JEREMIYA 42:11 - Sumi Naga CL (Re-edited) Bible (BSI)

¹¹ Nongu no msa akeu Babylon kükau jupe ighü kevilo, Ampeu no sheshu, kughengu I no nongu gholo ani, eno pa u lono nongu xaphe luve nani.

BAIBEL (BSI)

¹¹ Babilon kukau musa kevilo. Ino nongu gholo ani eno pa kuka launo ino lekholuve nani.

JEREMIYA 42:11 Iomraidhean Croise

KUKAMI AKINIU 25:26

Tileno timi kije kitilami kümtsü, eno ghüshimi keptenqo ishi Egypt lo wuve kughengu panongu ye Chaldeami msave.

LESHELE 118:6

Ampeu ye I küdau ani; ni ye msamoe; timi no I lau kiu shikulupu kea?

LESHELE 46:11

Aqokitikhi Mpeu ye ni gholo ani; Jacob Lhou ye ni sükusho liwo ke.

LESHELE 46:7

Aqokitikhi Mpeu ye ningu gholo ani; Jacob Lhou ye niw sükusho liwo ke.

ISAIAH 41:10

I no o sacheni ke msa kevilo; aghüthisü kevilo kughengu Ni ye o Lhou ke; I no o shikumto eno o kuphu nani, I chipiu mikucho pesü I no o süqhe nani.

ISAIAH 43:2

Kughou nono azüghi katha wuni keno I no o gholo anani; nono aghoki katha kelo, tino no yipe wuvemo nani; kughou nono ami katha wuni keno o pitive monani; ami mili ye o pitiqhi monani.

ISAIAH 43:5

Msa kevilo, Ni ye o gholo ani; I no kipelau no o tikughuko saghi nani, eno kulolau no nongu hekütsü saghi nani.

JEREMIYA 1:19

Panongu no o mjochile nani, ikemu o shou tolumo nani, kughengu o xaphe lunike Ni ye o gholo ani, ipi Ampeu no sheshu.”

JEREMIYA 1:8

Panoqo msa kevilo kughengu I no o xaphe lunike o gholo ani, Ampeu no asheshu.”

JEREMIYA 15:20

I no o pesü timi hipaqo lau alazayi tupikiye shitsü nani; panongu no o mjochile nani, ikemu o theqhi lumo nani, kughengu Ni ye o xalu eno o xaphe luni ke o gholo ani, ipi Ampeu no asheshu.

JEREMIYA 27:11

Ikemu khuno shiye no Babylon kükau kuokhasü qholo ighi no pa huthuni keno, I no panongu pelo pütüta yeghi lo ngono mla chupe nani, ipi Ampeu no asheshu.”’”

JEREMIYA 27:12

Zedekiah lau ghi I no titoi pi: “Babylon kükau kuokhasü qholo ighilo, pa eno paw timiqo huthu no xülulo.

JEREMIYA 27:17

Panongu tsa ini kevilo; Babylon kükau qelo eno xülulo. Kushiye mishighüna hipau kütsalepe qhiveni kea?

JEREMIYA 41:18

kughengu panongu ye Chaldeami msave, ti ye Babylon kükau no angh shi penike süsü keu Ahikam nu Gedaliah, Ishmael no ghiqhive kehue.

AKIKIHI 14:9

Ampeu hebide keu likhi shikevilo. Eno tilau xüküami msa kevilo, kughengu nino asho chu akeshi mlalei pano munove nani. Ampeu no ni gholo ani, eno panow sükusho ye ikhipe wuvae; panongu msa kevilo.”

MATTHEW 10:28

Khunoqo no aphimpi pithivetsü cheni mu angulho ye pithilu chemo keno, nongu ye panoqo msa kevilo. Tishini kepu ye Alhou khuu no alhomi lono aphimpi ngo angulho kütsalu nani keno, Pa msalo.

MATTHEW 28:20

eno I no azah nongu tsükeu kümtsü pelu penike panoqo shikalo. Eno julo, tiqheli shekha kutolo ni ye alhokuthu nongu gholo anani.”

Apostolmi 18:10

kughengu I no o gholo ani, khunomu o ghüzamo nani, kughengu mishighüna hipau lo Iw timi kutomo ani.”

Rommi 8:31

Tishi aye, hipa vehulo ningu ye kiu pini kea? Alhou no ni küdau aghi aye, khuu no ningu mjochile kulupu kea?

ZAKINIU 20:4

kughengu Ampeu nongu Lhou no nongu züqhushi aghü shinike no gholo wucheni eno tokulu nongu tsü nani.’

2 Tim. 4:17

Ikemu Ampeu no I gholo puthugho no I shikumto tsüe, tishikeu lono I vecheo atsakiviu qhoi shuphelu no Jewkumomi kümtsü pelo inilu peke. Ikehu abongshuu baxa lono I xaphelue.

JOSHUA 1:5

Nono xüake tivilo timi khunomu o theqhimla nani. I no Moses gholo acheke toi o gholo anani. Ni ye khilemu o qhivemo momu o phevemo nani.

JOSHUA 1:9

Akumto shilo eno amlo kuloghi shilopi azah o tsüve ake kumo keshea? Msa kevi momu amlo tülalo kevilo kughengu ni Ampeu o Lhou ye nono khilekhile chemu, o gholo che nani.”