JEREMIYA 36:9 - Sumi Naga CL (Re-edited) Bible (BSI)

⁹ Josiah nu Judah kükau Jehoiakim yepe mpe apunguu aqhi atokuu lo Judah mishighünaqo lono Jerusalem lo ighi kemi kümtsü no Ampeu zülo kümvü nike kütüghü.

BAIBEL (BSI)

⁹ Juda lo Jehoiakim no akukau shikeu ampe apunguu aqhi atokuulo timiqono AMPEU lopu lunishi kelauno kumvu ke. Kumvukeu tipauye Jerusalem lo akemi kumtsu eno Juda lo taunqo lono ighikemi kumtsuno ikhiluake.

JEREMIYA 36:9 Iomraidhean Croise

YEKIKITHI AKINIU 20:3

Tileno Jehoshaphat ye msave no pa gi kughope Ampeu phu, eno Judah ghakhu kümtsü no kümvü penike azah tsü.

NEHEMIA 9:1

Atsala muku abidini Israelmi no yeqhiyephi pepusü ayeghimkhu epe akütsü lo puku no kümvü ae.

ESTHER 4:16

“Wulo, Susa lo Jewmi ithulu keqo kümtsü hekütsü lo, eno I ghenguno kümvü lo, putho pucho tsala küthü chusho kevilo. Ni eno Iw lhothelimi ghi nongu toi kümvüni. Tishino ayezah hexa aghimu I no akükau lau wuni, eno tsala I pühave kepu shimu, ni ye pühaveni.”

JEREMIYA 36:1

Josiah nu Jehoiakim, Judah kükau yepe mpe abidiu lo Ampeu tsa Jeremiah lau ighi:

JEREMIYA 36:22

Ti ye aqhi atokuu shia, akükau ye süsü kilo iqa ae, pa zülo amibo lo ami iqüae.

JEREMIYA 36:6

tighenguno nono wuni, eno kümvü ake tsalani Ampeu ki lono timi kümtsü no chikulupu shi Ampeu tsa I no mije tsükeu liküküzü kaku lono phisüni. No ye Judah lo mishighünaqo lono ighi kemi no chikulupu shi phisüni.

JOYIL 1:13

Yeqhiyephi pepu no mlolo, O achinemiqo; igha qalo, O akiptia lo hukuthumiqo. Ilolo, puthotsü yeqhiyephi u lo, O I Lhou qemiqo! Kughengu athi eno atsaizü kümllagho ye nongu Lhou ki lono süchile luvae.

JOYIL 1:14

Kümvü kepu do kophelo; akimchi hoho kusülo. Layemi eno aghakhu lo küxümi kümtsü Ampeu nongu Lhou kilo hekütsüpe Pa lau ighamku lo.

ACHINE 23:27

“Aqhi akütsüniu atsala achighiu ye Lokichile Tsala ikhiluni. Tipani ye kümvüni ke ghenguno kumqoni eno achuqupu kümllagho Ampeu lau tsüni.

JONAH 3:5

Nineveh lo timiqo no Alhou pülüve. Panongu no kümvüni ke asheshu, eno akijeu lono akitilau kutolo yeqhiyephi pepuve.

ZEKHARIA 8:19

“Aqokitikhi Mpeu no piani: Judah lo küami ghenguno aqhi abidiu, apunguu, akütsüniu eno achighiu lo kümvü keu ye alokivi, amlokiqi eno alophalei keu ghulhuqo shi nani. Tighenguno kuchou eno külakishi kimiyelo.

XAKUTHAMI 20:26

Ikehu Israelmi ghüshimi kümtsü no Bethel lo iqho mloqa. Panongu no Ampeu zülo iqa no tipani kijiliu shiveke kutolo kümvü, eno akipti kümllagho ngo külakishi kümllagho pesü Ampeu lau tsü.

SAMUEL ATUGHIU 7:6

Ikehu panongu no Mizpah lo hekütsü no azü shophe eno tipau pesü Ampeu zülo leqhi no tipani kümvü eno tileno pi, “Ningu no Ampeu zülo axine shivae.” Eno Samuel no Mizpah lono Israelmi shou xaküthau shie.