JEREMIYA 44:17 - Sumi Naga CL (Re-edited) Bible (BSI)

¹⁷ Ikemu ningu ye nino tushoqhive keu shi nani, atsütsü kükaliu lau akümllagho tsü nani, eno Judah ngo Jerusalem laghila lo ningu eno ni puasüqo, niw kükami ngo hiyampemi no shiche ketoi atsaiji kümllagho pesü li tsü nani. Kughengu ningu ye achuqupu no kupukuno eno kinikülü shino aküpüna kiumu ithumlano acheke.

BAIBEL (BSI)

¹⁷ Ninguno kiu shiniepi pivea keno tipau kumtsu ninguno shi nanike. Ninguno nilhouliu, Atsutsu Kukaliu lau akumllagho pesu tsua nani; eno ninguno li lau aji pesu akumllagho shi leqhi tsu nani, tiye ninguno eno nipuasuqono eno nikukauno eno niwu sakiphemino Juda lo taun akeqolo eno Jerusalem laghilalo shicheke tho ninguno shi nani. Tishiche keu lono ninguye achuqupu kupukunoshi acheke, ninguye kinikulushi cheke eno akupuna kiumu kuhake.

JEREMIYA 44:17 Iomraidhean Croise

KUKAMI AKINIU 17:16

Panongu no Ampeu pano Lhou zakütsü kümtsü pheve, eno pano sala ayi no amshiti julho kini mlape qhi; panongu no Asherah mla no atsütsü lo ayepuqo mlla eno Baal huthu.

KUKAMI AKINIU 22:17

Kughengu panongu no I milive eno pano kümla vecheo I mlo shikighide tsüniye kütau lhouqo lau akümllagho tsüke, tighenguno I loghu ye a-a hipau shou ikughi nani eno ti ye iqüvemo nani.

YEKIKITHI AKINIU 28:23

Kughengu pa no Syriami khunoqo pa shou toluve keno tipaqo lhou lau aghakishi kümllagho tsüuve eno pi, “Syria lhouqo no Syria kükami kuphu tsü kehu I no tipaqo lau aghakishi kümllagho mllani, tishikeu lono ni ghi kuphu peni.” Ikemu tipaqo ghenguno pa shou eno Israelmi shou kütsakungo süghi.

NEHEMIA 9:34

Niw kükami, sakiphemi, achinemi, eno apuasüqo no O yezah papemo, O zakütsü lo amlo tsümo, eno ghutu keu tsa ini tsümoe.

LESHELE 106:6

Ningu eno ningu puasüqo ghi axine shivae; ningu ye akipimi shivae; ningu ye küsakügha shivae.

LESHELE 12:4

“Ningu mili vecheo nino toluve nani, ni kichi no ni gholo ani; ni shou ampeu ye khuu kea?”

IPEKULU 16:3

eno Israelmi no pama vilo pi, “Egypt yeghi lo nino ashi kulholiqo phivilo iqa no aghakiqi shi achuqupu chuche kelono Ampeu u lonomu thive keu pavini cheke, kughengu nokujo no ni sasü asayeqha hipau lo ighi no Israelmi qoaho kümtsü akhüava lono pithiveni ye shi anike.”

ISAIAH 48:5

I no khaghino nongu vilo pike, tipaqo shimphi lono I no nongu vilo pike, ti ye nongu pelo ishi pipemo niye ke, ‘I julho no hipau shike, I süatu julho eno ayi julho no azah tsüke.’

JEREMIYA 1:16

I pheve keu kümla lhoksa kümtsü ghenguno I no panongu mjochile keu tsakükügha shupheni. Panongu no akümllagho pesü alhou kütau tsüno panongu u no mla keqo mllauve ke.

JEREMIYA 11:12

Tileno Judah lo mishighünaqo eno Jerusalem lo küxümi no pano kümllagho tsü chekeu lhou lau ighamku nani, ikemu pano veküsa ghuloki lo tipaqo ye pano xalumo nani.

JEREMIYA 18:15

Ikemu Iw timiqo ye I kümsümavae; panongu no kichile lhou lau akümllagho tsüuve ke; tino mulhou laghi, panongu no cheche keu lo küpxalu pe, eno panongu pelo alaghila lo kumono alaphe lono püla pe,

JEREMIYA 19:13

Jerusalem ngo Judah kükami kiboqo eno aki khijeno akütsüqa lono akümllagho pe aqhi ayepu mllauve, eno atsaiji kümllagho pesü kütau lhouqo lau lephetsü keno, kümtsü Topheth toi kitiqevae.’”

JEREMIYA 44:21

“Judah ngo Jerusalem laghila lo nongu eno no puasüqo, now kükami ngo hiyampemi, eno aghakhu lo timiqo no akümllagho tsükeqo Ampeu ye kümsülu tsüke kumo? Ti ye Pa kükümsü lo ighi move keshea?

JEREMIYA 44:25

Aqokitikhi MPEU, Israel Lhou no ishi piani: Nongu eno nongu nipuqo no shuphe no tishi mlave keu lono ishi pikeu shikupuvae, ‘Ningu ye mtsüqheino, atsütsü kükaliu lau akümllagho tsü nani eno li lau atsaiji kümllagho tsü nani.’ Ikehu nongu shoqhi shikupuve lo!

JEREMIYA 44:9

No puasüqo, Judah kükami ngo pano nipuqo, nongu eno nongu nipuqo no Jerusalem laghila lo eno Judah ghakhu lo kixikila kümla shikeu nongu ye kümsümave akeshea?

JEREMIYA 7:17

No ye panongu no Judah mishighünaqo lo eno Jerusalem laghila lo kiu shi ani keno ithulu anima?

JEREMIYA 7:18

Atianuliqo no asü kiche cheni, apu noqo no ami shi ani, eno topumiqo no asho kunu ani, atsütsü kükaliu ghenguno mülüike sho mla ani. Panongu no I mlo shikighide tsüniye kütau lhouqo lau atsaizü kümllagho lephe ani.

EZEKEL 20:32

“Nongu kükümsü lo, ‘Ningu ghi shiye kütami toi shini, aghakhuqo lo ashiayeqo toi shini eno asü ngo atu mllani nolo’ ipikeu kükümsü ye khilemu shilumo nani.

EZEKEL 20:8

Ikemu panongu no I lachile ghi hebide eno I tsa chiluni keu pulo move. Panongu khumu pano nhethi ghapiqilu chekeu aphikümqhüpu jeli pevemoe, momu Egypt süatu julhoqo phevemoe. “Tileno I no pi, Ni ye I loghu panoqo shou lepukuni eno Egypt yeghi lono I mlokighide panoqo shou pukuni.

EZEKEL 23:41

Nokujo no amekusho lakhü lo iqae, tipau zülo aghulhu lüpa qhi eno tipau shou Iw axokütsüngü ngo Iw thazü ghope qhike.

EZEKEL 8:16

Pa no Ampeu kilo achebo alou I sailo. Eno julo, Ampeu chineki kulaghi lo akisheqho ngo akümlla-khache küma dolo timi pano muku pungu-a toike aghi, ti ye Ampeu chineki ye panongu zübou shive eno panoqo gi no kipela küdau shive no kipelau khetsünhe mlla aghi.

HABAKUK 1:16

Ikehu pa no aghakishi pesü pa khame tsü eno akümllagho pesü ghokütsü keu khame tsüe; kughengu tipaqo vecheo pa ye tule-pele xüani, eno pa chuqupu ye nibonilei anie.

AKIKIHI 30:12

Ikemu li kimi no chiluke tsalani no li shoqhi lakha aye, li kichi lono piqhi püakeu shoqhi kümtsü avehu kühavae. Li kimi no tipaqo lakhave ke Ampeu no li kipimi qhivetsü nani.

AKIKIHI 30:2

Kughou timi lakhi no Ampeu lau ashoqhi shini, momu pa ampi lau akütsügha shoqhi shini keno, pa ye pa shoqhi kubove moni, ikemu pa kichi lono pikeu kiqi lono thokha papeni.

Mark 6:26

Akükau ye shishe amlosave, ikemu pa shoqhi ngo kuküsümi ghenguno pa ye li lau atsa piqhive keu hephoni shimove.

ZAKINIU 23:23

Kiu pive akeno shinike kutokupui lo, kughengu nongu kutoshi no Ampeu lau piqhive ake.

FILIPIAMI 3:19

Panongu ye kütsakungo keu no asheho nani, panongu kive huno pano lhou, eno ayeghi lo thime shou kümsü puku anipi panongu ye akukujopu pesü akijivile cheni.

1 Peter 1:18

kughengu nongu ye no puasüqo launo ighilu keu ameküküha laghi lono xaphelu kepi ithi ani, ti ye pühave kepu thime ameshoyi momu ghükayi pesü kumoe,

XAKUTHAMI 11:36

Li no pa vilo pi, “I pu, nono Ampeu lau o kichi xükhove ake piveke toi shivelo, kughengu Ampeu no o ghümi Ammonmi lau amkhü luve tsüae.”