JEREMIYA 38:2 - Sumi Naga CL (Re-edited) Bible (BSI)

² “Ampeu no ishi piani: Khuu no mishighüna hipau lo ngo ani keno azütakikihi, püqümiye, eno püsa lono thive nani, ikemu khuu no Chaldeami lau wuni keno xünani. Pa ye aghüshi lono aküxü pükhalu nani.

BAIBEL (BSI)

² AMPEU no ishi pikeu pesu piachekeu chiluve, “Khunono aphughilo ngo auveni keno aghukishi momu akhuava eno kusukini lono thina nike. Ikemu khuno aphughi lono ipeve puzu Babilonmi lau liqhipe suveni keno tipaqoye heqhipithivemo nanike; paye pa kuxu likhimu pukhaluniake.”

JEREMIYA 38:2 Iomraidhean Croise

JEREMIYA 21:4

‘Israel Lhou, Ampeu no ishi piani: Julo, Babylon kükau eno Babylonmi khunoqo atupikiye khalacheu no nongu khasüpe ani keno, nongu no panoqo sasü aghü shiniye nongu u lo aghünanu pe akeqo I no nongu shou pukuve tsü nani. I no mishighüna hipau lo panongu kümtsü sailoghi nani.

JEREMIYA 24:8

“Ikemu Ampeu no ishi piani: Judah kükau Zedekiah, paw kijemi eno Jerusalem lo ghükulumi khunoqo ayeghi tipau lo ani keno, eno Egypt yeghi lo xü akeqo shou I no chukümlapu mubuthi toi shitsü nani.

JEREMIYA 27:11

Ikemu khuno shiye no Babylon kükau kuokhasü qholo ighi no pa huthuni keno, I no panongu pelo pütüta yeghi lo ngono mla chupe nani, ipi Ampeu no asheshu.”’”

JEREMIYA 27:13

Ampeu no Babylon kükau qemo keu shiye ghenguno pi keshi, kushiye ow timiqo ye azütakikihi, püqümiye, eno püsa lono thini kea?

JEREMIYA 29:16

Ampeu no akükau khuu David kükalakhü lo iqa ani keno pa ghenguno, eno mishighüna hipau lo no laghami nongu gholo akughu lo wumo keqo ghenguno ishi piani:

JEREMIYA 29:18

I no azütakikihi, akhüava, eno püsa pelo panongu pape peni, eno ayeghi lo kükaqha kümtsü zülo akümsapu shitsüni, I no panongu hapuwuve keu shiyeqo gholo panoqo pesü angusüpu, akümsapu, aküighüpu, atichepu, eno thoküghapu shitsüni,

JEREMIYA 34:17

“Tighenguno Ampeu no ishi piani: No ye I gholu ghi athiküzümi eno akisüghümi lau kuqhokiphe pikülha move; julo, I no azütakikihi, püsa, eno püqümiye lono ikiqiveni keu kuqhokiphe pesü o kütüghü ani, ipi Ampeu no sheshu. I no o pesü ayeghi lo kükaqha kümtsü lau kümsapu shitsü nani.

JEREMIYA 39:18

Kughengu I no kuchou no o xalu nani, no ye ghüyi lono womo nani, ikemu aghüshi lono aküxü pükhalu nani, kughengu nono I shou pükhübe ke, ipi Ampeu no sheshu.’”

JEREMIYA 42:17

Khunoqo no Egypt lo wuno xüniye tilau agi kugho puwoni keno kümtsü azütakikihi, püqümiye, eno püsa lono ikiqive nani. I no panoqo shou kütsakungo süghi niye akeu lono milakhi mu ghülumo nani.

JEREMIYA 42:22

Tighenguno mtsüqheino ithilo, nongu no khuno ghakhu lo wunishi ani keno, tilau no azütakikihi, püqümiye, eno püsa lono thive nani.”

JEREMIYA 44:13

I no azütakikihi, püqümiye, eno püsa pesü Jerusalem ghime ketoi Egypt lo xüuve kemi ghimeqhi nani,

JEREMIYA 45:5

No ye o ghenguno akümzapu thime phucheni keshea? Ti phu kevilo, kughengu I no küxümi kümtsü shou kütsakungo keu süghini cheni ikemu no ye nono khile khile wunamu I no asaxü kumlhoshi o küxü süshotsü nani, Ampeu no sheshu ani.”

EZEKEL 14:21

“Kughengu Ampeu no ishi piani: I no Jerusalem lo timi eno tüghashi kütsaveni kehu tile I mhekiqi küghakütha bidi: azütakikihi, püqümiye, tüghashi, eno püsa puwu kelo ti ye kishi alhoksa shinani kelae!

EZEKEL 6:11

Ampeu no ishi piani: “Nongu u kukhulo, nongu pukhu ti ghi pilo, Aha, Israel laghamiw aphikümqhüpu kixikila ghenguno panongu ye azütakikihi, püqümiye eno püsa lono ikiqive nani.

EZEKEL 7:15

Azütakikihi ye ashou ani; püsa ngo püqümiye no alou ani. Khuu no aluza lo ani keno azütakikihi lono thive nani, eno khuu no mishighüna lo ani keno püqümiye ngo püsa no munove nani.