JEREMIYA 43:12 - Sumi Naga CL (Re-edited) Bible (BSI)

¹² I no Egypt lhouqo chineki lo ami süvetsü nani, Babylon kükau no pano lhouqo pitive tsüno tipaqo pewuve nani. Ambekheu no pa phimini lo axü shikimthe keshi pa no Egypt yeghi shikimtheve no iqüghai cheve nani.

BAIBEL (BSI)

¹² Ino Ijipmi lhou chinekiqolo ami suvetsu nani eno Babilon kukauno panoqo lhouqo pitilevetsu nani momu tipaqo xapuwuve nani. Bherikhemi no aphiminilo axu juvekeshi Babilon kukauno Ijip yeghi shikimtheveno tokulushi cheve nani.

JEREMIYA 43:12 Iomraidhean Croise

SAMUEL AKINIU 5:21

Eno Philistiami no tile pano lhou julhoqo qhive kehu David ngo paw timiqo no tipaqo pewove.

ESTHER 6:9

Eno chijeboike phi ngo khurshi ye akükauw hiyampemi dolo atomi lakhi u lo süvetsü pelo. Akükau no agigihu tsüniye timi khuu shou alokiqi shi ani keno panongu pelo aphimini pipe pelo, eno panongu no khurshi lono pa sasü mishighüna laghila katha wuno pa zülono asheshu lo: ‘Khuu lau akükau no agigihu tsünike alokiqi shi ani keno timi tipau shou hitoi shitsü nanie.’”

JOB 40:10

“Akükanguagha eno agigihupu pesü no ampi pipeju lo; ajekipi eno jukighilepu pepujulo.

LESHELE 104:2

aküvü pesü O küzüpu ani, Nono aphiki toi kungugha xakho ke.

LESHELE 132:16

I no xakulupu phimini pesü li chinemi pipe nani, eno akimthemi no alokivi lono ighamku nani.

LESHELE 132:18

I no akukujopu pesü pa ghümi pipe nani, ikemu küka kütsüqho no pa shou yepüvü nani.”

IPEKULU 12:12

Kughengu tipaji I no Egypt yeghi heche wunani, eno Egypt yeghi lo timi eno lhoxü anoghiu kümtsü I no ghiqhive nani; eno Egyptmi lhouqo kümtsü shou I no küghakütha benani: Ni ye Ampeu ke.

ISAIAH 19:1

Egypt ghenguno pimhelu keu tsape. Julo, Ampeu ye khüngküsü kümthü shou no Egypt lo cheni, Egypt lo ajulhoqo no Pa zülo thüthüshi nani, eno Egyptmi mlo ye hauve nani.

ISAIAH 21:9

julo, khurkulu küsami chenie!” Eno pa no pi, “Ikiqivae, Babylon ye ikiqivae; pano lhou julho qhoi aghümi no kuboleve tsüae.”

ISAIAH 46:1

Bel no pishiqho; Nebo no itsaqi; pano julhoqo ye tüghashi ngo pichepighiqo ke; thime hipaqo nongu no peche keqo ye lhoxüqo no aghime shi xapu cheni.

ISAIAH 46:2

Panongu no itsaqi eno kümtsa pishiqho cheni; panongu ye apekimshi makho xapu mlae, ikemu panongu ampi ghi akughumi shisü wuve.

ISAIAH 49:18

Nongu nhethi tsükhope julo; panongu kümtsü kumqo ani eno nongu lau cheni. Ampeu no piani, ‘I no xüake toi, nongu no hupaqo kümtsü tünatunu pu akeshi pepu nani; külaliu no li chila tshüpu keshi nongu no tshüpu nani.

ISAIAH 52:1

Ithulo, Ithulo, O Zion, o küka kumto pepulo; O Jerusalem, akimthe phughi, jukighilepu phimini pepulo; kughengu mithekumomi ngo aphighüyiko ghamo kemi ye khilemu o hukikha lo iloghilu moae.

ISAIAH 59:17

Pa ye achipiu-mikucho no pa mlaküxa shike, eno tino paw xakulupu yikütsükuqho shike; eno pa no amkhükulu no pa phimini shike, eno minemighei keu no aphi toi pa küzüpu ke.

ISAIAH 61:10

Ni ye Ampeu launo shishe alovi nani; I ngulho no I Lhou sheqhe nani, kughengu külapuu no achineu toi jukivi kütsükuqho pu ketoi, eno külaliu no akughupu chikuqo ni ketoi, Pa no xakulupu phimini pesü I pipe; eno achipiu-mikucho pesü I phiküzü shitsü ke.

ISAIAH 61:5

Tüsümi no puthughope, nonguw lhoxü lojiqo tucho nani; inaghami no nonguw alu kichimi eno atsailu chitsü nani;

JEREMIYA 10:11

Ikehu nono panongu vilo ishi pini: “Atsütsü eno ayeghi lhomo keu lhouqo ye atsütsü qholo eno ayeghi lono pühave nani.”

JEREMIYA 10:15

Tipaqo ye ame küha, atichepu; aghime ghuloki lo pühave nani.

JEREMIYA 25:19

Egyptmi kükau Pharaoh qemi, hiyampemi eno paw timi kümtsü,

JEREMIYA 43:13

Pa no Egypt ghakhu lo Heliopolis lo atu pesü kogheküghü shipüa keu kütsaleve nani eno Egypt lhouqo chineki pitileve nani.’”

JEREMIYA 46:25

Aqokitikhi MPEU, Israel Lhou no pi: “Julo, I no Thebesmi lhou Amon, Pharaoh ngo Egypt, pano kükami ngo alhouqo, eno Pharaoh pükhübe chekeqo shou aghime süghi nani.

JEREMIYA 48:7

Kughengu nono o kümla ngo o kinikülü shou pükhübe kehu no ghi leluve nani; Chemosh ye haphe sawuve nani achinemi ngo hiyampemi ghi sawuve nani.

JEREMIYA 49:27

I no Damascus liwo lo ami süvetsü nani, tino Ben-Hadad liwo kumto pitileve tsü nani.”

JEREMIYA 50:2

“Shiyeqo gholo sheshulo, michiphi süqhe no pikülhalo, küsüpe qhikevi no veküphalo: ‘Babylon ye leluvae, Bel ye shikujovae, Merodach ye aghüthi süvae. Li julhoqo ye shikujovae, Li julhoqo ye aghüthi süvae.’

JEREMIYA 51:44

I no Babylon lhou Bel ghime nani, pa no munove keu ikhipheve tsü nani. Shiyeqo ye pa lau wumoae; Babylon liwo ye ikiqivae.

EZEKEL 29:11

Khuu pukhu nomu tipau katha wumo nani, eno kiu tüghashi pukhu nomu ti katha wumo nani; ti ye ampe lhobidi ghenguno küghüna move nani.

EZEKEL 29:19

Tighenguno Ampeu Alhou no ishi piani: Julo, I no Egypt yeghi pesü Babylon kükau Nebuchadnezzar tsüve nani; eno pa no tipau xüle no küakini xulepuwuve nani; eno tino paw ghüshimi ghenguno ajume shi nani.

EZEKEL 30:13

“Ampeu Alhou no ishi piani: “I no ajulhoqo kütsave nani eno Memphis julhoqo kishekhave tsü nani; Egypt yeghi lo kükapuu kühave nani; ikehu I no Egypt yeghi lo akümsa süve tsü nani.

DANIEL 11:8

Pa no pano lhouqo, ayi no mlakeu julho, eno panow ameshoyi ngo ghükayi bohuqo Egypt lo pewuve nani, eno ado hami ghenguno pa no ahuu kükau lewuni keu lono süchileve nani.

ZEFANIA 2:11

Ampeu no panoqo shou aküighüpu süghi nani; kughengu Pa no ayeghi lo lhouqo akhü no pithive nani, eno shiye kümtsü pütüta-a lono, Pa zülo qhoqhü itsaqi nani.

Rommi 13:12

Tsüküzü ye wove chea; tsüküvü ipecheae. Ikehu ningu aküzü lo kümlaqo peve no aküvü lo ghünanu pepuni nolo.

Ephesiami 4:24

kuchou mikucho ngo akimthepu pesü Alhou kimihi lono lhokeu lhoaye kithe pepulu peniye ke.

Ephesiami 6:11

Tüghami mqümgha shou puthugholu kepushi Alhou ghünanu kümtsü pepu lulo.

Kolosiami 3:12

Tighenguno Alhouw kishekiphe, akimthe eno kimiyeqhiyi kemi akehu, kimiyekini mlo, amlo ighiqhiyi keu, akümtsha, aküghüvü, eno kutuukulu pepulo.

Kolosiami 3:14

Hi kümtsü nguno alau kikimiye pepulo, kughengu kikimiye no thokha kupukülai tsügha küqhatsü cheni.