JEREMIYA 4:1 - Sumi Naga CL (Re-edited) Bible (BSI)

¹ “Nono ideighini aye, O Israel, Ampeu no asheshu, no ye I lau ideighi masae. Ow aphikümqhüpu thimeqo nono I zülono ikhive no ithamo aye,

BAIBEL (BSI)

¹ AMPEU no pi, “Israil lo akemiqo, nonguno ideighini aye ilau xaideghilo. Nonguno ino jumithichekeu julho ikhipeve aye eno ilau amikucho shi aye

JEREMIYA 4:1 Iomraidhean Croise

BOTHUBO 35:2

Ikehu Jacob no pa kibolomi eno pa gholo akeqo kümtsü vilo pi, “Inaghami lhou nongu gholo akeqo qhive no nongu ampi shikimthe lulo eno nongu phimini kilive lo.

KUKAMI AKINIU 23:13

Pa no shiküpsa toghi apeu, ti ye Jerusalem kipelau, akümlla-a khikhi Israel kükau Solomon no Sidonmiw aphikümqhüpu lholiu Ashtoreth, ngo Moabmiw aphikümqhüpu lhou Chemosh eno Ammonmiw aphikümqhüpu lhou Milcom ghenguno shiqhe keno, tipaqo shipüthave tsü.

KUKAMI AKINIU 23:24

Tinguno alau, achinetou Hilkiah no Ampeu ki lono ithulu keu kaku lo yepüa keqo pepimhe wonike akükau Josiah no Judah yeghi lo eno Jerusalem lono tumumi eno kithixashemi, akibo lhouqo, ajulhoqo, eno aphikümqhüpu kümtsü ikhive.

YEKIKITHI AKINIU 15:8

Oded nu Azariah no tungkuptsa pikeu Asa no chilu kemtsa, pa ye amlo mtoluve no Judah ngo Benjamin qha kümtsü, Ephraim ato yeghi lo mishighüna pa no hakholu keqo kümtsü lo ajulho ikhive. Pa no Ampeu chineki khala lo akümlla-khache shiqhe kitheve.

YEKIKITHI AKINIU 33:8

Israelmi no I zakütsü eno I no I qeu Moses tsükeu Yezah kümtsü pelu aye, I no pano puasü tsükeu yeghi lono khalau panoqo puwuve monani.”

YEKIKITHI AKINIU 34:33

Josiah no Israelmi ghakhu lono aphikümqhüpu thime kümtsü kütsaleve eno Israelmi kümtsü pelo Ampeu pano Lhou huthupe. Pa küxü tivilo panongu ye Ampeu pano puasü Lhou launo tsüghüve moe.

ISAIAH 31:6

O Israelmiqo, nongu no shisheno khuu mjochileve akeno, Pa lau tsüghü ighilo.

JEREMIYA 15:19

Ikehu Ampeu no ishi piani: “Nono ideighi aye, I no o pesü athoputho tsüni, eno nono I zülo puthugho nani. Nono ameküküha tsa kumono akughupu tsa pi aye, no ye I kichi shinani. Panongu no o lau tsüghü ighi nani, ikemu no ye panongu lau tsüghü wumo nani.

JEREMIYA 15:4

Hezekiah nu Manasseh, Judah kükau no Jerusalem lo kiu shi keno, tipa ghenguno I no panongu pesü ayeghi lo kükaqha kümtsü lau akümsapu shitsü nani.

JEREMIYA 18:11

Tighenguno itehi, Judah ngo Jerusalem lo küxümi vilo pilo: ‘Ampeu no ishi piani, Jualo, Ni ye nongu shou amhekiqi eno amqü kuchughu ani. Kümtsü no pütüta kümla lhoksa lono ideighi lo, no laghi eno no kümla lhoksaqo shikithe luvelo.’

JEREMIYA 24:9

I no khile panongu hapuwuni keno ayeghi lo kükaqha kümtsü lau panongu pesü aküighüpu, thoküghapu, küghakichepu, atichepu, eno angusüpu shitsü nani.

JEREMIYA 25:5

eno pi, ‘Itehi nongu pütüta laghi eno akümla lhoksa lono tsüghü ighilo, eno Ampeu no khaghi no alholo ghenguno nongu eno no puasüqo tsükeu yeghi lo xülulo.

JEREMIYA 3:1

“Milakhi no pa nipu pheve no li no kütami nipu shive aye pa ye li lau idewulu nani keshea? Ayeghi tipau ye kümzapu shi shipuqove nanike kumo? No ye alojipumi kutomo sasü kütüqhave eno I lau ideighini keshea? Ampeu no asheshu.

JEREMIYA 3:12

Wuno atsa hipaqo pesü ahuu küdau kütüghü no pilo, “‘Aküpülü kükühau Israel, ideighilo, ipi Ampeu no asheshu. Ni ye amloide ghi o jumo nani, kughengu Ni ye kimiyekini ke, ipi Ampeu no asheshu; Ni ye alholo amloide monani.

JEREMIYA 3:14

Ideighilo, O aküpülü küküha tianuliqo, ipi Ampeu no asheshu; kughengu Niye o MPEU ke; I no aphughi lono nongu lakhi luni eno akibo lono kini luni, eno Zion lo nongu saghini.

JEREMIYA 3:22

“Xaidelo, aküpülü küküha nuli, I no nongu küpülü küküha shipivi tsüni.” “Iyei, nino O lau cheni, kughengu No ye Ampeu ni Lhou ke.

JEREMIYA 35:15

I no nongu lau I qemi tungkupmi puwu, eno tamo mithe puwu no panongu no picheni, ‘Itehi nongu kümtsü alhoksa laghi launo tsüghüve lo, no kümla kililo, kütau lhouqo huthuni ke papewu kevilo, tishiaye nongu ye I no nongu eno no puasüqo tsükeu yeghi lo xülu nani.’ Ikemu nongu no akini kugho puwomo momu I tsa inimoe.

JEREMIYA 36:3

Ishiake Judah lagha ye I no pano shou kütsakungo nike kughu akeu chilu no kümtsü no pano lhoksa lono tsüghü ighi luvi, tishianguno I no pano kipimi xine qhitsü nani.”

JEREMIYA 4:4

Ampeu lau nongu phighüyiko ghalo, nongu mlo yiko ikhivelo, Judah ngo Jerusalem lo küami; tikumo aye no lhoksa ghenguno I loghu no ami toi khunomu ghapinhe mla kepushi piti nani.”

JEREMIYA 7:3

Aqokitikhi MPEU, Israel Lhou no ishi piani: Nongu laghi eno no kümla kilive lo, eno I no nongu pelo hile xülupe nani.

JEREMIYA 7:5

“Kughengu kuchou no nongu laghi eno no kümla kilive, lakhino lakhi lau kuchou xakütha shi aye,

JEREMIYA 7:7

I no khaghi no alholo ghenguno no puasüqo tsüve keu yeghi hipau lo nongu pelo xülupe nani.

EZEKEL 11:18

Eno kughou panongu no tile ighini keno, panongu no tile aphikümqhüpu thime eno kuchhube kütsüla kümtsü ikhive nani.

EZEKEL 18:13

akighishe lono püna, ala lu cheghi aye, pa ye xülu nani keshea? Pa ye xümo nani. Pa ye aphikümqhüpu hi kümtsü shivae; pa ye mtsüqheino thinani; pa ji ye pa ampi shou anani.

EZEKEL 43:9

Itehi ye panoqo pelo panow kütüqha keu ngo panow kükami sükumo I launo putou peve pelo, eno I no panoqo gholo alhokupuju acheuve nani.

HOSIYA 14:1

Ampeu o Lhou lau ideighilo, O Israel, kughengu no ye o xine ghenguno küpxavae.

HOSIYA 2:2

“O za lomipi lo— kughengu li ye I nipu kumoe, eno ni ye li kimi kumovae— tishino li pelo kütüqha pemove, eno li pelo asalha tave pelo;

HOSIYA 7:16

Panongu no ideighi, ikemu kunguu küdau kumoe; panoqo ye thekuchu süzü toie; panow kükapumiqo no timi kiphikumo mili xapu kehu azütakikihi lono ikiqive nani. Hipau ghenguno Egypt yeghi lo panongu cheqhi nani.

JOYIL 2:12

Ampeu no pi, “Itehi nomu nongu mlo tsüqhiyi shino kümvü keu, aküqa eno akumlo lono I lau xaide ighilo;

ZEKHARIA 1:4

No puasüqo toi kevilo, azüu tungkupmi no panoqo vilo igha pi, ‘Aqokitikhi Mpeu no piani, Nonguw küsakügha laghi eno küsakügha kümla lono ideighive lo.’ Ikemu panongu no chiluke kumono I lau amlo tsümoe, ipi Ampeu no asheshu.

ZAKINIU 27:15

“‘Khukhumu Ampeu zülo aphikümqhüpu, kütshakügha shi küsüuno asüatu momu ayi julho mla püaghi keu ye müsüinivae.’ Eno timi kümtsü no ‘Amen,’ ipi khochileni.

ZAKINIU 4:30

Nongu no shiluküsa lo akelo, eno hithiu hi kümtsü nongu shou ikughive kethiu, nongu no Ampeu nongu Lhou lau ideighi nani eno Pa gholu nani.

JOSHUA 24:14

“Tighenguno itehi Ampeu sümsa eno amlo tsüqhiyi aküpülü lono Pa qelo. No puasüqo no Aghoki kukuu eno Egypt lo mlla chekeu lhouqo phevelo eno Ampeu qelo.

XAKUTHAMI 10:16

Tishino panongu no inami lhouqo ikhipe peve no Ampeu mlla; ikelo Ampeu no Israelmi ghime jupe kutuu mlave.

SAMUEL ATUGHIU 7:3

Samuel no Israel laghami kümtsü vilo pi, “Tsala nongu no nongu mlo kümtsü pesü Ampeu lau xaide aye, nongu ye inami lhouqo eno Ashtaroth phevelo, nongu mlo pesü Ampeu tsülo eno Pa likhi qelo, tishiaye Pa no Philistiami u lono nongu xaphetsü nani.”