JEREMIYA 4:7 - Sumi Naga CL (Re-edited) Bible (BSI)

⁷ Abongshuu, shiye kükütsau ye pa kungoa ghasa lono ipevae; pa ye no yeghi pighive tsüni ke pa a lono ipevae; now mishighüna ye ixapinyi küghüna move nani.

BAIBEL (BSI)

⁷ Abongushuno pa kughutshua lono cheke toi, ashiayeh kukutsau lakhi chevae. Paye Juda kutsanike cheni. Juda lo aphughiqoye ixapiniyi qhive nani eno tipaqolo khumu kughuna move nani.

JEREMIYA 4:7 Iomraidhean Croise

KUKAMI AKINIU 24:1

Jehoiakim ghuloki lono Babylon kükau Nebuchadnezzar ighive eno Jehoiakim ye ampe küthü pa qholo ngove. Tithiu pa no hebidethu.

KUKAMI AKINIU 25:1

Zedekiah yepe mpe atokuu aqhi achighiu eno atsala achighiu lono Nebuchadnezzar no paw ghüshimi kümtsü sasü ighi no Jerusalem lethuve no khasü luve. Panongu no ti homxa aqoghe shipukuve.

ISAIAH 1:7

No ghakhu ye yenguyelei ani; no phughiqo ye ami no piti ani; inaghami no nongu küa lono no yeghi kütsave tsüae; tüsümi no leluve no pighive keshivae.

ISAIAH 5:9

Aqokitikhi MPEU no tushoqhi keu I no chiluvae: “Mtsüqheino aki kuloghi eno jukivi ki kümtsü lo ngoni kemi kühano küghüve nani.

ISAIAH 6:11

I no pi, “Khitohi kea, O Ampeu?” Pa no pi, “Aphughi lo eno aki lo küxümi kühano kümsa ixapinyi eno ayeghi no yenguyive moke kuto,

JEREMIYA 2:15

Abongshuu no igha pa kichi; panongu no ighono ighae. Panongu no pa yeghi pighive tsüe; pa phughiqo ye ixapinyi, küghünani kemi kühae.

JEREMIYA 22:6

Kughengu Judah kükau kibo ghenguno Ampeu no ishi piani: “‘No ye I ghenguno Gilead toike, Lebanon toghi kütsüqa toike, tishimu I no kuchou no o pesü asayeqha eno pighive keu mishighüna shive tsüni.

JEREMIYA 22:7

I no o lau shiküpsami puwuni, pütüta ghünanu xapu panoqo no o pulou Cedar sübo yeqhipe ami lo vesüve nani.

JEREMIYA 25:38

Abongshuu toi Pa ye Pa ki qhivae, kughengu Pa mlokighide yiküsa eno qhaküsümi zütakikihi ghenguno pano yeghi ye kümsa shivae.”

JEREMIYA 25:9

julo, I no ahuu shiayeqo eno Babylon kükau I qeu Nebuchadnezzar kunani, ipi Ampeu no sheshu, I no panoqo sawo ayeghi hipau lo küxümi eno tipau hokümxa lo shiye akeqo mjochile nani. I no qhoi panoqo kütsaleve no panongu pesü aküighüpu, atichepu, eno pülhapuju ghenguno pighive tsü nani.

JEREMIYA 26:9

No ye kushiye Ampeu je lono tungkuptsa, ‘Aki hipau ye Shiloh toive nani eno mishighüna ye kütsaleve no küghüna move nani,’ ipi ani kea?” Ikehu Ampeu kilo timi kümtsü no Jeremiah süho luve.

JEREMIYA 27:8

“‘“Ikemu shiye momu kükaqha lakhino hi Nebuchadnezzar Babylon kükau qemo eno pano kuo lo paw kuokhasü pumo aye, I no shiye tipau kütsave moke kutolo azütakikihi, akhüava, eno püsa pesü ghime nani, ipi Ampeu no sheshu.

JEREMIYA 33:10

“Ampeu no ishi piani: A-a hipau khikhi nono, ‘Hi ye pighive no timi ngo tüghashi mu kühavae,’ ipi cheni keno, Judah phughi eno Jerusalem laghila pighive no timi na tüghashi mu tile xüni kemi kühave keu-a lono itaghi hipaqo chilu nani

JEREMIYA 34:22

Julo, Ampeu no sheshu, I no azah tsüno panongu sasü mishighüna hipau lo ighi nani. Panongu no mishighüna sasü aghüshi nani eno ami no pitive tsü nani. I no Judah mishighünaqo pighive tsüno timi küghüna movepe nani.”

JEREMIYA 4:29

Khurshimi eno asüzü kipemi ghügha zülo mishighüna kümtsü no po nani; panongu no aghasa lo ilo nani, khami no atuqu lo mgho iku nani; mishighüna kümtsü qhive nani, eno khunomu tipaqo lo küghüna move nani.

JEREMIYA 44:2

“Aqokitikhi MPEU, Israel Lhou no ishi piani: Jerusalem ngo Judah lo mishighüna kümtsü I no kütsave keu nongu no ithuluvae. Julo, ishi tipaqo ye pighive no khumu tile ngo movae,

JEREMIYA 46:18

“Akükau khuu je aqokitikhi MPEU keno xüküau no sheshu, naghutoqo gholo Tabor toi, eno azüghi phivilo Carmel toi milakhi ighi nani.

JEREMIYA 49:19

Julo, abongshuu lakhi no Jordan ghasa lono atsüni kümtsha-a lo ipeghi ketoi I no Edommi pelo züleno pano yeghi lono povepe nani. Tithiu no I no kishelu keu pelo tipau shou ayepe penani. Kughengu I toike khuu ani kea? Khuu no I khülu nani kea? Ambekheu khuu no I mjolu nani kea?

JEREMIYA 5:6

Ikehu abongshuu no aghasü lono panoqo tsüve nani; tüngtügha no asayeqha lono panongu tsüve nani. Akhighiu ngushuu no panow mishighüna jukuto ani; tileno ipeghi kemi kümtsü sülatha pinyiveni cheni, kughengu pano xine ye kütsasae, panow hekibide ye kije ke.

JEREMIYA 50:17

“Israel ye abongshuu no haleve keu mbe toivae. Atüghüshi Assyria kükau no Israel kütsave, eno itehi Babylon kükau Nebuchadnezzar no panoqo saghi tsachheve tsüae.

JEREMIYA 50:44

“Julo, abongshuu lakhi no Jordan ghasa lono atsüni kümtsha-a lo ipeghi ketoi I no Babylonmi pelo züleno pano yeghi lono povepe nani. Tithiu no I no kishelu keu pelo tipau shou ayepe penani. Kughengu I toike khuu ani kea? Khuu no I khülu nani kea? Ambekheu khuu no I mjolu nani kea?

JEREMIYA 8:16

“Dan lono khurshiqo no igha keu chilu ani; panongu no ngosü mlano akeu sütsa no ayeghi süküghütha ani. Panongu no mishighüna lo ighi no ayeghi eno tile küakini akeu püghave tsüae.

JEREMIYA 9:11

Jerusalem ye I no atachu shi kütsaleve nani, tüngtügha kungo-a shinani, Judah lo mishighünaqo ye pighive no küghüve nani.”

EZEKEL 12:20

Küghüna akeu mishighünaqo ye kütsave nani, eno ayeghi ye küghüküghaleive nani; eno nongu no Ni ye Ampeu kepi ithi nani.”

EZEKEL 21:31

Eno I no I loghu kighide nongu shou lepuku nani; I no I loghu miküqü pesü nongu ghaqhi nani, eno nongu pesü ajiküxümi, kütsakungo keu lo shitsami u lo phesüve tsü nani.

EZEKEL 32:2

“Timi nu, Egypt kükau Pharaoh lau akumlo le phelo eno pa vilo pilo: “Nono o pesü shiyeqow abongshuu kepi kümsü cheni, ikemu no ye azüghi lo dragon ke; nono o ghoki lono ilhe ipeghi cheni, o pukhu no azü shipuqove, eno aghokiqo qonyive ke.

DANIEL 5:19

Eno Pa no kiqhekighe shitsü ke ghenguno, ashiaye, shiye, eno atsa jeli kümtsü no pa zülo khokhoshi eno pa sümsae. Pa no khuu heqhini keno heqhive che; eno pa no khuu püxüni keno püxüve che; khuu xaqheni keno xaqheve che; khuu sünheqhini keno sünheqhive che.

DANIEL 7:4

Atüghüu no abongshuu toi eno alhuqu chishibo puae. Tithiu I no ju keloye tipau chishibo tujo phevetsü, tipau ye ayeghi lono sünheqheve eno timi toi apukhu kini no puthughope, eno timi kükümsü pesü tipau lolo süvetsü.

ACHINE 26:31

I no no phughiqo xaleve tsünani, akümlla-a kütsaleve tsüno nongu ghakishi xo ikhilu tsümo nani.

ACHINE 26:33

I no nongu shou azütakikihi süghi no shiyeqo gholo nongu kuthole puwuve nani. No ghakhu eno aphughiqo ye ixapinyi küghüve nani.