JEREMIYA 36:4 - Sumi Naga CL (Re-edited) Bible (BSI)

⁴ Tile Jeremiah no Neriah nu Baruch ku, eno Ampeu no pikeu tsa kümtsü Jeremiah no Baruch vilo shetsü kelo Baruch no liküküzü kaku lo yesüve.

BAIBEL (BSI)

⁴ Ikehu ino Neriya nu Baruk kupuzu AMPEU no ivilo pivekeu kumtsu pa vilo kithikiyi shi pitsu. Baruk no tipau kumtsu likuzu kaku shou yepukuve.

JEREMIYA 36:4 Iomraidhean Croise

ISAIAH 30:8

Itehi ye wulo, timiqo küa lono atupha eno kaku lo yepuku lo, tishianguno tino alholo thopi shi ighini keu tsala kutolo ache peni.

ISAIAH 8:1

Tithiu Ampeu no I vilo pi, “Atupha kije lakhi luno yesüta pesü yepuku lo: ‘Maher-shalal-hash-baz’

JEREMIYA 25:13

I no ayeghi tipau shou pipuku keu tsa kümtsü, eno shiye kümtsü shou Jeremiah no tungkuptsa pikeu kaku hipau lo yepüakeu qhoi shikupu nani.

JEREMIYA 30:2

“Ampeu, Israel Lhou no ishi piani: I no o vilo pive keu tsa kümtsü kaku lakhi lo yelo.

JEREMIYA 32:12

Eno aküqhü xakütha kiyepa pesü I tikishiu Hanamel ngo thopimi jemchi shikemi eno Judahmi akhemi bocho lo akemi nhethe lono I no Mahseiah nu Neriah, Neriah nu Baruch tsüve.

JEREMIYA 36:14

Tile hiyampemi no Cushi nu, Shelemiah nu, Nethaniah nu Jehudi pelo Baruch vilo pi penike puwu, “Timiqo no chikulupu shi phisü keu liküküzü o u lono peighilo.” Ikehu Baruch no liküküzü kaku pa u lono pesü panongu lau ighi.

JEREMIYA 36:21

Akükau no liküküzü süghi penike Jehudi puwu, pa no akiyeu Elishama chebo lono liküküzü kaku pesü akükau eno pa phivilo puthugho akemi kijemi lau phisütsü.

JEREMIYA 36:23

Jehudi no kokütha do küthü eno bidi phi aphi lono akükau no azütachi ikhilu no tipaqo ghitha pe qhoi piti khave moke kutolo amibo lo vesüve.

JEREMIYA 36:26

Akükau no kükapuu Jerahmeel, Azriel nu Seraiah, eno Abdeel nu Shelemiah pelo akiyeu Baruch eno tungkupu Jeremiah küghaluve penike azah tsü, ikemu Ampeu no pama küsüve.

JEREMIYA 36:27

Jeremiah mijekütsü lono Baruch no liküküzü kaku lo yekeu Akükau no pitive tsüke thiu Ampeu tsa Jeremiah lau ighi:

JEREMIYA 36:28

“Liküküzü kaku atüghüu Judah kükau Jehoiakim no pitive tsükeu lo akeu tsa kümtsü liküküzü kaku kütau lakhi lo yesülo.

JEREMIYA 36:32

Ikehu Jeremiah no liküküzü kaku kütau pesü Neriah nu akiyeu Baruch tsü. Eno Baruch no Judah kükau Jehoiakim no pitive tsükeu liküküzü kaku lo Jeremiah no shetsü keu tsa kümtsü yesüve. Atsa kimihi keu kutomo tipa gholo süküqhave.

JEREMIYA 36:6

tighenguno nono wuni, eno kümvü ake tsalani Ampeu ki lono timi kümtsü no chikulupu shi Ampeu tsa I no mije tsükeu liküküzü kaku lono phisüni. No ye Judah lo mishighünaqo lono ighi kemi no chikulupu shi phisüni.

JEREMIYA 43:3

Ikemu Neriah nu Baruch no ningu pesü Chaldeami u lo süve tsüno panoqo pelo ni pithive momu Babylon lo kügha sawuve peniye o pelo ningu küla ani peke.”

JEREMIYA 51:59

Judah kükau Zedekiah yepe mpe abidiu lo Mahseiah nu Neriah nu Seraiah no Zedekiah sasü Babylon lo wuke lono, tungkupu Jeremiah no Seraiah azah tsükeu tsa, Seraiah ye akükau kilo kijemi.

JEREMIYA 51:60

Jeremiah no Babylon shou kütsakungo ighi niye akeu kümtsü kaku lo yesüve, atsa hi kümtsü Babylon ghenguno ke.

EZEKEL 2:9

Kughou I no jupuwo keno au lakhi I küdau chhopuwo, eno julo, liküküzü kaku lakhi tipau lo aghi.

DANIEL 7:1

Babylon kükau Belshazzar yepe mpe atüghüu lo, Daniel no pa lüpa lo ihozü akelo asamo eno kungunhetsü ithulu. Tithiu pa no asamo yepe qhive eno asamo akhoto vehu huye pivetsü.

ZEKHARIA 5:1

Itaghi I no I nhethi tsükhope jukelo liküküzü kaku lakhi yecheghi keu ithulue!

Rommi 16:22

Yesü hipau kiyeu Tertius no Ampeu je lono petha nongu tsü ani.