JEREMIYA 4:14 - Sumi Naga CL (Re-edited) Bible (BSI)

¹⁴ O Jerusalem, o xalu pekepu shi o mlo lono alhoksa qhuvelo. Khitohi o lolo kixikila kükümsü pekütsü püani kea?

BAIBEL (BSI)

¹⁴ Jerusalem, oxaluvepe kepushi amlo lono axine qhuvelo. Nonguye khitotohi kutolo axine shikeu kukumsu kumsu anani kya?

JEREMIYA 4:14 Iomraidhean Croise

LESHELE 119:113

Amlo kini kupumi ye I no mithi ke, ikemu ni ye O yezah kimiye cheni.

LESHELE 51:2

I kipimi lono I qhukimthe tsülo, eno I xine lono shikimthe tsülo!

LESHELE 66:18

Tsala I no amlo lo axine qhipüaghi keaye, Ampeu ye initsü moni cheke.

AHOLE 1:22

“Itikütüpa chekeqo! Nongu ye khitohi itikütüpa anania? Alokütsü junu chekemi ye khitohi küthakügha tsapi lo alovi eno mbomzümi ye khitohi alokütsü jumithi anani kea?

ISAIAH 55:7

Kixikilami pelo pa küxü ghola pheve pelo, eno achipi kumomi pelo pa kükümsü kilive pelo; pa pelo Ampeu lau ideighive pelo tishianguno Ampeu no pa shou kimiyekini apenike, eno ni Lhou lau ideighi pelo kughengu Pa ye akipimi qhivetsü nani.

JEREMIYA 13:27

I no ow kuchhube kümla, o shupu asalha eno akimine, atoghi lo nono kütüqha keu ithuluvae. O Jerusalem, o hasapue! Khitohi no ye mithe mono anani kea?”

JEREMIYA 17:1

“Judah xine ye ayi yesüta pesü yepüani, mlaputu mtsüsüi keu pesü panongu mlo tulupha eno pano kiptia kibo lo kixipuku püani,

JEREMIYA 18:11

Tighenguno itehi, Judah ngo Jerusalem lo küxümi vilo pilo: ‘Ampeu no ishi piani, Jualo, Ni ye nongu shou amhekiqi eno amqü kuchughu ani. Kümtsü no pütüta kümla lhoksa lono ideighi lo, no laghi eno no kümla lhoksaqo shikithe luvelo.’

JEREMIYA 2:22

Nono asalu jeli kutomo pesü o qhüve anamu o xine no hedave keu ye I zülo aphie, Ampeu Alhou no asheshu.

JEREMIYA 6:19

O ayeghi, inilo, I no timi hipaqo shou pano mqü lhoksa xathi ghenguno amhekiqi süghini cheni, kughengu panongu no I tsa lo amlo tsümove eno I yezah milive ke.

EZEKEL 18:31

Nongu no axine shive keu kümtsü nongu launo pevelo, eno nongu ampi no amlo kithe eno aghungu kithe shilu lo! O Israel laghami, nongu ye kushiye thiveni kea?

ZEKHARIA 8:17

nongu mlo lono lakhino lakhi shou küsakügha kuchughu kevi, eno kichile shoqhi kimiye kevilo, kughengu hi kümtsü I no mithike, ipi Ampeu no asheshue.”

MATTHEW 12:33

“Asübo lakhi ye pa xathi lono ithi cheni kehu akivishi asübo mlaphe no axathi kivi pithilu pelo, tikumo aye asübo alomo keu huno axathi ghi lhoksa pithi nani.

Luke 11:39

Ikemu Ampeu no pa vilo pi, “Nongu Phariseemi no akhu ajukhu ashou ye shikimthe cheni, ikemu nongu lolou ye akughuvu ngo küsakügha no chhitoi acheni.

John 13:9

Simon Peter no khochile, “Ampeu, tishiaye I pukhu likhi kumono I u ngo I kütsü ghi qhutsülo!”

Apostolmi 8:22

Tighenguno o lhoksa hipau lono xaidelo, eno Ampeu vilo shikulupu shi aye o mlo lo kümsüpu akeu kipimi qhivetsü penike inikhu lo.

Rommi 1:21

Kughengu panongu no Alhou ithi anamu Pa ye Alhou kepi agigihu momu shikimthi tsümove, tike kumono pano kükümsü ye ame kühave, eno pano mbomzü mlo huno zümoi kitheve.

1 Kor. 3:20

eno itaghi, “Alhou no alokütsümi kükümsü ye abokümsa kepi ithi ani.”

James 4:8

Alhou lau kupunu ighilo eno Pa no nongu kupunu ighi nani. Nongu axinemiqo, nongu u qhukimtheve lo, nongu amlo kini kupumiqo, nongu mlo shikütsüghüve lo.