JEREMIYA 4:31 - Sumi Naga CL (Re-edited) Bible (BSI)

³¹ Topumi no apunu küsü ghügha shi aketoi I no chilu; li no anga punu tüghülo ijuke toi Zion limi ye atuthu shekukuno qa ani, li u chhopuwu ani, “I hasapue! Ghikiqhimi zülo ni ye thiqhi ani.”

BAIBEL (BSI)

³¹ Totimino anga atughiu punu nikelo ighakeu sutsa lakhi toike. Tiye Jerusalem no atuthu sheku- kunokeu ghughake, lino au chhopesu, “Ighenguno ahakusapue! Panonguye iheqhiniye chenike!” ipike.

JEREMIYA 4:31 Iomraidhean Croise

BOTHUBO 27:46

Tishino Rebekah no Isaac vilo pi, “Hittimi totimi ghenguno ni ye I küxü azüzüvae. Tsala Jacob no aphughi hipau lo Hittimi totimi lakhi luve aye, I ghenguno I küxü ye kiu akivi anani kea?”

JOB 10:1

“Ni ye I küxü ju azüzüvae; ni ye I kumchho kuqhope zale niae; I küxü kukhukimji qhemi lono ni ye atsa piniae.

LESHELE 120:5

I no Meshech lo itsü kupokiche shiche keu eno Kedar phiki lo küghüna chekeu no I ghenguno ahasapue!

ISAIAH 1:15

Kughou nongu no au sükhope I kuni keno, I no nongu launo I nhethi kughove nani; nongu no akighini kutomo shimu I no inimo nani; nongu u lo aji no chhitoi anie.

ISAIAH 13:8

Panongu ye thüghüive no apunu küsü sü akeshi aghime no tshüluve nani. Panongu no kichimamashi agi no hughüipe lakhino lakhi jukile nani.

ISAIAH 21:3

Hi ghenguno ni ye totimi no apunu küsü sü akeshi aküsü no I phi kümtsü tsügha luvae; hi chilu eno ithulupe ni ye pishepe apuchopungo auvae.

ISAIAH 26:17

Totimi no apunudo touve kelo aküsü lono ighamku ihi keshi, nino O zülo tishike, O Ampeu;

ISAIAH 42:14

“Ado kushuo lono Ni ye inaqhoi ngovae; Ni ye inaqhoi I likhi Ni süchile pesü ngovae; itehi ye totimi no apunu küsü lo igha aketoi I no igha nani; I no atuthu shekukuno muqhu nani.

ISAIAH 6:5

Tileno I no pi, “I hasapuae! Ni ye pühavae; kughengu ni ye akichi mithemo kemi, eno mithekumomi gholo xüacheni; ikeghi I nhethi no aqokitikhi MPEU, Akükau ithuluvae!”

JEREMIYA 10:19

I ghüzaku ghenguno I hasapue! I zaku ye zaghi shivae. Ikemu I no pi, “Kuchou no hi ye aghime kitikhi, ni ye puqhelu masae.”

JEREMIYA 13:21

Nono o küsami shi penike shika keqo no o kütsü shou ikughive kelo no ye kiu pilu nani kea? Totimi no apunu küsü sü aketoi no ye küsakushu no o tsügha luve moni keshea?

JEREMIYA 14:18

I no aluza lo wu aye julo, ghiqhive kemi ithulue! I no aphughi lo ilo aye akhüava no ghave kemi ithulue! Kughengu tungkupmi ngo achinemi no pano no mthakeu yeghi lo kilhisho shike.’”

JEREMIYA 15:18

Kushiye I küsü ye tavemo, I zaku ye zaghi eno shipivi mla kea? No ye kushiye pishikiqhi ghokiti, tuqu lo züha ghoki toi kea?

JEREMIYA 18:21

Ikehu pano tianuliqo pesü akhüava lo süve tsülo; azütakikihi küka lau tsüvelo; pano nipuqo pelo anuha eno chimemi shive pelo. Kiptimi no püsa lono thi pelo, lhothemi no azütakikihi no ghiqhive pelo.

JEREMIYA 22:23

O Lebanon lo küxümiqo, Cedar kilo akeqo, topumi no apunu küsü sü aketoi nongu shou kushuküqha ikughi kelo kishi kimiye kepu shinani kela!”

JEREMIYA 30:6

Itehi ighiju no julo, kiptimi ye anga punulu nani keshea? Imaye kushiye totimi no punu niye akeshi kiptimi kümtsü pa u no apo thape akeu ni ye ithulu ani kea? Kushiye kümtsü no agi phalai ani kea?

JEREMIYA 45:2

“O Baruch, Ampeu, Israel Lhou no ishi o vilo pi ani:

JEREMIYA 48:41

mishighünaqo leluve, aliwo kumtoqo ye khasü luve nani. Tipani Moab ghütomi mlo ye totimi apunu küsü lo akemi toive nani;

JEREMIYA 49:22

Alhuqu no achishibo sükhope yeiqighi keshi aghümi no Bozrah leighi nani. Tipa tsala lo Edom ghütomi mlo ye apunu küsü lo akeu totimi mlo toive nani.”

JEREMIYA 49:24

Damascus ye miqemleive no tsüghüsü povae, shithüghüi keu no tshü luvae; totimi no apunu küsü lo aketoi, aküsü aghime no tsüghavae.

JEREMIYA 50:43

“Babylon kükau no tipaqo sütsa chiluvae, pa phiau thizümüivae; amlo ghuju no pa tshüluve no totimi no apunu küsü lo ake toivae.

JEREMIYA 6:2

Zion limi jukivi eno müdüniyi lhokeu I no kütsave nani.

AKUMLO 1:17

Zion no au xachho, ikemu li lokughuno tsüni kemi kühae; Ampeu no Jacob kisüghüu pelo pa ghümi shipenike azah tsüvae; Jerusalem ye pano dolono niqhinilai keu lakhi shivae.

AKUMLO 1:20

“O Ampeu, I no iju akeu jutsülo; I po no minhe anie; I mlo no ipopinyi ani, kughengu I no shishe hebideve ke. Alaghila lo azütakikihi no amlo shikughuju tsü ani; aki lono akithi likhi anie.

AKUMLO 2:21

Alaghila lo ayeghimkhu lo kichimi itimi athoshi ikiqi ani; Iw ilimi eno apumiqo ye azütakikihi lono ikiqivae; Nono O mlokighide tsala lono kimiyemo no panoqo pithivae.

HOSIYA 13:13

Apunu küsü pa lau ighivae, ikemu pa ye alotsümo keu nu, kughengu ado tove keghi pa ye atita lo ikipe la lo ighimoe.

MICAH 4:10

O Zion limi, totimi no apunu küsü lo aketoi ihi eno ighalo, kughengu itehi nongu ye mishighüna lono ipeve nani eno aluza qhalo xüuve niae; nongu ye Babylon lo wuniae. Tilauno nongu xaphelu nani; Ampeu no nongu ghümi u lono nongu xachilelu nani.

MICAH 4:9

Itehi nongu ye kushiye ighaqa ani kea? Nongu ye akükau kühava kea? Nongu lapiyemi pühave kehu totimi punu küsü toikeu no nongu tsüqü luve akeshea?

MICAH 7:1

Ahaküsapu ye ni ke, kughengu ni ye mütsü tusho xathi xokütsüve kethiu toi, atsaithi kixipheve kethiu toi: atsaipho chukepu kühavae, I ngulho no puloniqhiyi chekeu mubuthi amsüu kühavae.

MATTHEW 21:5

“Zion limi vilo pilo, ‘Julo, o kükau o lau cheni, ivünhei khurha shouno cheni, khurhati shouno cheni.’”

1 Kor. 9:16

I no atsakiviu sheshuke ghenguno ni ye kiumu qheza kepu kühae. Kughengu tishi peniye azah I tsü püani. I no atsakiviu sheshumo aye I hasapue!

1 Thes. 5:3

Timiqo no, “Iqüghai eno sükusho ani,” ipi ake lono totimi no apunu küsü ighive ketoi züleno pano shou kütsakungo ighi nani, eno panongu ye poka mlave nani.