JEREMIYA 42:18 - Sumi Naga CL (Re-edited) Bible (BSI)

¹⁸ “Kughengu aqokitikhi MPEU, Israel Lhou no ishi piani: I no Jerusalem lo küami shou I loghu puku ketoi nongu Egypt lo wuve kemi shou ghi puku nani. Nongu ye ghukushopu, aküighüpu, thoküghapu shive no a-a hipau khilemu ithumlave nani.

BAIBEL (BSI)

¹⁸ “AMPEU, Israil Lhou no pianike, ‘Nonguno Ijip lo wuve aye Jerusalem lo akemiqo shou imlo kighide ngo iloghu lepukuke paphishi nongu shou ghi lepuku nani. Nonguye junike akuighupu shive nani; timino thaighakeu shi nongu peitha nani eno nongu je pesu musuini keulo peitha nani. Nonguye khilemu a-a hipau ithulu kithemove nani.’ ”

JEREMIYA 42:18 Iomraidhean Croise

YEKIKITHI AKINIU 34:25

Kughengu panongu no I milive eno pano kümla küghütha vecheo I mlo shikighide tsüniye kütau lhouqo lau akümllagho tsüe, tighenguno I loghu ye a-a hipau shou ikughi nani eno ti ye iqüvemo nani.

ISAIAH 30:3

Ikemu Pharaohw sükusho huno nongu kukujopu shive nani, eno Egypt kicheqho huno nongu tichetighepu shive nani.

ISAIAH 65:15

Iw kishekiphemi no müsüini kelo nongu je peitha nani, eno Ampeu Alhou no nongu pithive nani, ikemu Pa qemiqo ye, Pa no aje kithe lakhi tsüve nani,

JEREMIYA 18:16

pano yeghi pesü akümsapu shitsüe, alholo ghenguno atichepu shivae. Tipau veche kemi kümtsü no thüghüi pano kütsü küngüe.

JEREMIYA 22:27

No ye khilemu nono kümsü akeu yeghi lo ideighimo nani.”

JEREMIYA 23:40

I no nongu shou alholo sakiyi keu eno pülhapuju kümsümamo kepushi akukujo süghi tsüni.”

JEREMIYA 24:9

I no khile panongu hapuwuni keno ayeghi lo kükaqha kümtsü lau panongu pesü aküighüpu, thoküghapu, küghakichepu, atichepu, eno angusüpu shitsü nani.

JEREMIYA 25:9

julo, I no ahuu shiayeqo eno Babylon kükau I qeu Nebuchadnezzar kunani, ipi Ampeu no sheshu, I no panoqo sawo ayeghi hipau lo küxümi eno tipau hokümxa lo shiye akeqo mjochile nani. I no qhoi panoqo kütsaleve no panongu pesü aküighüpu, atichepu, eno pülhapuju ghenguno pighive tsü nani.

JEREMIYA 26:6

I no akibo hipau pesü Shiloh toi shitsüni, eno mishighüna hipau pe ayeghi lo shiye kümtsü ghenguno ghukusho shivetsü nani.’”

JEREMIYA 29:18

I no azütakikihi, akhüava, eno püsa pelo panongu pape peni, eno ayeghi lo kükaqha kümtsü zülo akümsapu shitsüni, I no panongu hapuwuve keu shiyeqo gholo panoqo pesü angusüpu, akümsapu, aküighüpu, atichepu, eno thoküghapu shitsüni,

JEREMIYA 29:22

Pama ghenguno Judah lono Babylon lo akughu shi akemi kümtsü no ghusho keu tsa hipau pi nani: “Babylon kükau no ami lono Ahab ngo Zedekiah pitive ketoi Ampeu no nongu lau tishi tsü peni,”

JEREMIYA 33:5

Panongu ye Chaldeami sasü aghü shinike cheni, ikemu I mlokighide eno I loghu lono ghiqhive kemi kithi kumo no chhitoive nani, kughengu pano kümla lhoksa ghenguno I no mishighüna hipau lono I gi küsüluve nani.

JEREMIYA 44:12

Judah lo ghükulumi khunoqo Egypt lo wuno tilau xüuveni shi ani keno, kümtsü kütsave nani. Egypt yeghi lono panongu ye azütakikihi ngo püqümiye lono ikiqive nani. Kijemi kitilami kümtsü azütakikihi momu püqümiye lono thive nani, eno panongu je pesü akumou shoqhi lo peitha nani, pano jukichi nani, eno müsüini cheqhi nani.

JEREMIYA 44:22

Ampeu ye nongu xine eno aphikümqhüpu kümlaqo jupe kutuu mlave. Tighenguno ishi kutolo no ghakhu ye pighive no ixapinyi eno müsüinivae.

JEREMIYA 44:6

Tighenguno I loghu eno mlo kighide no Judah lo mishighünaqo shou eno Jerusalem laghila lo pukue, ikehu ishi kutolo ixapinyi eno pighivae.

JEREMIYA 44:8

Kushiye nongu no xüuve niye ighikeu Egypt yeghi lo nongu ye kütau lhouqo lau axokütsüngü pesü mlla eno au no ajulho mlano I mlo shikighide ani kea? Nongu ye nongu ampi kütsave ani eno müsüinive keu shive no ayeghi lo shiyeqo kümtsü no cheqhi kepu vehu shivae.

JEREMIYA 6:11

Ikehu ni ye Ampeu loghu no chhitoi ani; ni ye ti süchile keu no lhovae. “Alaghila lo atianuliqo shou tipau lepuku lo, eno lhothemi kumqo akeqo shou ghi lepuku lo; akimi anipu gha, kichimi eno kitemi ghi, sasü wuve nani.

JEREMIYA 7:20

Tighenguno Ampeu Alhou no ishi piani: I loghu ye a-a hipau lono panongu shou, timi eno tüghashiqo shou, aluza lo asübo eno axathiqo shou lepuku no pitive nani eno khilemu ghapinhe mla nani.”

AKUMLO 2:4

Aghümi lakhi toi Pa no Paw shexilika piqe luvae, Pa u ajeu no piqepe ngovae; ni nhethe lo azüküvü ache keqo kümtsü Pa no Zion nga phiki lono pithivae; Pa no ami toi Pa loghu pephevae.

AKUMLO 2:6

Pa no aghutu toi Pa pushonha, kuposhukulu-a kütsalevae; Ampeu no Zion pelo tiqhetini ngo Sabbath kümsümavepe, eno Pa mlo kighide lono akükau ngo achineu milivae.

AKUMLO 4:11

Ampeu no Pa loghu kümtsü pükhüle; Pa mlokighide külü lephe, eno Zion lo ami küiqü no tipau boqhaqo pitileve tsü.

EZEKEL 20:34

I no timi hipaqo launo eno aghakhu khile nongu kutholepe ani keno, tilau no au kumto eno au xachhope aloghu lephe keu lono nongu saipeghive no nongu hekütsü luve nani.

EZEKEL 22:22

Ayi kiyiqi miküqü lono ghükayi pitive ketoi, nongu ye tipau lono pitive nani, eno Ni ye Ampeu kepi nongu no ithi nani; I no I loghu nongu shou lepuku nani.”

DANIEL 9:11

Israelmi kümtsü no O yezah hebideve eno O sütsa chiluni keu milive no kughove ke. Angusü ngo ashoqhi khikhi Alhou qeu Moses Yezah lo yepüani keno tipaqo ni shou lepukuve tsü, kughengu ningu no Pa shou axine shive ke.

DANIEL 9:27

Apinedo lakhi ghenguno pa no kutomo sasü puloshoqhi kumto mla nani eno apinedo tüxa ghenguno pa no aghakishi ngo akümllagho lakhave nani. Eno aphikümqhüpu chishibo lono kütsakungo nikeu ighi nani, eno kishekhani keu za shi püakeu huno pa shou lepuku tsümoke kutolo pa ye tile anani.”

HOSIYA 7:16

Panongu no ideighi, ikemu kunguu küdau kumoe; panoqo ye thekuchu süzü toie; panow kükapumiqo no timi kiphikumo mili xapu kehu azütakikihi lono ikiqive nani. Hipau ghenguno Egypt yeghi lo panongu cheqhi nani.

NAHUM 1:6

Khuu no Pa xukighide zülo puthugho luni kea? Khuu no Pa mlokighide kushu puqhe luni kea? Pa loghu no ami toi ghuqhi, Pa no atuquqo mukhumuno shi kubove tsü.

ZEKHARIA 8:13

Nongu ye ghushove kemie pi shiyeqo gholo küghakiche shiveke, O Judah ngo Israel laghami, ikehu I no nongu xalu nani eno nongu ye kükümghau shive nani. Msa kevilo, ikemu nongu u mtotoi lulo.”

AKIKIHI 5:27

Tsala li no shupuve no akimiw pükhükibe kubove aghi aye, azü huno li lolo ilove no kukhukimji küsü süuve nani, li tita no inguuve, alhoa no sükütsüve, eno li ye timi gholo angusüu shive nani.

Piyeküsü 14:10

azü temokeu tsaiji toi pa jukhu lo Alhou loghu akümkau lesü no pije nani, eno kungumi kimthemi ngo Ambeti zülono ami eno amichu pesü ghimeqhi piti nani.