JEREMIYA 37:3 - Sumi Naga CL (Re-edited) Bible (BSI)

³ Akükau Zedekiah no Shelemiah nu Jehucal, eno Maaseiah nu achineu Zephaniah pama tungkupu Jeremiah lau puwu no pipe, “Kimiyeno Ampeu ni Lhou lau ni ghenguno inikhu tsülo.”

BAIBEL (BSI)

³ Akukau Zedekiya no Shelemiya nu Jehukal ngo Maaseiya nu achineu Zefaniya ilau puwu eno nishiayeh ghenguno AMPEU niLhou lau inikhutsu penike ivilo inijupeke.

JEREMIYA 37:3 Iomraidhean Croise

KUKAMI ATUGHIU 13:6

Akükau Jeroboam no Alhou timi vilo pi, “I ghenguno Ampeu o Lhou vilo inikhu tsülo eno I u hipau shipivi tsülo.” Alhou timi no Ampeu vilo inikhu tsü, eno akükau u ye athoputho luve.

IPEKULU 10:17

Tighenguno, kimiyeno itehi I kipimi qhive tsülo, hi likhi ake, eno Ampeu nongu Lhou vilo I launo akithi hipau ikhive tsü penike inikhu tsülo.”

IPEKULU 8:28

Ikehu Pharaoh no pi, “Tsala nongu no kushuo lo wumo kepu shi aye, I no nongu pelo yenguyike-a lo wuno Ampeu no Lhou lau aghashilu peni. I ghenguno inikhu tsülo.”

IPEKULU 8:8

Tileno Pharaoh no Moses ngo Aaron kuno pi, “I lau eno Iw timi launo achuyiqo ikhi süwuve tsü penike Ampeu lau qhüiniju tsülo, eno I no timiqo pelo Ampeu lau aghakishi tsülu penike puwunie.”

IPEKULU 9:28

Ampeu vilo inikhu tsülo, kughengu Alhouw pasapagha ngo mürasü ye ihulovae. I no nongu puwuveni, eno itehi nongu ye ngokithe pemoae.”

JEREMIYA 15:11

Ampeu no pi, “Ni ye panongu kivipu ghenguno o khaqhi pheke kumo? Ni ye aküpüna eno aghime ghuloki lo aghümi zülono o ghenguno qhüiniju ke kumo?

JEREMIYA 2:27

Nongu no asübo vilo, ‘No ye I pu,’ eno atu vilo, ‘Nono I punu ke,’ ipi cheni. Kughengu panongu no agi I piye mono kughope azübo I tsüke, Ikemu pano veküsa loye, ‘Ithughi no ni xalulo!’ ipike.

JEREMIYA 29:21

‘Aqokitikhi MPEU, Israel Lhou no I je lono tungkuptsa pi akeu Kolaiah nu Ahab eno Maaseiah nu Zedekiah pama ghenguno ishi piani: Jualo, I no pama pesü Babylon kükau Nebuchadnezzar u lo süvetsü nani, eno pama ye nongu nhethe lono ghiqhive nani.

JEREMIYA 29:25

“Aqokitikhi MPEU, Israel Lhou no ishi piani: Nono o je lono yesü yepe Jerusalem lo timiqo lau eno Maaseiah nu, achineu Zephaniah ngo achinemi kümtsü lau puwu no pike,

JEREMIYA 37:17

Akükau Zedekiah no Jeremiah ghenguno timi puwu no pa saluve. Akükau no pa ki lono tuqhou shi pa vilo ighiju, “Ampeu launo atsa kiuala ani keshea?” Jeremiah no pi, “Iyei.” Tileno pa no pi, “No ye Babylon kükau u lo phesüve tsü nani.”

JEREMIYA 37:7

“Israel Lhou Ampeu no ishi piani: Judah kükau, khuu no I vehu ighiju penike I lau o puwu keno pa vilo pilo, ‘Julo, Pharaoh ghüshimi o kuphuni ke ighikeu ye pano yeghi Egypt lo idewo niye cheae.

JEREMIYA 38:1

Jeremiah no timiqo vilo ishi pi akeu tsa Mattan nu Shephatiah, Pashhur nu Gedaliah, Shelemiah nu Jucal, eno Malchiah nu Pashhur no chilu,

JEREMIYA 42:1

Tileno ghüshimi shou zatsümi, Kareah nu Johanan ngo Hoshaiah nu Jezaniah, eno timi kijemi kitilami kümtsü no hekütsüpe ighi no,

JEREMIYA 42:20

nongu ye no küxü pesü ala ghüzü qhüluvae. Kughengu nongu no Ampeu no Lhou lau I puwu no ishi pitsülo pike, ‘Ampeu ni Lhou lau ni ghenguno inikhu tsülo, eno Pa no kiukiu pinamu ni vilo pitsülo, ningu no tishini.’

JEREMIYA 52:24

Aghukhemi shou kepten no achinetou Seraiah ngo achineu akiniu Zephaniah eno ahukikha khemi küthü sawuve;

AKIKIHI 21:7

Ikehu timiqo no Moses lau ighi no pi, “Ningu no Ampeu shou eno o shou axine shivae. Itehi ye Ampeu vilo inikhu tsüno apighi hipaqo süwuve tsüpelo.” Ikehu Moses no timiqo ghenguno inikhu.

Apostolmi 8:24

Simon no khochile, “Nono pive keu lakhimu I shou ighi pemoni ke I ghenguno Ampeu vilo inikhu tsülo.”

SAMUEL ATUGHIU 12:19

Timi kümtsü no Samuel vilo pi, “O qemiqo ghenguno Ampeu o Lhou lau inikhu tsülo, tishianguno ningu ye thimo nani, kughengu ningu no akükau khu keu lono nino ni xine shou küsakügha hipau küphavae.”