JEREMIYA 4:10 - Sumi Naga CL (Re-edited) Bible (BSI)

¹⁰ Ikehu I no pi, “Ya, Ampeu Alhou, kuchou no Nono ishi pikeu lono timi hipaqo eno Jerusalem qhoi pishiqhivae, ‘Hi ye o ghenguno akivi shinani,’ ikemu azütakikihi no panongu shou ikughivae.”

BAIBEL (BSI)

¹⁰ Tileno ino pi, “Akughushu MPEU, nono Jerusalem lo akemiqo qhoi pishiqhivae! Nono pikeuno alakishi ananike pi ikemu azutakihi no panoqo ku-o diluvae.”

JEREMIYA 4:10 Iomraidhean Croise

IPEKULU 5:22

Tileno Moses no Ampeu lau wuno pi, “O Ampeu, No ye kushiye timi hipaqo lau küsakügha shive akea? Kushiye No ye I puwu kea?

IPEKULU 9:14

Kughengu itehi ye I no püsa kümtsü no ampi shou eno o qemi ngo ow timiqo shou puku nani, tishikeu lono ayeghiqha kümtsü lo I toi kemi khumu kühae pi nono ithi nani.

ISAIAH 30:10

tungkupmi vilo ishi picheni, “Juchho kevilo,” momu, “Ni vilo achipiu tsa pi kevilo; akishekütsü, kümsükuju tsau pesü ni vilo pilo,

ISAIAH 37:35

Kughengu I je ghenguno eno I qeu David jelono I no mishighüna hipau süshope anani.”

ISAIAH 63:17

O Ampeu, No ye kushiye ni pelo O laghi vezüvepe ani, eno kushiye ni mlo shikümkave tsü ani kea? Eno kushiye tishikeu lono ni pelo O sümsa movepe kea? O qemi, O mheghi shiye ghengu likhi nomu ideighi tsülo.

JEREMIYA 1:6

Ikehu I no pi, “Ya, Ampeu Alhou! Julo, ni ye kishi pikepu keno mthae, kughengu ni ye lhothemi shiaphi.”

JEREMIYA 23:17

Panongu no Ampeu tsa thaigha chekemi vilo tamono picheni: ‘O ghenguno akivipu ani’; eno kuthovi ghi amlo pape chekeu vilo picheni, ‘O shou amhekiqi ighimo nani.’”

JEREMIYA 32:17

‘Ya, Ampeu Alhou! Nono atsütsü ayeghi O küka kuloghi lono eno O u sükhope mlae! O ghenguno kiumu kushokütsü kühae.

JEREMIYA 4:18

O laghiqo eno o kümlaqo no o shou hipau süghivae. Hi no o ghimepu tsala, hi ye khumtsai o mlo kutolo ilo chuxutsü ani.

JEREMIYA 5:12

Panongu no Ampeu zülo akimki tsa ishi pi, ‘Pa ye kiumu shimo nani; kütsakungo keu ni shou ikughimo nani, azütakikihi momu püqümiye ithulumo nani.

JEREMIYA 6:14

Panongu no Iw timiqo zaku küthathai ikhilue, khilehimu külakishi kühamu ‘Külakishi, külakishi,’ ipi cheni.

JEREMIYA 8:11

Panongu no Iw timiqo zaku küthathai ikhilue, khilehimu külakishi kühamu ‘Külakishi, külakishi,’ ipi cheni.

AKUMLO 2:21

Alaghila lo ayeghimkhu lo kichimi itimi athoshi ikiqi ani; Iw ilimi eno apumiqo ye azütakikihi lono ikiqivae; Nono O mlokighide tsala lono kimiyemo no panoqo pithivae.

EZEKEL 11:13

Hipa thiu I no tungkuptsa pi akelo, Benaiah nu Pelatiah hupau ye thive. Tithiu I no I gi pishiqho luve no asütsa kuloghi lono qa no pi, “Ya, Ampeu Alhou! No ye Israelmi ghükulumi kümtsü pühaveni keshea?”

Rommi 1:24

Tighenguno panongu no pano dolo aphimpi ghi gihumo no niqhinilai keu kümla shinike mineqhiyi ache ketoi Alhou no panoqo ikhiphepe tsüve,

Rommi 1:26

Hi ghenguno Alhou no panoqo pelo ashilo ghakiqipu shi auve penike ikhiphepe tsüve. Totimiqo no alhoaye lo aphimpi peitha chekeu theli lo alhoaye kumomithe keu sasü küsükilive,

Rommi 1:28

Panongu no Alhouw kuchou ghili ithini keu pulomo keke panongu pelo shimo kepu shiauve peniye Alhou no shiküpsapu pe pano kükümsü shipuqove tsü.