JEREMIYA 46:2 - Sumi Naga CL (Re-edited) Bible (BSI)

² Egypt ghenguno: Egypt kükau Pharaoh Necow ghüshimi Carchemish lo Euphrates ghoki phivilo ngo akemi khunoqo Babylon kükau Nebuchadnezzar no Josiah nu, Judah kükau Jehoiakim yepe mpe abidiu shiake lono leve keno tipaqo ghenguno:

BAIBEL (BSI)

² Ijip ghenguno, Ijip kukau Neko ghushimi ghili pano hipau pike, tipaqoye Babilon kukau Nebukadnezar no Karkhemish a lono leluveke, tiye Eufrati ghoki kupunu lono ke eno tiye Jehoiakim no Juda lo akukau shikeu ampe abidiu shi ake lono ke.

JEREMIYA 46:2 Iomraidhean Croise

KUKAMI AKINIU 18:21

Nono itehi Egypt, aküsü icheve keu, shou pükhü ani, ikemu khuu no pa mungu keno, tino pa u lo qhusüve tsü nani. Egypt kükau Pharaoh ye timi khuu no pa shou pükhü keno, tipau lau hitoi shi nani.

KUKAMI AKINIU 23:29

Pa ghuloki lono Egypt kükau Pharaoh Neco no Assyria kükau lau Euphrates ghoki lo iqhoe. Akükau Josiah no pa sasü aghü shinike wukelo Pharaoh Neco no Megiddo lono pa ithulu kemtsa pithive.

KUKAMI AKINIU 23:33

Pharaoh Neco no pa küghape Hamath yeghi lo Riblah lo qhive, tishikeu lono pa ye Jerusalem lo ayepu mlave, eno ampe lo ghükayi ahu 3,400 eno ameshoyi ahu 34 ishi sükusho zame tsüuve.

KUKAMI AKINIU 24:7

Eno Egypt kükau ye khilemu pa yeghi hechesü aghü lo wumove, kughengu Egypt kükau no qhasüpe ache keu kümtsü, Euphrates ghoki lono Egypt yeghi ahuu alughi kutolo Babylon kükau no luvetsü.

ISAIAH 10:9

Calno ye Carchemish toike kumo? Hamath no Arpad toi, Samaria no Damascus toike kumo keshea?

ISAIAH 19:1

Egypt ghenguno pimhelu keu tsape. Julo, Ampeu ye khüngküsü kümthü shou no Egypt lo cheni, Egypt lo ajulhoqo no Pa zülo thüthüshi nani, eno Egyptmi mlo ye hauve nani.

ISAIAH 19:19

Tipa tsala lo Egypt yeghi mta lono akiptia lakhi, eno alughi lono atu tsükucho lakhi, Ampeu lau mlatsü keu anani.

JEREMIYA 25:1

Josiah nu Judah kükau Jehoiakim yepe mpe abidiu lo Judah lo timiqo ghenguno Ampeu tsa Jeremiah lau ighi, (ti ye Babylon kükau Nebuchadnezzar yepe mpe atüghüu lono),

JEREMIYA 25:19

Egyptmi kükau Pharaoh qemi, hiyampemi eno paw timi kümtsü,

JEREMIYA 25:9

julo, I no ahuu shiayeqo eno Babylon kükau I qeu Nebuchadnezzar kunani, ipi Ampeu no sheshu, I no panoqo sawo ayeghi hipau lo küxümi eno tipau hokümxa lo shiye akeqo mjochile nani. I no qhoi panoqo kütsaleve no panongu pesü aküighüpu, atichepu, eno pülhapuju ghenguno pighive tsü nani.

JEREMIYA 36:1

Josiah nu Jehoiakim, Judah kükau yepe mpe abidiu lo Ampeu tsa Jeremiah lau ighi:

JEREMIYA 43:11

Pa no ighi no Egypt leluve nani, eno püsa no ghaveni kemi no püsa lono thive nani, akughu lono thini kemi no akughu, azütakikihi lono thini kemi no azütakikihi tsüve nani.

JEREMIYA 45:1

Josiah nu, Judah kükau Jehoiakim yepe mpe abidiu lo tungkupu Jeremiah no Neriah nu Baruch lau shetsü no Baruch pelo atsa hipaqo yekithipe:

JEREMIYA 46:14

“Egypt eno Migdol lo sheshulo; Memphis ngo Tahpanhes lo sheshulo; pilo, ‘Puthugho no kutope khelo, kughengu azütakikihi no nongu homxa kütsa nani.’