JEREMIYA 37:13 - Sumi Naga CL (Re-edited) Bible (BSI)

¹³ Pa no Benjamin Khagho lo ighi kelo Hananiah nu Shelemiah nu aghukheu Irijah no pa tsüqü luve no pi, “No ye hipa-a qhive no Chaldeami lau pocheae.”

BAIBEL (BSI)

¹³ Ikemu ino Banjamin khagho tokelo ghushimi tilehi aghukhe shi akemiqo shou akijeu no ilakhaluve, pa jeye Iriya ke, paye Selemiya nu eno pasuye Hananiya ke. Pano ivilo pi, “Noye hipa-a qhive puzu Babilonmi lau wuchenike!”

JEREMIYA 37:13 Iomraidhean Croise

JEREMIYA 18:18

Tile panongu no pi, “Ighilo, ningu Jeremiah shou kuchughuni, kughengu achinemi launo ayezah shiküka tavemo nani, alokütsümi launo mijekütsü eno tungkupmi launo atsa pühave monani. Ighilo, ningu amili pesü pa leni eno pa no kiukiu pinamu ini moni.”

JEREMIYA 20:10

Kughengu I no chhuchhushi keu sütsa chilu ani. Akümsapu no ako kümtsü lo ani! “Pa pipüthave lo, ningu pa pipüthani!” ipi I poshumi kümtsü no pi ani, I pelo ikiqive penike khe ani. “Pa pishiqhive luve aye nino pa shou toluve nani eno pa shou ningu mkhülu nani.”

JEREMIYA 20:2

Pa no Jeremiah tungkupu heqhi, eno Ampeu ki Benjamin Khagho lashou khathape qhive.

JEREMIYA 21:9

Khuu no mishighüna hipau lo ani keno azütakikihi, püqümiye, eno püsa lono thive nani, ikemu khuu no Chaldeami nongu khasüpe akeqo lau liqhipe tsüveni keno pa ye xülu nani eno aghüshi lono aküxü pükhalu nani.

JEREMIYA 27:6

Itehi ayeghi hipaqo kümtsü pesü I qeu Nebuchadnezzar Babylon kükau u lo süve tsüae, eno aluza lo tüghashi ghi pa huthu penike tsüvae.

JEREMIYA 28:14

Kughengu aqokitikhi MPEU, Israel Lhou no ishi piani: Babylon kükau Nebuchadnezzar huthu penike I no shiye kümtsü kuo lo kuokhayi pipe nani, eno panongu no pa qe nani, kughengu aluza lo tüghashiqo ghi I no pa tsüvae.’”

JEREMIYA 36:12

pa no akükau kilo akiyeu chebo lo ilo, tile hiyampemi kümtsü iqa aghi: akiyeu Elishama, Shemaiah nu Delaiah, Achbor nu Elnathan, Shaphan nu Gemariah, Hananiah nu Zedekiah, eno kijemi kümtsü.

JEREMIYA 38:1

Jeremiah no timiqo vilo ishi pi akeu tsa Mattan nu Shephatiah, Pashhur nu Gedaliah, Shelemiah nu Jucal, eno Malchiah nu Pashhur no chilu,

JEREMIYA 38:4

Tileno Hiyampemi no akükau vilo pi, “Timi hipau ye pithive kepue, kughengu pa no atsa hipaqo panongu lau pikeu lono mishighüna hipau lo ghüshimi akeqo shikimqeve ani eno timiqo ghüthi püsüve tsü ani. Kughengu pa ye timiqo kivipu kumono pano ghüzapu phu anie.”

JEREMIYA 38:7

Kughou Ethiopiami shoko Ebed-melekh, akükau kilo achekeu no Jeremiah ye atughuko lo vesüvae pi chilu keno, akükau no Benjamin Khagho lo iqa ake lono

AKUMLO 4:18

Ni pukhune sükiqhe kümtsü timiqo no miqe kehu ni laghila lomu chewu mlae; ni tsala ye kihithavae; ni shekuho ye kupunuvae, kughengu niw kishekha ye ighivae.

AMUS 7:10

Tileno Bethel lo achineu Amaziah no Israel kükau Jeroboam lau ishi asütsa puwu, “Amos ye Israel lo akemi zülono o shou küsüqe ani. Aghakhu ye pa tsapi puqhelu movae.

ZEKHARIA 14:10

Geba lono Jerusalem apeu Rimmon kutolo ayeghi kuchopu külaqave nani. Ikemu Jerusalem ye Benjamin khagho lono azüu khagho-a, Acheku Khagho kutolo, eno Hananel qoghe lono akükau tsaithi qocheke-a kutolo, chuqumghai pa-a lo anani.

Luke 23:2

Panongu no pa nguku thuve, “Timi hipau no ni shiye saküghüzü no Caesar lau zame ghi tsüpe moniye lakha ani, eno pa ampi no Messiah, akükau kepi piani.”

Apostolmi 24:13

Tike kumono panongu no I ngukube akeu o vilo tikepi thebei pimla nani.

Apostolmi 6:11

Ikehu panongu no timi khami chuxu no ishi pipe, “Pa no Moses ngo Alhou thaigha keu tsa pikeu nino chiluvae.”

2 Kor. 6:8

ajekipi eno ajeküsa lo, thogha eno sheqhe keu kümtsü lo ningu no puqhe acheni. Pishikiqhimi toi ningu peitha cheni, ikeghi ningu no kuchoue;