JEREMIYA 38:18 - Sumi Naga CL (Re-edited) Bible (BSI)

¹⁸ Ikemu nono liqhipe tsümo aye, mishighüna hipau ye Chaldeami u lo süvetsü nani, panongu no ami pesü hipau pitive nani eno no ye panongu u lono polumo nani.”

BAIBEL (BSI)

¹⁸ Ikemu nonguno qhoi liqhipe suvemoaye hipau phughiye Babilonmi lau tsuveni cheni eno panoqono hipau pitileve nani eno noye panoqo launo povemla nanike.”

JEREMIYA 38:18 Iomraidhean Croise

KUKAMI AKINIU 24:12

eno Judah kükau Jehoiachin no pa ampi, paza, paw kijemi, hiyampemi, eno pa kükaki lo kijemiqo pesü Babylon kükau tsüve. Babylon kükau yepe mpe akütacheu lono pa no Jehoiachin akughumi shi sasü wuve,

JEREMIYA 21:10

Ni ye mishighüna hipau shou akivipu kumono aküsapu ghenguno I kupulo shivae, Ampeu no asheshu: ti ye Babylon kükau u lo süvetsü nani eno pa no ami no pitive nani.’

JEREMIYA 27:8

“‘“Ikemu shiye momu kükaqha lakhino hi Nebuchadnezzar Babylon kükau qemo eno pano kuo lo paw kuokhasü pumo aye, I no shiye tipau kütsave moke kutolo azütakikihi, akhüava, eno püsa pesü ghime nani, ipi Ampeu no sheshu.

JEREMIYA 37:8

Eno Chaldeami no idechile ighi no mishighüna hipau sasü aghüshi nani. Panongu no mishighüna khasüluve nani eno ami no pitive nani.

JEREMIYA 38:23

Nongu nipu eno atianuli kümtsü Chaldeami lau sawuve nani, no ampi ghi panongu u lono pomla no Babylon kükau no küghaluve nani, eno mishighüna hipau ye ami no pitive nani.”

JEREMIYA 38:3

Ampeu no ishi piani: Mishighüna hipau ye mtsümishei Babylon kükau ghüshimi u lo süve tsüno pa no luve nani.”

JEREMIYA 39:3

Tile Babylon kükauw hiyampemi no ighi no khagho mta lo iqa: Samgarmi Nergal-sar-ezer, kijemi tou Nebu-sar-sekim, aqhi ayepu kiphimi Nergal-sar-ezer, eno Babylon kükauw hiyampemi kümtsü.

JEREMIYA 39:8

Chaldeami no akükau ki eno timiqo ki pitive tsü, eno Jerusalem tupikiye ghi hepholeve tsü.

EZEKEL 12:13

Eno I no pa shou I khame vepuku nani, I lichhe lo pa kitime luve nani. Chaldeami yeghi Babylon lo I no pa saighive nani, ikemu pa ye ti ithulumo nani eno pa ye tilau no thive nani.

EZEKEL 17:15

Ikemu pa no hebide no paw lashikami Egypt lo puwu, tishino panongu pelo khurshi ngo ghüshimi kutomo pa tsü peniye shike. Pa ye tolu nani keshea? Thime hitoi keu shiche kemi ye pokalu nani keshea? Pa ye visho kubove no pokalu nani keshea?