JEREMIYA 46:27 - Sumi Naga CL (Re-edited) Bible (BSI)

²⁷ “Ikemu O I qeu Jacob, msa kevilo, O Israel, aghüthisü kevilo, kughengu nongu no aghacheu akughu shi ake lono, I no nongu eno nongu polo kiqimi xaphelu nani. Jacob ye ideighi no iqünhei eno ililai xünani, eno khumu pa shikümsa monani.

BAIBEL (BSI)

²⁷ “Iwu timiqo, musa kevilo, Israil lo akemiqo, musa khokhoshi kevilo. Nonguno khipa yeghilo akughumi shiani keno, ino tipano yeghi alakushuwa lono nongu lekholuve nani. Nonguno aghakhulo ide ighi nani eno iqunei xuluve nani; nonguye sushokulu anani eno khunomu nongu shikumsamo nani.

JEREMIYA 46:27 Iomraidhean Croise

ISAIAH 14:3

Nongu ghime eno anguka lono nongu pelo akaghashi mlaithape chekeu lono kughou Ampeu no nongu kulhoqhi tsüni keno,

ISAIAH 43:1

Ikemu itehi ye Ampeu no ishi piani, Pa no o lhoke, O Jacob, Pa no o koghe mla tsüe, O Israel: “Msa kevilo, kughengu I no o xaphe luvae; I no o je ku ghi o kuluvae, no ye Iw.

ISAIAH 43:5

Msa kevilo, Ni ye o gholo ani; I no kipelau no o tikughuko saghi nani, eno kulolau no nongu hekütsü saghi nani.

ISAIAH 44:1

“Itehi inilo, O I qeu Jacob, I no kisheluve keu Israel!

ISAIAH 44:2

O lhokeu Ampeu, khuu no atita lono o lho eno o kuphu nani keno Pa no ishi piani: O I qeu Jacob, msa kevilo, I no kisheluve keu Jeshurun.

JEREMIYA 23:6

Pa ghuloki lono Judah xaluve nani, eno Israel ye sükusho lono xünani. Pa je hipau ku nani: ‘Ampeu ye niw achipiu mikucho.’

JEREMIYA 29:14

nongu no I phulu nani, Ampeu no sheshu, eno I no nongu kinigha tsüchile nani eno I no khile nongu hapuwuve keno shiye kümtsü eno a-a kümtsü lono nongu sawo kumqo nani, ipi Ampeu no sheshu, I no a-a khipau lono nongu akughu lo puwuve keno tipa-a lo sachile saghi nani.

JEREMIYA 32:37

Julo, I no I mlokighide, I loghu eno axukighide lono hapupove keqo aghakhu kümtsü lono xukumqo nani, eno I no panongu pelo sükusho lono xülupe nani.

JEREMIYA 33:16

Tipa tsala lo Judah ye xaluve nani, eno Jerusalem ye sükusho lono xülu nani. Aje hipau pe ishi ku nani: ‘Ampeu ye ni chipiu mikuchoe.’

JEREMIYA 50:19

I no atsüni kümtsha-a pesü Israel tsüchile nani, panongu no Carmel ngo Bashan lo pekighi chuqupu chu nani eno panongu no chunishi ke thaqhü Ephraim ngo Gilead lono chulu nani.

JEREMIYA 51:46

Aghakhu lo uyeu tsa chilu kelo, hipa mpe lo küta tokuu küta chilu kelo, heqhi buqhi keu, yepemi lakhino lakhi sasü aghü shikeu tsa chilu kelo o mlo hauve kevi momu msa kevilo.

EZEKEL 16:53

“I no panoqo ngukümgha tsüchile nani, Sodom ngo li ngaqo ngukümgha eno Samaria ngo li ngaqo ngukümgha ghi athoputho tsü nani, eno I no panoqo gholono o ngukümgha ghi athoputho tsü nani,

EZEKEL 36:24

I no shiyeqo launo nongu salu nani eno aghakhu kümtsü lono nongu hekütsü no nongu yeghi lo saighi nani.

EZEKEL 39:25

“Tighenguno Ampeu Alhou no ishi piani: Itehi ye I no Israel ngukümgha athoputho tsüni eno Israel kibolomi kümtsü kimiyeqhiyi eno I je kimthe süshoni.

AMUS 9:14

I no Iw timi Israelmi küakini tsüchile nani, pighive keu phughiqo panongu no shikithe no tile xü nani; atsailu chi no tipau tsaizü sho nani, aghutu shino tipa xathi chu nani.