JEREMIYA 41:5 - Sumi Naga CL (Re-edited) Bible (BSI)

⁵ Shechem, Shiloh, eno Samaria lono timi lhotache akichimhi miyeve, aphimini ixü, eno aphimpi kihelepe athi kümllagho ngo axokütsüngü pesü achineki lo Ampeu lau ighi.

BAIBEL (BSI)

⁵ Shekhem ngo Shilo eno Samaria kudauno timi lhotache ighive. Panonguye panoqo kichi mhi miyeve, panoqo phimini suxuleve eno pano likhi panoqo phi au kiheleve. Panonguye Achinekilo akumllagho tsunike athi ngo tsungquikeu ta pesu cheke.

JEREMIYA 41:5 Iomraidhean Croise

BOTHUBO 33:18

Paddan-aram lono ideighi chekelo, Jacob no kütüsü mono Shechem mishighüna, khikhi Canaan yeghi lo ani keno, toluve, eno pa no mishighüna phivilo aghazü shipe ngove.

BOTHUBO 34:2

Kughou Hivimi Hamor nu Shechem, tipa yeghi lo kükapuu no li ithulu keno, pa no li küghaluve no sazüve eno li lau küthakügha shive.

BOTHUBO 37:12

Pa mu noqo ye Shechem phivilo panoqo papu mbeloji achu kümza niye wuve.

SAMUEL AKINIU 10:4

Tighenguno Hanun no David qemi küghaluve no milakhikhi kichimhi tüxa miyeve tsü eno panongu phimini ayiku lono tsaxüve tsüno puwuve.

KUKAMI ATUGHIU 12:1

Rehoboam ye Shechem lo wuve, kughengu Israelmi kümtsü no Shechem lono pa pesü akükau shinike hekütsü ae.

KUKAMI ATUGHIU 12:25

Jeroboam no Ephraim ato yeghi lo Shechem phughi shiqhe no tile xüche. Pa no tileno Penuel phughi ghi shiqhe.

KUKAMI ATUGHIU 16:24

Pa no ghükayi ahu 70 pesü Shemer ipikeu launo Samaria toghi qhüluve no atoghi homxa aliwo shive, eno tipau phughi pesü ti ampeu Shemer je lono Samaria ipi kuvetsü.

KUKAMI ATUGHIU 16:29

Judah kükau Asa yepe mpe shighi akütacheu lono Omri nu Ahab no Israel shou ayepelu, eno pa ye Samaria lono ampe muku kini ayepe.

KUKAMI AKINIU 25:9

Pa no Ampeu ki, aküka ki eno Jerusalem lo aki kümtsü pitive tsü; aki kijeje thaqhü pa no pitive tsü.

YEKIKITHI ATUGHIU 19:4

Ikehu Hanun no David ghinimiqo küghape amkhümhi miyeve tsü eno panoqo phiküzü achita lono tsathave tsüno puwuve,

LESHELE 102:14

Kughengu O qemi no li tuquqo kimiye cheni, eno li yeghimkhu kimiye cheni.

LESHELE 78:60

Pa no Shiloh lo Pa kungo-a qhive, Pa ye tile Paw timiqo gholo acheke,

ISAIAH 15:2

Dibonmi ye mloqa niye akiqhe-a lo iqhovae; Nebo ngo Medeba ghenguno Moab no ighaqa anie. Kümtsü no akütsüsa ngo akichimhi miyevae;

JEREMIYA 16:6

Kijemi ngo kitilami ghi ayeghi hipau lono thinani. Panongu ye shiqhomo nani, khunomu pano ghenguno mloqamo nani, momu asa miyemo nani.

JEREMIYA 41:4

Gedaliah ghiqhiwo thoghiu, timi khumu mtha aphi lono,

JEREMIYA 47:5

Gaza no amloiju asa miyevae, Ashkelon ye püghavae. O pano khila lo ghükulumiqo, nongu ye khitohi nongu ampi ghüza anani kea?

JEREMIYA 48:37

“Kughengu panongu kümtsü akütsüsa miyevae eno pano kichimhi tsalevae. Panongu kümtsü u lo azaku puvae eno kümtsü no yeqhiyephi no achita khapu anie.

JEREMIYA 7:12

Itehi I no atüghü lo I kungoa shikeu Shiloh lo wulo, tile Iw Israelmi kümla lhoksa ghenguno I no kiu shikeno julo.

JEREMIYA 7:14

tighenguno I no Shiloh lo mlake toi, nongu no pükhübe chekeu, I je lono kukeu kibo shou eno no puasüqo tsükeu yeghi shou ghi titoi shinani.

JOYIL 2:13

eno nongu phimini kumono nongu mlo süxülo.” Ampeu nongu Lhou lau xaidelo, kughengu Pa ye küpükini eno kimiyekiniu, asheshi no amloide cheni, iqemokeu kikimiye no kupukuno eno amhekiqi süchileve chekeu ke.

ZAKINIU 14:1

“Nongu ye Ampeu nongu Lhouw nuliqo ke. Kithimi ghenguno nongu kütsüsa miye moni.

JOSHUA 18:1

Israelmi no ayeghi qhasü luve kethiu kümtsü no Shiloh lo kumqo eno kuposhukulu phiki mlave.

JOSHUA 24:32

Joseph saghi Israelmi no Egypt lono pesü ighikeu ye panongu no Shechem lo qhove, tipa yeghi ye Jacob no Shechem papu Hamor nuliqo launo ghükayi 100 pesü qhükeu yeghi ke. Tipau yeghi ye Joseph tianuli mheghi shive tsüe.

XAKUTHAMI 18:31

Panongu no Micah no mlakeu julho pesü tilau ghope qhive eno Alhou ki no Shiloh lo ake thaqhülo, tishi ache.

XAKUTHAMI 9:1

Gideon nu Abimelek no Shechem lo paza no bolomi lau wuno alaghami kümtsü vilo pi,

SAMUEL ATUGHIU 1:7

Ikehu ampe atsütsü titoi shiche. Kughou li no Ampeu kilo wuni keno, li no Hannah ghashikighide tsüche. Ikehu Hannah ye qa-ano chusho move che.