike kuchughue: ‘Ighilo, ningu shiye hupau kishekhave tsüni!’ O Madmenmi, nongu ghi inaqhoivepe nani; azütakikihi no nongu leighi nani.

BAIBEL (BSI)

² Muab jekipiye kuhave. Aghumino Heshbon khasuluvae eno Muab shiayeh kutsalenike kuchughu ani. Madmen taunye inaqhoivepe nani; aghushimino tipau shou leighi nani.

JEREMIYA 48:2 Iomraidhean Croise

ISAIAH 15:1

Moab ghenguno pimhelu keu tsape. Moab ye pighivae, kughengu Ar ye kijili lakhi lono kütsavae, Moab ye pighivae, kughengu Kir ye kijili lakhi lono kütsavae.

ISAIAH 15:5

Moab ghenguno I mlo iju ani; tilehi timiqo ye Zoar lo, Eglath-shelishiyah lo pokhavae. Mtsüqheino panongu ye qasü Luhith qhe lo iqho cheni; khami no küsakusho küqa shisü Horonaim la lo cheni;

ISAIAH 16:14

Ikemu itehi ye Pa no ishi pivae, “Aqekiqemi no ado kihiche keshi ampe küthü dolono Moab jekipipu ye thoküghapu shive nani, paw timi kütsasa ache keu dolo ghükulumi ye aghulo eno miqemlei kemi likhive nani.”

ISAIAH 25:10

Kughengu Ampeu u no hipau naghuto khe anani, ikemu Moab ye tübatüzü lono aghijini qoda keshi pa-a lono qodave nani.

JEREMIYA 25:15

Ampeu, Israel Lhou no ishi I vilo pi: “I u lono aloghu tsaiji jukhu hi ikhilulo, eno I no khuno shiye lau o puwu ani keno kümtsü no sho pelo.

JEREMIYA 25:17

Ikehu I no Ampeu u lono ajukhu ikhipe Pa no khuno shiye lau I puwu keno tipaqo pije:

JEREMIYA 31:36

“Akikithi hipau no I zülono hauve aye, Ampeu no sheshu, tithiu likhino Israel lagha ye alholo ghenguno shiye kumovae pilu nani.”

JEREMIYA 33:24

“No ye timi hipaqo no, ‘Ampeu ye Pa no kishelu keu lagha kini kilevae,’ pikeu chhejumo keshea? Panongu no Iw timi pipüthavae, ikehu panongu ye pano zülo shiye lakhi kumovae.

JEREMIYA 46:28

O I qeu Jacob, msa kevilo, ipi Ampeu no sheshu, kughengu Ni ye o gholo ani. I no khile o hale puwuve keno, shiye ti kümtsü kütsave nani, ikemu nou ye qhoi kütsamoe. Ni ye kiu gholau nomu o ghime mono qhivemo nani, I no aghibiu lono o sakiyi nani.”

JEREMIYA 48:17

Nongu pa phivilo küami eno pa je ithi akemi kümtsü no pa ghenguno mloqa pilo, ‘Kishino akumto eno ajekipi kükaküsü ye icheve akea?’

JEREMIYA 48:42

Moab ye kütsaleve eno ashiaye achekeu kühavae nani, kughengu pa no Ampeu hebide ghi pa sheqhe ke.

JEREMIYA 48:45

“Heshbon kicheqho lo akemi kupokichemi no aküka kühave, kughengu Heshbon lo ami ipeghi, Sihon ki lono ami iqü ipeghive; tino Moab kishe pitive tsü; qheza chekemi kütsüqa ghuleve tsüe.

JEREMIYA 49:3

“O Heshbon, mloqa lo, kughengu Ai ye pighivae! O Rabbah limiqo, ighamkulo! Yeqhiyephi pepuno aveghüzü shi poiqho poiqi mloqa lo! Kughengu Milcom ye pa chinemi ngo hiyampemi gholono haphe sawuve nani.

JEREMIYA 49:37

Elammi mjoche kemi eno pano küxü phuche kemi zülono I no panoqo kütsaqhi nani. I xukighide lono I no Elammi kütsale nani eno panoqo pühave moke kutolo panoqo shou azütakikihi puwu nani.

AKIKIHI 32:37

Reubenmi no Heshbon, Elealeh, Kiriathaim,