JEREMIYA 47:2 - Sumi Naga CL (Re-edited) Bible (BSI)

² “Ampeu no ishi piani: Julo, ahuu no azü ithu cheni, tino züqo ghoki ilhouve nani; tino ayeghi eno tile akeu eno mishighüna lo xüküami kümtsü yimive nanie. Timiqo no ighamku nani, ayeghi lo küxümi no ighaqa nani.

BAIBEL (BSI)

² “Julo! Ahuu azu ipechenike eno zuqo ghoki lakhi toi qowu chenike. Panonguno ayeghi ngo tile akeu, aphughiqo eno tile akemiqo kumtsu nhaluve nani. Timiqono kuphupe nike ku nani; ayeghilo timi kumtsuno amlo itapinyi igha qa nani.

JEREMIYA 47:2 Iomraidhean Croise

LESHELE 24:1

Ayeghi eno tipau lo akeu kümtsü Ampeuw ke, ayeghiqha eno tile küxümi ghi Paw ke,

LESHELE 50:12

“Tsala I no müzüthi aye, Ni ye o vilo pini chemoe, kughengu ayeghiqha eno tile akeu kümtsü Iw ke.

LESHELE 96:11

Kungugha pelo aloqilu pelo, atsütsü pelo alovilu pelo; azüghi eno tile lhoxü akeqo kümtsü pelo ighamku pelo;

LESHELE 98:7

Azüghi eno tile lhoxü akeqo kümtsü pelo igha pelo; ayeghiqha eno tile xü akeqo kümtsü pelo igha pelo!

ISAIAH 14:31

Mloqa lo, O khagho, ighamku lo, O aphughi; Philistiami kümtsü no akümsa lono akhonhe küghalo! Kughengu ahuu no akuqhu phoboi cheae, eno tile anisüu ye lakhimu chemoe.

ISAIAH 15:8

Aküqa no Moab yeghi küzüvae; Li no ighaqa keu no Eglaim eno Beer-elim kutolo chilu ani.

ISAIAH 22:1

Kungunhetsü Khila ghenguno pimhelu keu tsape. Kiu ghenguno nongu mishighüna lo küami ye iku aki kütsüqa lono

ISAIAH 28:17

I no kuchou xakütha pesü akimghipu kighi shi nani, achipiu mikucho pesü akimghipu tu shi nani; akimki sükusho-a ye mürasü no jole sawuve no atshünazü no akicheqho-a yimive nani.”

ISAIAH 59:19

Tishikeu lono kulolaumi no Ampeu je sümsa nani; eno khetsünhe kipelaumi no Pa juküvü sümsa nani; kughengu Ampeu mülhü no fukucho kelo, aghoki no iqhaighu qoiqi aketoi Pa ye ighi nani.

JEREMIYA 1:14

Ikehu Ampeu no I vilo pi, “Ahuu no kütsakungo keu ayeghi hipau lo küghüna akemi shou ikughi nani.

JEREMIYA 46:12

Shiyeqo no nongu kukujo chiluvae, no ghügha no ayeghiqha chhitoivae; kughengu ghüshimi no ghüshimi shou küpxa ikue; eno pama kinikujo ikiqike.”

JEREMIYA 46:13

Babylon kükau Nebuchadnezzar no Egypt kütsani ke chekeu vehu, Ampeu no tungkupu Jeremiah vilo pi:

JEREMIYA 46:20

“Egypt ye amshiti jukivi lakhi, ikemu ahuu no khaumiyi no pa shou ikughivae.

JEREMIYA 46:24

Egypt ngaqo ye shikujove nani; Li ye ahuu no ighi kemi u lo phesüve tsü nani.”

JEREMIYA 48:39

Kishita kuboleve akelae! Panongu no kishita mloqa ani kelae! Moab ye thoghavae! Ti ye pa sümxape akeqo zülo aküighüpu eno akümsapu shivae.”

JEREMIYA 6:22

Ampeu no ishi piani: “Julo, ahuu ghakhu lono timi mqo lakhi cheni, ayeghi sheshu lono shiye kije lakhi xukutho puthu ani.

JEREMIYA 8:16

“Dan lono khurshiqo no igha keu chilu ani; panongu no ngosü mlano akeu sütsa no ayeghi süküghütha ani. Panongu no mishighüna lo ighi no ayeghi eno tile küakini akeu püghave tsüae.

DANIEL 11:22

Ghüshimi eno puloshoqhi kükapuu ghi pa zülono qhoi joleve eno kütsave nani.

NAHUM 1:8

Ikemu Pa no züqozü kije pesü aghümi qhoi kishekhave tsü nani, Pa ghümi hasü aküzü lo ilo nani.

1 Kor. 10:26

Kughengu “Ayeghi eno tile akeu kümtsü Ampeuw ke.”

1 Kor. 10:28

Ikemu khuana no o vilo “Hi ye ajulho mllave keue,” ipi aye, khuu no o vilo pi keno, pa ghenguno eno kiviküsa lotsü ghenguno chu kevilo—

James 5:1

Nongu kinimiqo, itehi inilo, Nongu shou amlo kighishipu chekeu ghenguno ighamku qalo!

Piyeküsü 17:1

Tileno kungumi tsüni khunoqo u lo abohu tsüni akeno tipaqo gholo lakhi no ighi no I vilo pi, “Ighilo, kütüqhaliu khuu aghoki kutomo shou iqa ani keno, li shou küghatha keu I no o piyeni,

Piyeküsü 17:15

Kungumi huno I vilo pi, “Aghoki khipaqo shou kütüqhaliu no iqa akeu nono ithulu püa keno tipaqo ye timi aqokitikhi, shiye eno atsa jeliqo ke.