JEREMIYA 44:15 - Sumi Naga CL (Re-edited) Bible (BSI)

¹⁵ Tile timi khijeno pano nipuqo no akümllagho pesü kütau lhouqo tsü chekeu ithi akeno, eno totimi puthugho akeqo ngo Egypt yeghi lo Pathros lo küxümi, aqo kije kuho kumqo akeqo kümtsü no Jeremiah khochile:

BAIBEL (BSI)

¹⁵ Tileno timi khijeno panoqo nipuno akumllagho pesu kutau lhouqo lau tsuchekeu ithi akeno eno totimi tile puthugho akeqo kumtsu, aqo kije kuhokumqo ake, tipaqo gholo Ijip Apeu Israilmi ache keqo kumtsuno ivilo pike,

JEREMIYA 44:15 Iomraidhean Croise

BOTHUBO 19:4

Ikemu panongu no zühu mphi lono mishighüna lo kiptimi, Sodom kiptimiqo, apumi eno muchomi, timi kümtsü no aki süho luve.

NEHEMIA 13:26

Israelmi kükau Solomon pelo axine shivepe keu ye inaghami totimi no ke kumo keshea? Shiye kutomo dolo ghi, akükau pa toike kühae eno pa ye Alhou no kimiye kütü kehu Alhou no pa pesü Israelmi kümtsü shou akükau shipe ke. Ikeghi inalimi totimi no pa thotsü axine shivepe.

AHOLE 11:21

Alhoksami ye ghime movemla kepi thebei ithilo, ikemu amikuchomi tianuli ye xaphe luve nani.

ISAIAH 1:5

Kushiye nongu heqhi apeni kea? Nongu ye kushiye hebide auveni kea? Azaku no akütsü kuchopu sü ani, eno amlo no pumhomoivae.

ISAIAH 48:5

I no khaghino nongu vilo pike, tipaqo shimphi lono I no nongu vilo pike, ti ye nongu pelo ishi pipemo niye ke, ‘I julho no hipau shike, I süatu julho eno ayi julho no azah tsüke.’

JEREMIYA 44:1

Egypt yeghi lo Migdol, Tahpanhes, Memphis, eno Pathros lo Judah timi akeqo ghenguno Jeremiah lau atsa ighi,

JEREMIYA 44:19

Ikelo totimiqo ghi pi, “Nino atsütsü kükaliu lau akümllagho eno atsaiji kümllagho tsü kelo ningu ye ni kimiqo launo puloza lumono li ju kimihi lono asho kunupe li tsü eno atsaiji kümllagho pesü li tsü küghashi keshea?”

JEREMIYA 44:24

Jeremiah no itaghi timi kümtsü eno totimi akeqo kümtsü vilo pi, “Nongu Judahmi Egypt yeghi lo akeqo, Ampeu tsa inilo.

EZEKEL 29:14

I no Egypt ngukümgha tsüchile nani eno Pathros yeghi, panow hukuthu yeghi lo, panoqo sachile saghi nani, eno tilau no panongu ye miqemleike kükaqha shive nani.

EZEKEL 30:14

I no Pathros pighive nani eno Zoan lo ami süvetsü nani, Thebes shou küghatha nani.

MATTHEW 7:13

“Kibikhoi keu khagho lono ilolo. Kughengu ililai keu khagho eno mlalei keu la ye kütsakungo keu lo sawuve cheni, eno kutomo no tipa laghi lono ilo cheni.

ZAKINIU 13:7

no sükümxa lo ashiaye lhouqo shi aghina, no phivilo momu putou ayeghi halau no halu kutolo akemiqo lhou namu,