JEREMIYA 46:14 - Sumi Naga CL (Re-edited) Bible (BSI)

¹⁴ “Egypt eno Migdol lo sheshulo; Memphis ngo Tahpanhes lo sheshulo; pilo, ‘Puthugho no kutope khelo, kughengu azütakikihi no nongu homxa kütsa nani.’

BAIBEL (BSI)

¹⁴ “Ijip lo taunqo lo hipau pesu asheshulo, Migdol ngo Memfi ngo Taxpanhes lo: ‘Nolikhi noshokhalu kepushi kutolulo; nonguno aghikeu kumtsu aghukishi lono kutsaleve nani.

JEREMIYA 46:14 Iomraidhean Croise

SAMUEL AKINIU 2:26

Tithiu Abner no Joab ku, “Azütakikihi ye alhokuthu ghiqhilu acheni keshea? Ashekha loye kukhukimji shi nani pi mtha keshea? Ow timiqo pelo panoqo thiküzümi hasü chekeu lono tsüghüve penike pimono ado khitohi anani kea?”

IPEKULU 14:2

“Israelmi vilo idewo Pi-hahiroth zülo aghazü shilo pilo, ti ye Migdol ngo azüghi küma dolo Baal-zephon kupunu loke; nongu ye azüghi phivilo tipau küdau jupuwu ghi aghazü shilo.

ISAIAH 1:20

ikemu nongu no milive no hebide aye, nongu ye ghüyi lono wove nani; kughengu Ampeu kichi lono piqhivae.”

ISAIAH 19:13

Zoan yepemi ye aghüzü shivae, Memphis tomi ye pishiqhivae; khunoqo no Egyptmi ghütsüghi shi ani keno tipaqo no li sabidevae.

ISAIAH 31:8

“Eno Assyria ye timiw kumokeu zütakikihi lono ikiqi thive nani; ghüshimi no aghü zülono pove nani, lhothemi ye aqüaxe lo süve nani.

ISAIAH 34:6

Ampeu zütakikihi ye ambe ngo ane ji eno anetsü michilothi lo atha akeu no küzülu khavae. Ti ye Pa no Bozrah lo aghashi keu, Edom lo zaghishi kütsake lonoe.

JEREMIYA 12:12

Asayeqha lo asa itsümo keu toghi shou kütsaveni kemi ighivae, kughengu Ampeu zütakikihi no ayeghi halau no halau kutolo leno khumu iqüghai mla nani.

JEREMIYA 2:16

Itaghi Memphis ngo Tahpanhes timi no o boghe kubove tsüae.

JEREMIYA 2:30

Ni ye adou lono no tianuliqo heqhivae; panongu no shikithe kütsü ikhilu tsümoe; abongshuu yiküsa toi nongu züta no now tungkupmi ghiqhivae.

JEREMIYA 44:1

Egypt yeghi lo Migdol, Tahpanhes, Memphis, eno Pathros lo Judah timi akeqo ghenguno Jeremiah lau atsa ighi,

JEREMIYA 46:10

Tipa tsalani ye aqokitikhi MPEU tsala, Pa ghümi shou amkhü luni keu, amkhükulu tsala ke. Azütakikihi no aghaqilu moke kutolo aji pele eno tsüye nani. Kughengu ahuu Euphrates ghoki lono aqokitikhi MPEU no aghakishi shiani.

JEREMIYA 46:19

Akughu lo wu kepushi aghili kutolo O Egypt lo küxümiqo! Kughengu Memphis ye kütsave no ixapinyi küghüna moae.

JEREMIYA 46:2

Egypt ghenguno: Egypt kükau Pharaoh Necow ghüshimi Carchemish lo Euphrates ghoki phivilo ngo akemi khunoqo Babylon kükau Nebuchadnezzar no Josiah nu, Judah kükau Jehoiakim yepe mpe abidiu shiake lono leve keno tipaqo ghenguno:

EZEKEL 21:28

“Timi nu, no ye tungkuptsa pilo, Ampeu Alhou no Ammonmi ghenguno eno panow küthakügha ghenguno ishi piani pilo; Azütakikihi, azütakikihi ye ghiqhini ke ghenguno süjophevae. Ti ye ghiqhini ke ghenguno ilomphui shipe ani eno tsütsüpha kukulo toi kulo ani,

EZEKEL 30:13

“Ampeu Alhou no ishi piani: “I no ajulhoqo kütsave nani eno Memphis julhoqo kishekhave tsü nani; Egypt yeghi lo kükapuu kühave nani; ikehu I no Egypt yeghi lo akümsa süve tsü nani.

HOSIYA 9:6

Kughengu panoqo ye kütsakungo keu lono pochea kemu Egypt no panongu hekütsü nani; Memphis no pano shiqho nani. Apüghübo no panow akughupu ghükayi thime luve nani; pano phiki lono asahubo ipeghive nani.

NAHUM 2:13

Aqokitikhi Mpeu no sheshu, Julo, Ni ye o mjochile ani, eno I no ow khurkuluqo pitileve tsü nani, eno azütakikihi no ow abongshuu lhotheqo kütsave nani. Nono xulepughi keu I no ayeghi lono pühave tsü nani, eno o ghinimi sütsa ye khilemu chilu kithe move nani.

ZAKINIU 32:42

I piji no ajih shomzüpe nani, I zütakikihi no ashi chupe nani asa kushuo kupumi aghümi ghiqhive kemi, eno küghaluve kemi jih shou tishipe nani.