JEREMIYA 48:12 - Sumi Naga CL (Re-edited) Bible (BSI)

¹² “Tighenguno julo, I no timiqo puwu no pa lepheve, eno pa bohuqo kümsa shi peleve tsüno kubole pinyive tsüni keu tsala cheni.

BAIBEL (BSI)

¹² “Ikehu itehiye ino timi puwu puzu atsayiji toi Muab peleve nikeu ghuloki cheni. Timino tipau jibohu lephepe kumsa shiveno tipaqo kubolepinyive nani.

JEREMIYA 48:12 Iomraidhean Croise

LESHELE 2:9

Nono ayiküsü pesü panoqo ghaqhi nani eno ayeghi li kuboke toi panoqo vepho pinyi nani.”

ISAIAH 16:2

Apüsü lono haleve keu ghau toi, Moabmi ye Arnon ghoki lo ani.

ISAIAH 30:14

tino ilaqi keu ye ayeghi li lakhi vepho pinyive keshi nani, ti ye atachu shikhave kehu amibalu pelu kepu momu azü shophelu kepu qhemi litsa ghi aghi move nani.”

JEREMIYA 14:3

Liw ghenimi no aqemi hape azü phuwu; panongu no azü tughuko lo ighi; ikemu azü phumlae; pano zübohu kümsa pechile ighi; panongu ye akukujo no akümza qhiyive eno pano kütsü nhaluve.

JEREMIYA 19:10

“Tileno o gholo sawu keqo nhethe lono akülabo hepholo,

JEREMIYA 25:34

“Mlo lo, nongu ambekhemi, ighamku lo, ayevu lo ihilo, nongu aloji mpemiqo, kughengu nongu ghiqhive eno kutholeni keu tsala ighivae, nongu ye ayeghi li kivi vepho ketoi iluqive nani.

JEREMIYA 25:9

julo, I no ahuu shiayeqo eno Babylon kükau I qeu Nebuchadnezzar kunani, ipi Ampeu no sheshu, I no panoqo sawo ayeghi hipau lo küxümi eno tipau hokümxa lo shiye akeqo mjochile nani. I no qhoi panoqo kütsaleve no panongu pesü aküighüpu, atichepu, eno pülhapuju ghenguno pighive tsü nani.

JEREMIYA 48:11

“Moab ye alhothe lono iqüghai acheni eno süküghütha jumphi; pa ye abohu lakhi lono lakhiu lo lekiqeve mphi, momu haphe sawuve jumphie; ikehu paw chukivi ye atho aphi eno pa xo ye kilive mphie.

JEREMIYA 48:13

Tishino Israelmi no Bethel lhou shou pükhübe chekeu jupe kujove ketoi Moab ye Chemosh jupe kujove nani.

JEREMIYA 48:15

Moab ngo paw mishighünaqo ghikiqhiu ye ighivae, eno tile lhothemi kishekiphe likhi ghiqhilevae, ipi Akükau, aqokitikhi MPEU no sheshu.

JEREMIYA 48:38

Moab lo aki kütsüqa eno alaghila kümtsü lo akumlo likhivae kughengu khunomu lunishimo keu yeghi li lakhi toi I no Moab kubolevae, Ampeu no sheshu.

JEREMIYA 48:8

Ghikiqhiu no aphughi kümtsü shou ighi nani, eno lakhimu pokamla nani. Akhila ye püghave nani eno aqa yeghi ghi püghave nani; Ampeu no pivae.

NAHUM 2:2

Kughengu Ampeu no Israel kükanguagha toi keu Jacob kükanguagha tsüchile ani, kughengu küpkami no panongu xulepuwuve eno pano lokaqo kütsave tsüe.