JEREMIYA 44:25 - Sumi Naga CL (Re-edited) Bible (BSI)

²⁵ Aqokitikhi MPEU, Israel Lhou no ishi piani: Nongu eno nongu nipuqo no shuphe no tishi mlave keu lono ishi pikeu shikupuvae, ‘Ningu ye mtsüqheino, atsütsü kükaliu lau akümllagho tsü nani eno li lau atsaiji kümllagho tsü nani.’ Ikehu nongu shoqhi shikupuve lo!

BAIBEL (BSI)

²⁵ Aqokitikhi MPEU, Israil Lhou no pianike: Nongu eno nonipunoqono Atsutsu Kukaliu lau iquighai keu shoqhi shipe puanike. Nonguno li lau akumllagho tsunikeu eno aji pesu akumllagho shi li lau leqhitsu nikeu tushoqhike eno nonguye ashoqhi tipau pelu acheni. Ighono alovae! Tishi nongu shoqhi pechelo! Nochine shoqhi tipau shiachelo!

JEREMIYA 44:25 Iomraidhean Croise

JOB 34:22

Alhoksa kümlami no itshülu kepu-a züchiyi keu momu aküzü kutho khilehi mu kühae.

ISAIAH 28:15

Nongu no pike, “Ningu ye akithi sasü puloshoqhi shivae, eno Kithigha sasü puloküqhavae, aghümi no züqozü toi yimi ighimu nino akimki eno pishikiqhi lono sükusho qholo ngove akeke ningu shou kiumu shilumo nani”;

JEREMIYA 32:29

Chaldeami no mishighüna hipau sasü aghüshi akelo ighi no ami süvetsü nani, eno aki khipaqo kütsüqa lono Baal lau akümllagho leqhitsü eno kütau lhouqo lau atsaiji kümllagho tsükeu lono I mlo shikighide cheni keno ti kümtsü pitive nani.

EZEKEL 20:39

“O Israel kibolomi, nongu ghenguno Ampeu Alhou no ishi piani: Tsala nongu no itehi eno ishi nguno alau I tsa inimo aye, wulo eno nongu lakhikhi no pütüta sü-atu julho qelo; ikemu now agho ngo nongu sü-atu julho vecheo I je kimthe shipünha monani.

MATTHEW 14:9

Akükau ye pa mlo lo akipimi shive, ikemu pa shoqhi eno kuküsümi ghenguno pa no tishi penike azah tsüve.

Jude 1:13

azüghi zü fukukucho no pano kukujopu fukighide aketoi; itsükiche yepuqo toi, pano ghenguno aküzü kutho lo alhokupuju ghenguno a-a kutope qhipüani.