JEREMIYA 4:28 - Sumi Naga CL (Re-edited) Bible (BSI)

²⁸ “Hi ghenguno ayeghi no mlo nani, eno kunguu atsütsü no aküzü shive nani; kughengu I no piphevae; I no kughuvae; Ni ye kümsüchile monani, momu Ni ye ideighimo nani.”

BAIBEL (BSI)

²⁸ Ayeghino mloqa nani; atsutsuno zumoleive nani. AMPEU no piveake, pano kumsaqhivae pano kughathave ake eno athiu idewovemo nanike.

JEREMIYA 4:28 Iomraidhean Croise

ISAIAH 24:4

Ayeghi no mloqa eno ighüivae; ayeghiqha no itamjui hailo cheae; akiqheu-a lo küami no iju ani.

ISAIAH 34:4

Atsütsü ye kaku toi liküzüve no aqhi ayepu kümtsü hailove nani. Tipaqo ye atsaibo, mububo nipa ighiqi keshi ikiqighive nani.

ISAIAH 5:30

Tipani ghi panoqo no azüghi ghügha toi Israel lo igha ighi nani. Julo, aghakhu lo aküzü ngo aveküsa likhi ithulu nani, eno khüngküsü no aküvü küzüluve nani.

ISAIAH 50:3

I no aküzü pesü atsütsü nhave; eno yeqhiyephi pesü tipau künha shitsü cheni.”

JEREMIYA 12:11

Panongu no pighive tsüae; küghüküghai tino I lau mlo ani. Ayeghi kuchopu yenguyivae, ikemu khunomu amlo ighimoe.

JEREMIYA 12:4

Ayeghi ye khitohi mloqa eno aluza lo atsüni ye khitohi ighüive anani kea? Tile küxümi lhoksa ghenguno tüghashi eno aghauqo ye pühavae, kughengu panongu no pi, “Pa ye hithiu ningu shekuho ithulumo nani.”

JEREMIYA 14:2

“Judah no mlo ani, eno li khaghoqo no qhaighoivae; timiqo no ayeghi lo ihi mloqa, Jerusalem no ighamku ani.

JEREMIYA 23:10

Kughengu ayeghi ye asalhami no chhitoivae; ghukusho ghenguno ayeghi no mlo ani eno asayeqha lo atsüni kümtsha no thizümüivae. Panongu laghi ye alhoksa eno pano kumto ye achipi kumoe.

JEREMIYA 23:20

Ampeu mlokighide ye Pa no kughu akeu shikhave moke kutolo süchilemo nani. Athiu tsala lono nono mtsümishei vethalu nani.

JEREMIYA 30:24

Ampeu mlokighide ye Pa no kughu akeu shikhave moke kutolo süchilemo nani. Athiu tsala lono nono mtsümishei vethalu nani.

JEREMIYA 51:12

“Babylon liwo shou michiphi süqhelo, aghukhe alau iqhikumto lo; aghukhemi süsülo; aghüthepe khe lo; kughengu Ampeu no Babylon ghenguno pi püakeu shi anie.

JEREMIYA 7:16

“No ye timi hipaqo ghenguno inikhu kevi, momu ighamku pano züqhushi qhüiniju kevilo, kughengu Ni ye o kighini chilu tsümo nani.

AKUMLO 2:17

Ampeu no kiu miji akeno; Pa no püzüu no azah tsükeu, Pa tsa pape ghi amloighi qhiyi keu kühano shikupuvae; Pa no aghümi pelo o shou alovipe eno o ghümi kumto süqhetsüe.

EZEKEL 24:14

Ni ye Ampeu ke. I no piqhivae; tipau ye shikupu nani; I no tishi nani. Ni ye palokuto monani; Ni ye akipimi qhitsümo nani; Ni ye qhivemo nani; nongu laghi eno nongu kümlaqo kiqi lono nongu shou küghatha nani ipi Ampeu Alhou no sheshu.”

HOSIYA 13:14

Kithigha küka launo I no panoqo qhüchilelu nani; Akithi lono I no panoqo xachilelu nani. O akithi, ow püsaqo khile ania? O Kithigha, o sahu khile ania? Amlo ighiqhiyi keu ye I nhethe lono küsüvae.

HOSIYA 4:3

Tighenguno ayeghi no mloqa, tile küxümi kümtsü no iju ani, aghasa lo tüghashi ngo atsütsü lo aghauqo eno azüghi lo akhaqou ghi haukhavae.

JOYIL 1:10

Aluzaqo ye kütsavae, ayeghi no mloqa ani, kughengu athi ye kütsa khavae, atsaiji no qhaivae, thazü no hailovae.

ZEKHARIA 8:14

Kughengu aqokitikhi Mpeu no piani: “Kughou nongu puasüqo no I loghu shikighide keno I no küsakusho süghini ye kughu, eno ti süchilemo ketoi,

AKIKIHI 23:19

Alhou ye timi kumo keke Pa ye mikiveni chemo; momu Pa ye timi nu kumo keke Pa kükümsü kilini chemoe. Pa ye piqhive no shimoveni keshea? Momu Pa ye pive no shikupu moveni keshea?

MATTHEW 27:45

Tile puchou mta lono avelau ayi küthü kihe kutolo ayeghiqha kümtsü aküzü no nhaluve.

Mark 15:33

Puchou ayi chighikini kihelo, tipa ghakhu kümtsü ayikihedo küthü kutolo züchiyi ighive.

Luke 23:44

Puchomta lono phitsü kutolo tipa ghakhu kuchopu aküzü no nhaluve,

Ephesiami 1:11

Alhou khuu no thokha Pa pulou kimji lono mlaitha cheni keno, Pa kukughu lono azünatha ningu kishelu kehu ningu ye Khristo laumi shilu keu lono Alhouw akütsa mheghi shiluvae,

Ephesiami 1:9

Paw tuqhou kukughu khikhi Khristo vecheo kimshitsü keno Pa no ningu lau kilethi tsüke.

IBRIMI 7:21

ikemu Jisü ye Alhou no pa vilo ishi pikeu vecheo ashoqhi shino achineu shilu, “Ampeu no tushoqhivae, Pa ye Pa kükümsü kilivemo nani, ‘No ye alholo achineue.’”

Piyeküsü 6:12

Kughou Ambeti no michida akütsüghou xükho keno, ayeghi küghütha kije ighikeu I no ithulu, khetsünhe no kumshophi tsübui keu toi zümoive, aqhi huno aji toi huchuyive,

SAMUEL ATUGHIU 15:29

Itaghi Israel Juküvü ye mikimo momu amlo kilimo nani, kughengu Pa ye timi kumo kehu amlo kilimo nani.”